Quran with Burmese translation - Surah Al-Baqarah ayat 265 - البَقَرَة - Page - Juz 3
﴿وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ كَمَثَلِ جَنَّةِۭ بِرَبۡوَةٍ أَصَابَهَا وَابِلٞ فَـَٔاتَتۡ أُكُلَهَا ضِعۡفَيۡنِ فَإِن لَّمۡ يُصِبۡهَا وَابِلٞ فَطَلّٞۗ وَٱللَّهُ بِمَا تَعۡمَلُونَ بَصِيرٌ ﴾
[البَقَرَة: 265]
﴿ومثل الذين ينفقون أموالهم ابتغاء مرضات الله وتثبيتا من أنفسهم كمثل جنة﴾ [البَقَرَة: 265]
| Ba Sein ၂၆၅။ အကြင်သူတို့သည် အလ္လာဟ်အရှင်မြတ်၏ နှစ်သက်တော်မူခြင်းကိုသော်လည်းကောင်း၊ နောင် ဘဝတွင် အကျိုးခံစားခြင်းကိုသော်လည်းကောင်း လိုလား၍ မိမိတို့ပစ္စည်းဥစ္စာကို လှူကြ၏။ ထိုသူတို့၏ ဥပမာသည် တောင်ကုန်းပေါ်တွင်တည်ရှိသောဥယျာဉ်နှင့်တူ၏။ မိုးသည်းထန်စွာ ရွာသွန်း သောအခါ ထိုဥယျာဉ်သည် အသီးအနှံနှစ်ဆသီး၏။ မိုးမကြီးဘဲကျသောအခါလည်း အသီးသီး၏။ အလ္လာဟ်အရှင်မြတ်သည် သင်တို့ပြုသမျှတို့ကို အကြွင်းမဲ့မြင်တော်မူ၏။ |
| Ghazi Mohammad Hashim အကြင်သူတို့သည် အလ္လာဟ်အရှင်မြတ်၏ နှစ်သက်တော်မူခြင်းကို ဆည်းပူးရှာဖွေရန်လည်းကောင်း၊ မိမိ တို့၏စိတ်နှလုံးများတွင်(သဒ္ဓါတရား)ထက်သန် မြဲမြံခိုင်ခန့်စေရန်လည်းကောင်း မိမိတို့၏ဥစ္စာပစ္စည်းများကို ပေးကမ်းလှူဒါန်းစွန့်ကြဲကြကုန်၏။ ထိုသူတို့(လှူဒါန်းသောအလှူဒါန)၏ ဥပမာသည် ကုန်းမြင့်ပေါ်တွင်ရှိသောဥယျာဉ်နှင့်အလား သဏ္ဍာန်တူ၏။ ထိုဥယျာဉ်၌ သည်းထန်းသောမိုးသည် ရွာသွန်းချ၏။သို့ဖြစ်လေရာ ထိုဥယျာဉ်သည် မိမိ၏ အသီးအနှံများ ကို(အခြားသောဥယျာဉ်များထက်)နှစ်ဆတိုး၍ ပေါက်ပွားစေလေသည်။ အကယ်၍ ထိုဥယျာဉ်၌ သည်းထန်သောမိုး ရွာသွန်းခြင်း မရှိသော်လည်း (မြေဩဇာကောင်းသည့် အတွက်ကြောင့်) မိုးဖွဲ ကျခြင်းသည်ပင် (ထိုဥယျာဉ်အတွက် လုံလောက်ပေသည်)။ အမှန်သော်ကား အလ္လာဟ်အရှင်မြတ်သည် သင်တို့ပြုလုပ်သမျှသော ကိစ္စအဝဝကို အကြွင်းမဲ့ ခွဲခြားသိမြင်တော်မူသောအရှင် ဖြစ်တော်မူသည်။ |
| Hashim Tin Myint ထို့ပြင် အကြင်သူများသည် သူတို့၏ ပစ္စည်းဥစ္စာများကို အလ္လာဟ်အရှင်မြတ်၏ ကျေနပ်နှစ်သက်မှုရှာဖွေရန်အတွက် သူတို့၏စိတ်နှလုံးထဲမှ (ယုံကြည်မှု)တည်တံ့စွာထားပြီး* သုံးစွဲကြသူများ၏ပမာသည် တောင်ကုန်းပေါ်၌ရှိသည့် ဥယျာဉ်နှင့် အလားတူသည်။ ထိုဥယျာဉ်ပေါ်တွင် သည်းထန်သည့်မိုး ရွာဖြိုးသည့်အတွက် ဥယျာဉ်သည် ၎င်း၏အသီးအနှံများကို နှစ်ဆတိုးထွက်စေသည်။ အကယ်၍ ထို(ဥယျာဉ်)အပေါ် သည်းထန်သည့်မိုး မရွာလျှင်လည်း မိုးဖွဲနှင့်ပင် (သီးနှံထွက်ရန်လုံလောက်သည်)။ ထို့ပြင် အလ္လာဟ်အရှင်မြတ်သည် အသင်တို့ပြုလုပ်သည်များကို အကြွင်းမဲ့မြင်တော်မူသောအရှင် ဖြစ်တော်မူသည်။ |