Quran with Burmese translation - Surah An-Naml ayat 44 - النَّمل - Page - Juz 19
﴿قِيلَ لَهَا ٱدۡخُلِي ٱلصَّرۡحَۖ فَلَمَّا رَأَتۡهُ حَسِبَتۡهُ لُجَّةٗ وَكَشَفَتۡ عَن سَاقَيۡهَاۚ قَالَ إِنَّهُۥ صَرۡحٞ مُّمَرَّدٞ مِّن قَوَارِيرَۗ قَالَتۡ رَبِّ إِنِّي ظَلَمۡتُ نَفۡسِي وَأَسۡلَمۡتُ مَعَ سُلَيۡمَٰنَ لِلَّهِ رَبِّ ٱلۡعَٰلَمِينَ ﴾
[النَّمل: 44]
﴿قيل لها ادخلي الصرح فلما رأته حسبته لجة وكشفت عن ساقيها قال﴾ [النَّمل: 44]
| Ba Sein ၄၄။ ဘုရင်မအား အဆောင်တော်သို့ ဝင်ရန်ညွှန်၏၊ အဆောင်တော်သို့ ဝင်သောအခါ သူမသည် အဆောင်တော်ကို ရေအိုင်ဟုထင်မှတ်သဖြင့် မိမိ၏ဝတ်လုံတော်ကို ခြေသလုံးအထက်သို့ ပင့်သောကြောင့် ခြေသလုံးသားဖွေးဖွေး ပေါ်လေ၏၊ ထိုအခါစိုလိုင်မာန်က မှတ်သားလော့၊ ဤအရာသည် ကြည်လင်သောဖန်မှန်တို့ကို ခင်ထားသော အဆောင်ဘုံနန်းကြီးတစ်ခုပင်တည်းဟု ဆို၏၊ ထိုအခါဘုရင်မသည် အလ္လာဟ်အရှင်မြတ်အား အို-အကျွနု်ပ်၏ အရှင်သခင်၊ အကျွနု်ပ်သည် မိမိကိုယ်ကို မိမိပြစ်မှားမိခဲ့ပါပြီ၊ အကျွနု်ပ်သည် တမန်တော်စိုလိုင်မာန်နှင့်အတူတကွ အနန္တစကြာဝဠာများသခင်၊ အလ္လာဟ်အရှင်မြတ်အား ကျိုးနွံနာခံပါ၏ဟု တင်လျှောက်၏။ |
| Ghazi Mohammad Hashim (ထို့နောက်) ထိုဘုရင်မအား အသင်သည် ဧည့်ခန်းတွင်းသို့ ဝင်ရောက်ပါလေဟု တစ်စုံတစ်ယောက်က ပြောကြားခဲ့လေ၏။ သို့ဖြစ်ပေရာ ထိုဘုရင်မသည် ယင်းဧည့်ခန်းကိုမြင်လေသော်၊ ထိုဧည့်ခန်းကို နက်စွာသောရေဟုထင်မှတ်၍ မိမိခြေသလုံးနှစ်ဘက်ကို ဖော်ခဲ့လေ၏။ (ထိုအခါ)ထိုစုလိုင်မာန်က ဧကန်စင်စစ် ဤသည် ဖန်များဖြင့် ချောမွတ်အောင် ပြုလုပ်ထားသော ဧည့်ခန်းပင်ဖြစ်သည်ဟု ပြောကြားခဲ့လေ၏။ ထိုဘုရင်မက အို-ကျွန်တော်မျိုးအား ဖန်ဆင်းမွေးမြူတော်မူသောအရှင်မြတ်၊ ဧကန်မလွဲ ကျွန်တော်မျိုးမသည် မိမိကိုယ်ကို မိမိနှိပ်စက်မိခဲ့ပါပြီ။ သို့ရာတွင် (ယခုသော်ကား) ကျွန်တော်မျိုးမသည် စုလိုင်မာန်နှင့်အတူ(အရှင်မြတ်၏)အမိန့်တော်ကို လိုက်နာပါပြီဟု လျှောက်ထားခဲ့လေသတည်း။ |
| Hashim Tin Myint သူမအား အသင်မသည် နန်းတော်ဧည့်ခန်းထဲသို့ ဝင်ပါဟု တစ်ဦးတစ်ယောက်က ပြောခဲ့သည်။ သို့ဖြစ်ရာ သူမသည် နန်းတော်ဧည့်ခန်းကိုမြင်သည့်အခါ ထိုနန်းတော်ဧည့်ခန်းကို နက်သည့်ရေ(ကန်ထဲတွင် ဆောက်လုပ်ထားသည်)ဟု ထင်မှတ်ပြီး (ထိုရေများထဲမှ ဖြတ်သွားရန်) သူမ၏ခြေသလုံးနှစ်ဖက်(ပေါ်တွင်ရှိသော ဝတ်ရုံကို ပင့်မပြီး)ဖော်ခဲ့သည်။ (ထိုအခါ) ၎င်း(တမန်တော်စုလိုင်မာန်)က ပြောလိုက်သည်- ဤသည် (ရေကန်ပေါ်တွင်) ဖန်များနှင့် ချောမွတ်အောင် ပြုလုပ်(ခင်းကျင်း)ထားသော ဧည့်ခန်းပင်ဖြစ်သည်။ သူမက ပြောဆိုသည်- အို- ကျွန်မအား ဖန်ဆင်းမွေးမြူတော်မူသောအရှင်မြတ်၊ အမှန်စင်စစ် ကျွန်မသည် မိမိကိုယ်မိမိ နှိပ်စက်မိပြီဖြစ်ပါသည်။ ထို့နောက် ကျွန်မသည် (တမန်တော်)စုလိုင်မာန်နှင့်အတူ စကြဝဠာအပေါင်းအား ဖန်ဆင်းမွေးမြူတော်မူသော အလ္လာဟ်အရှင်မြတ်(၏အမိန့်တော်)ကို လိုက်နာပြီဖြစ်ပါသည်။ |