Quran with Burmese translation - Surah Al-Baqarah ayat 66 - البَقَرَة - Page - Juz 1
﴿فَجَعَلۡنَٰهَا نَكَٰلٗا لِّمَا بَيۡنَ يَدَيۡهَا وَمَا خَلۡفَهَا وَمَوۡعِظَةٗ لِّلۡمُتَّقِينَ ﴾
[البَقَرَة: 66]
﴿فجعلناها نكالا لما بين يديها وما خلفها وموعظة للمتقين﴾ [البَقَرَة: 66]
| Ba Sein ၆၆။ ယင်းအပြစ်ဒဏ်ပေးခြင်းကို သူတို့၏ လက်ရှိမျိုးသားများနှင့် နောင်လာနောက်သားတို့အဖို့ သင်ခန်းစာ တစောင်အဖြစ်ဖြင့် ငါအရှင်မြတ် စီရင်တော်မူ၏။ အရှင်မြတ်အားကြောက်ရွံ့ရိုကျိုးသူတို့အဖို့ ဆုံးမ သြဝါဒတပါးဖြစ်စေတော်မူ၏။ |
| Ghazi Mohammad Hashim တဖန် ငါအရှင်မြတ်သည် ယင်းသူတို့၏ မျက်မှောက်၌ ရှိကြကုန်သော သူများနှင့် ယင်းသူ တို့၏ နောင်လာနောက်သားများ အဖို့အရာ ထိုအတ္ထုပ္ပတ္တိကို သတိသံဝေဂရဘွယ်ရာ အကြောင်း တရပ်အဖြစ်လည်းကောင်း၊ (အလ္လာဟ်အရှင်မြတ် ကို ကြောက်ရွံ့ ရိုသေခြင်းအားဖြင့်) ပြစ်မှု ဒုစရိုက်များကို ကြဉ်ရှောင်ကြကုန်သော သူတော်စဉ်များ အဖို့အရာ ဆုံးမဩဝါဒတရပ်အဖြစ် လည်းကောင်း ပြုထားတော် မူခဲ့လေသည်။ |
| Hashim Tin Myint ထို့ပြင် ငါအရှင်မြတ်သည် ၎င်းတို့ခေတ်တွင် ရှိခဲ့ကြသူများနှင့် ၎င်းတို့၏နောင်လာနောက်သားများအတွက် ထိုအဖြစ်အပျက်ကို သတိတရားရယူစရာအဖြစ်နှင့် ကြောက်ရွံ့အပြစ်ရှောင် ကောင်းကျိုးဆောင်သူများအတွက် ဆုံးမဩဝါဒအဖြစ် ပြုတော်မူခဲ့သည်။ |