Quran with Burmese translation - Surah Al-Isra’ ayat 7 - الإسرَاء - Page - Juz 15
﴿إِنۡ أَحۡسَنتُمۡ أَحۡسَنتُمۡ لِأَنفُسِكُمۡۖ وَإِنۡ أَسَأۡتُمۡ فَلَهَاۚ فَإِذَا جَآءَ وَعۡدُ ٱلۡأٓخِرَةِ لِيَسُـُٔواْ وُجُوهَكُمۡ وَلِيَدۡخُلُواْ ٱلۡمَسۡجِدَ كَمَا دَخَلُوهُ أَوَّلَ مَرَّةٖ وَلِيُتَبِّرُواْ مَا عَلَوۡاْ تَتۡبِيرًا ﴾
[الإسرَاء: 7]
﴿إن أحسنتم أحسنتم لأنفسكم وإن أسأتم فلها فإذا جاء وعد الآخرة ليسوءوا﴾ [الإسرَاء: 7]
| Ba Sein ၇။ ငါသည် သူတို့အား သင်တို့သည် သုစရိုက်ကောင်းမှုတိုးပွားလျှင်၊ ထိုကောင်းမှုသည် သင်တို့၏ ဝိညာဉ်များ အဖို့ဖြစ်၏။ အကယ်၍သင်တို့သည် မကောင်းမှုဒုစရိုက်ကို ပြုကျင့်အ့ံ။ ထိုမကောင်းမှုမှာ ထိုဝိညာဉ်များဖို့ဖြစ်၏ ဟု ဗျာဒိတ်ပေးတော်မူ၏။ ထို့ကြောင့်သင်တို့ကို ဒုတိယအကြိမ်ဆုံးမစီရင်တော်မူသောအချိန်ဆိုက်ရောက်လာသော အခါ ငါသည် ငါ၏ ကျေးတော်မျိုးကျွန်တော်မျိုးတို့ကို သင်တို့အား တိုက်ခိုက်သတ်ဖြတ်၍ သင်တို့၏ ဝတ် ကျောင်းကို ရှေးပထမအခါကဲ့သို့ ဝင်ရောက်စေတော်မူ၏။ သူတို့အား သူတို့အောင်မြင်သောနယ်ပယ်ကို ကြီးမား သောဖျက်ဆီးခြင်းဖြင့် ဖျက်ဆီးစေတော်မူ၏။ |
| Ghazi Mohammad Hashim အကယ်၍ အသင်တို့သည် အကောင်းပြုခဲ့ကြသည်ရှိသော် မိမိတို့ကိုယ်များအဖို့ အကောင်းပြုကြမည်သာ။သို့ရာတွင် အကယ်၍ အသင်တို့သည် အဆိုးပြုခဲ့ကြပါလျှင်လည်း မိမိတို့ကိုယ်များနှင့် ဆန့်ကျင်(၍ ပြုကြ)မည်သာတည်း။တစ်ဖန် ဒုတိယအကြိမ် (ပျက်စီးရာပျက်စီးကြောင်းကို အသင်တို့ပြုလုပ်ခဲ့ကြသည့်) အတွက် ချိန်းချက်ထားသော ဒဏ်(ကျရောက်ရန်အချိန်)သည် ဆိုက်ရောက်လာသောအခါ (ငါအရှင်မြတ်သည် မိမိအခြားကျွန်များအား) ယင်းတို့သည် အသင်တို့၏မျက်နှာများကို ပျက်စီးညှိုးနွမ်းစေကြအံ့သောငှာ လည်းကောင်း၊ထိုသူတို့သည် ဗလီဝတ်ကျောင်းတော်သို့ ပထမအကြိမ် ဝင်ရောက်ခဲ့ကြသကဲ့သို့ ဝင်ရောက် ကြအံ့သောငှာလည်းကောင်း၊ယင်းတို့(လက်လှမ်းမီ) နိုင်နင်းသမျှသော အရာဝတ္ထုများကိုဖြိုခွင်းဖျက်ဆီး ကြအံ့သောငှာလည်းကောင်း၊ (အသင်တို့အပေါ်၌ လွှမ်းမိုးစေတော်မူမည်) ဖြစ်ပေသည်။ |
| Hashim Tin Myint အကယ်၍ အသင်တို့သည် အကောင်းပြုလုပ်ခဲ့ကြလျှင် အသင်တို့အတွက် အကောင်းပြုခြင်းသာ ဖြစ်သည်။ ၎င်းနောက် အကယ်၍ အသင်တို့သည် အဆိုးပြုလုပ်ခဲ့ကြလျှင်လည်း အသင်တို့အတွက် အဆိုးပြုခြင်းသာဖြစ်သည်။ ထို့နောက် ဒုတိယအကြိမ် (ဖျက်လိုဖျက်ဆီးမှုကို အသင်တို့ ပြုလုပ်ခဲ့ကြသည့်)အတွက် ချိန်းဆိုထားသောပြစ်ဒဏ် ရောက်လာသောအခါ (ငါအရှင်မြတ်သည် အရှင်မြတ်၏အခြားကျွန်များကို) သူတို့သည် အသင်တို့၏မျက်နှာများအား ပျက်စီးရန်၊ သူတို့သည် ဗလီဝတ်ကျောင်းတော်ကို ပထမအကြိမ် ဝင်ရောက်ခဲ့ကြသကဲ့သို့ ဝင်ရောက်ကြရန်နှင့် သူတို့ နိုင်နင်းသမျှအရာများကို ဖျက်ဆီးကြရန် (အသင်တို့အပေါ်တွင် လွှမ်းမိုးစေတော်မူသည်)ဖြစ်သည်။ |