Quran with Burmese translation - Surah al-‘Imran ayat 13 - آل عِمران - Page - Juz 3
﴿قَدۡ كَانَ لَكُمۡ ءَايَةٞ فِي فِئَتَيۡنِ ٱلۡتَقَتَاۖ فِئَةٞ تُقَٰتِلُ فِي سَبِيلِ ٱللَّهِ وَأُخۡرَىٰ كَافِرَةٞ يَرَوۡنَهُم مِّثۡلَيۡهِمۡ رَأۡيَ ٱلۡعَيۡنِۚ وَٱللَّهُ يُؤَيِّدُ بِنَصۡرِهِۦ مَن يَشَآءُۚ إِنَّ فِي ذَٰلِكَ لَعِبۡرَةٗ لِّأُوْلِي ٱلۡأَبۡصَٰرِ ﴾
[آل عِمران: 13]
﴿قد كان لكم آية في فئتين التقتا فئة تقاتل في سبيل الله﴾ [آل عِمران: 13]
| Ba Sein ၁၃။ ပြိုင်ဆိုင်တိုက်ခိုက်ကြသော စစ်တပ်ကြီးနှစ်တပ်၌ သင်တို့အဘို့ သက်သေသာဓကတော်တပါး ပါရှိ၏။ တပ်တတပ်က အလ္လာဟ်အသျှင်မြတ်၏လမ်းတော်အတွက် တိုက်ခိုက်ကြ၏။ အခြားတတပ်မှာ မယုံကြည်ကြ၊ အယူမှားကြ၏။ အသျှင်မြတ်၏တပ်သားတော်တို့က သူတို့၏ရန်သူစစ်သည် အလုံးအရင်းသည် ၎င်းတို့ထက် နှစ်ဆရှိကြောင်းကို မျက်ဝါးထင်ထင်မြင်ကြ၏။ ယင်းသို့ အလ္လာဟ်အသျှင်မြတ်သည် အလိုရှိတော်မူသောသူတို့အား အသျှင်၏ စောင့်ရှောက်ခြင်း ကျေးဇူးတော်အားဖြင့် အင်အားထောင့်တင်းစေတော်မူ၏။ မှတ်သားကြလော့။ ဤအကြောင်းအရာ၌ မျက်စိရှိသူတို့အဘို့အရာ သင်ခန်းစာတစောင်ပါရှိ၏။ |
| Ghazi Mohammad Hashim မချွတ်ဧကန် အသင်တို့ (ဆင်ခြင်ရန်၊ ကိုးကားရန်) အတွက် (ဗဒ်ရ်)စစ်ပွဲတွင် လူနှစ်စုသည် တစဖက်နှင့်တစ်ဖက် ရင်ဆိုင်ကြသော (အခြင်းအရာ) ၌ က်သေသာဓက တစ်ရပ် ရှိပေသည်။ (ယင်းလူနှစ်စုအနက်) တစ်စုသည် (မုစ်လင်မ် များပင်ဖြစ်ကြပေရာ) အလ္လာဟ်အရှင်မြတ်၏ လမ်းတော်၌ စစ်မက်ပြိုင်ဆိုင် တိုက်ခိုက်လျက် ရှိခဲ့ကြလေသည်။သို့ရာတွင် နောက်တစ်စုသည် မယုံမကြည် သွေဖည်ငြင်းပယ်လေသော ကာဖိရ်များပင် ဖြစ်ခဲ့ကြ၏။ ယင်းသူတို့သည် မိမိတို့ကိုယ်ကို ထိုမုစ်လင်မ် များထက်နှစ်ဆ ဖြစ်နေသည်ကိုလည်းမျက်ဝါးထင်ထင် တွေ့မြင်ကြလေသည်။ သို့ရာတွင် (အနိုင်အရှုံးသည် အလ္လာဟ်အရှင်မြတ်၏ လက်တော်၌သာ ရှိနေပေရာ) အလ္လာဟ်အရှင်မြတ်သည် မိမိနှစ်လိုသောသူများကိုသာမိမိ အကူအညီဖြင့် အားပေး၍ (နိုင်စေ)တော်မူလေသည်။အမှန်စင်စစ်သော်ကား ယင်း(အခြင်းအရာ)၌ ဉာဏ စက္ခုဉာဏ်အမြော်အမြင်ရှိသူများ အဖို့အရာ (ကြီးကျယ်သော)သင်ခဏ်းစာသည် အမှန်ရှိပေသတည်း။ ရှေ့တော်မှောက်တွင်) ခယ ရိုကျိုးသူများလည်းကောင်း၊ (အစ္စလာမ်တရားတော်နှင့်အညီ သဒ္ဓါစေတနာထက်သန်စွာ) လှူဒါန်းသုံးစွဲ ပေးကမ်းစွန့်ကြဲသူ များလည်းကောင်း၊ ညဉ့်၏နောက်ဆုံးယံ အရုဏ်တက်ချိန်များတွင် (အလ္လာဟ်အရှင်မြတ်အထံတော်တွင် မိမိတို့အပြစ်များမှ) လွတ်ငြိမ်းချမ်းသာခွင့် ပန်ကြားသူများလည်းကောင်း၊ ဖြစ်ကြလေသတည်း။ |
| Hashim Tin Myint အမှန်စင်စစ် (ဗဒရ်စစ်ပွဲတွင်) တွေ့ဆုံရင်ဆိုင်ခဲ့ကြသောအုပ်စုနှစ်စုထဲတွင် အသင်တို့အတွက် သက်သေလက္ခဏာတစ်ခုရှိခဲ့သည်။ အုပ်စုတစ်စုသည် အလ္လာဟ်အရှင်မြတ်၏လမ်းတွင် တိုက်ခိုက်နေခဲ့ကြသည်။ ၎င်းပြင် အခြားအုပ်စုတစ်စုကမူ ကာဖိရ်များဖြစ်ခဲ့သည်၊ သူတို့သည် သူတို့ကိုယ်ကို မွတ်စ်လင်မ်မျာထက်နှစ်ဆဖြစ်နေသည်ကို မျက်ဝါးထင်ထင်မြင်ကြသည်။ ထို့နောက် အလ္လာဟ်အရှင်မြတ်သည် အရှင်မြတ်အလိုရှိသောသူများကို အရှင်မြတ်၏အကူအညီဖြင့် အားပေးတော်မူခဲ့သည်။ အမှန်စင်စစ် ထိုထဲတွင် စဉ်းစားသိမြင်နိုင်စွမ်းရှိသူများအတွက် လေးနက်သော သင်ခန်းစာရှိသည်။ |