Quran with Burmese translation - Surah Al-Kahf ayat 49 - الكَهف - Page - Juz 15
﴿وَوُضِعَ ٱلۡكِتَٰبُ فَتَرَى ٱلۡمُجۡرِمِينَ مُشۡفِقِينَ مِمَّا فِيهِ وَيَقُولُونَ يَٰوَيۡلَتَنَا مَالِ هَٰذَا ٱلۡكِتَٰبِ لَا يُغَادِرُ صَغِيرَةٗ وَلَا كَبِيرَةً إِلَّآ أَحۡصَىٰهَاۚ وَوَجَدُواْ مَا عَمِلُواْ حَاضِرٗاۗ وَلَا يَظۡلِمُ رَبُّكَ أَحَدٗا ﴾
[الكَهف: 49]
﴿ووضع الكتاب فترى المجرمين مشفقين مما فيه ويقولون ياويلتنا مال هذا الكتاب﴾ [الكَهف: 49]
| Ba Sein ၄၉။ ထို့အပြင်စာရင်းစာအုပ်ကြီးကို တင်ပြထားတော်မူ၏။ ဒုစရိုက်ကောင်များသည် ထိုစာအုပ်ကြီးတွင်ပါရှိသော အခြင်းအရာများကြောင့် ကြောက်ရွံ့တုန်လှုပ်နေသည်ကို သင်မြင်ရ၏။ ထို့အပြင်သူတို့က ဤစာရင်းစာအုပ် ကြီး၌ ပြုကျင့်မှုအသေးအကြီး၊ တစုံတခုမျှမကျန်အလုံးစုံကို မှတ်ပုံတင်ထား၏။ အဘယ်ကဲ့သို့ စာအုပ်ပါနည်းဟု ညည်းညူမြည်တမ်းကြ၏။ ထို့အပြင်မိမိတို့ပြုကျင့်ခဲ့သောအမှုအခင်းအားလုံးသည် သူတို့အား မျက်နှာချင်းဆိုင် နေသည်ကို သူတို့တွေ့ရကြလတ့ံ။ သင်၏ ကျေးဇူးတော်သခင်သည် မည်သူ့ကိုမှ မတရားပြုတော်မမူချေ။ |
| Ghazi Mohammad Hashim ၎င်းပြင် (မှတ်တမ်း)စာအုပ်များသည် (ထိုသူတို့ရှေ့တွင်) ချထားလျက်ရှိပေမည်။ ထိုအခါ အသင်သည် အပြစ်ရှိသူတို့အား ယင်း(မှတ်တမ်း)စာအုပ်များ၌ (ရေးသား၍ထားသော) အကြောင်းအရာများကြောင့် ထိတ်လန့်လျက် ရှိနေကြသည်ကို တွေ့မြင်ပေမည်။ ထို့ပြင် ၎င်းတို့က ဪ-ကျွန်ုပ်တို့အကျိုးနည်းရလေခြင်း၊ ဤ(မှတ်တမ်း)စာအုပ်သည် မည်သို့သော စာအုပ်ပါနည်း။ ဤစာအုပ်သည် မည်သည့် သေးငယ်သော(ပြစ်မှု) တစ်စုံတစ်ရာကိုမျှလည်းကောင်း၊ မည်သည့်ကြီးလေးသော (ပြစ်မှု)တစ်စုံတစ်ရာကိုမျှလည်းကောင်း၊ ခြွင်းချန်ထားခြင်းမပြုပဲ ရေတွက် (မှတ်သား ထား)ခဲ့လေသည်။ ဟုပြောဆိုမြည်တမ်း ညည်းညူကြပေမည်။ ထိုမှတစ်ပါး ၎င်းတို့သည် မိမိတို့ကျင့်မူခဲ့သမျှတို့ကိုလည်း (မိမိတို့)ရှေ့ဝယ် အသင့်ရောက်ရှိ နေသည်ကို တွေ့ရှိကြရပေမည်။ သို့ရာတွင် အသင့်အား ဖန်ဆင်းမွေးမြူတော်မူသော အရှင်မြတ်မှာမူကား မည်သူတစ်ဦးတစ်ယောက်ကိုမျှ မတရားပြုလုပ်တော် မူမည်မဟုတ်ပေ။ |
| Hashim Tin Myint ထို့ပြင် (မှတ်တမ်း)စာအုပ်များသည် (သူတို့၏ရှေ့၌)ချထားလျက်ရှိနေမည်။ ၎င်းနောက် အသင်သည် အပြစ်ရှိသူများအား ထိုစာအုပ်ထဲမှ အကြောင်းအရာများကြောင့် ထိတ်လန့်နေကြသည်ကို တွေ့မြင်ရမည်။ ၎င်းနောက် သူတို့က ပြောဆိုကြမည် “ဪ- ကျွန်ုပ်တို့၏ပျက်စီးရလေခြင်း၊ ဤစာအုပ်သည် မည်သို့စာအုပ်ပါလိမ့်၊ ဤစာအုပ်သည် မည်သည့်သေးသောအရာနှင့် ကြီးသောအရာကိုမှ မချန်ဘဲ ရေးမှတ်ထားခဲ့သည်။“ ထို့ပြင် သူတို့သည် သူတို့ ပြုလုပ်ခဲ့သမျှသည်လည်း ရှေ့၌အသင့်ရောက်နေသည်ကို တွေ့ကြရမည်။ ၎င်းနောက် အသင့်အား ဖန်ဆင်းမွေးမြူတော်မူသောအရှင်မြတ်သည် မည်သူ့ကိုမှ မတရားပြုလုပ်တော်မူမည် မဟုတ်ပေ။ |