Quran with Burmese translation - Surah al-‘Imran ayat 37 - آل عِمران - Page - Juz 3
﴿فَتَقَبَّلَهَا رَبُّهَا بِقَبُولٍ حَسَنٖ وَأَنۢبَتَهَا نَبَاتًا حَسَنٗا وَكَفَّلَهَا زَكَرِيَّاۖ كُلَّمَا دَخَلَ عَلَيۡهَا زَكَرِيَّا ٱلۡمِحۡرَابَ وَجَدَ عِندَهَا رِزۡقٗاۖ قَالَ يَٰمَرۡيَمُ أَنَّىٰ لَكِ هَٰذَاۖ قَالَتۡ هُوَ مِنۡ عِندِ ٱللَّهِۖ إِنَّ ٱللَّهَ يَرۡزُقُ مَن يَشَآءُ بِغَيۡرِ حِسَابٍ ﴾
[آل عِمران: 37]
﴿فتقبلها ربها بقبول حسن وأنبتها نباتا حسنا وكفلها زكريا كلما دخل عليها﴾ [آل عِمران: 37]
| Ba Sein ၃၇။ သူမ၏အသျှင်သခင်သည် သူမအား ကောင်းစွာ လက်ခံတော်မူ၏။ သူမအား ကောင်းမွန် သန့်ရှင်းစွာ ကြီးပြင်လာစေတော်မူမည်ဟု သနားကြင်နာခြင်းဖြင့် ဂတိဗျာဒိတ်ပေးတော်မူ၏။ တမန်တော် ဇကရီယာအား သူမကို အုပ်ထိန်းသူအဖြစ်ဖြင့် ခန့်တော်မူ၏။ တမန်တော် ဇကရီယာသည် သူမရှိသော သန့်ရှင်းထူးမြတ်သည့် တိုက်ခန်းထဲသို့ဝင်သောအခါတိုင်း သူမထံ၌ အစားအစာ ရှိသည်ကို တွေ့မြင်ရ၏။ ထို့ကြောင့် သူက အို-မရယမ် ဤအစားအစာသည် ဘယ်ကလာသနည်းဟု မေး၏။ သူမက အလ္လာဟ်အသျှင်မြတ်အထံတော်မှဖြစ်၏။ အလ္လာဟ်အသျှင်မြတ်သည် အလိုတော် ရှိသူအား မတွန့်မတို ရက်ရောစွာ ပေးကမ်းတော်မူပါ၏ဟု ပြန်ပြော၏။ |
| Ghazi Mohammad Hashim ထို့နောက် ထို(မရ်ယမ်)အား ၎င်းကိုမွေးမြူတော်မူသောအသျှင်သည် ကောင်းမွန်သောလက်ခံ ခြင်းမျိုးနှင့်သဘောတူလက်ခံတော်မူ၍ ကောင်းမွန်သော ကြီးပြင်းဖွံ့ဖြိုးခြင်း နည်းမျိုးဖြင့် ကြီးပြင်း ဖွံ့ဖြိုးစေတော်မူ၏။ ၎င်းပြင်ထိုအရှင်မြတ်သည် တမန်တော် ဇကရိယာအား ထိုမိန်းကလေးကို ထိန်းသိမ်းစောင့်ရှောက်စေတော်မူခဲ့၏။ တမန်တော် ဇကရိယာသည် ထိုမရ်ယမ်အား ကြည့်ရှုရန် ၎င်း၏အဆောင်အတွင်းသို့ ဝင်ရောက် သည့်အခါတိုင်း၌ ထို(မရ်ယမ်)၏အနီး၌ စားဘွယ် များကိုတွေ့ရှိရသဖြင့် အို-မရ်ယမ်၊ဤစားဘွယ် ဘောဇဉ်များသည် အသင့်ထံ အဘယ်မှ ရောက်ရှိလာပါသနည်းဟု မေးမြန်းလေသည်။ ထိုအခါ (မရ်ယမ်)ကထိုစားဖွယ်များသည် အလ္လာဟ်အရှင်မြတ် အထံတော်မှဖြစ်ပါသည် ဟု ဖြေကြားခဲ့လေသည်။ ဧကန်မုချ အလ္လာဟ်အရှင်မြတ်သည် မိမိနှစ်လိုတော်မူသော သူများကို မခန့်မှန်းမချင့် တွက်နိုင်လောက်အောင် စားနပ်ရိက္ခာများကို အသချေင်္အသချင်္ာပေးသနား တော်မူလေသတည်း။ |
| Hashim Tin Myint ထို့နောက် သူမအား ဖန်ဆင်းမွေးမြူတော်မူသောအရှင်သည် သူမ(မရ်ယမ်)အား ကောင်းမွန်သောလက်ခံမှုနှင့် လက်ခံတော်မူပြီး ကောင်းမွန်သောမွေးမြူမှုနှင့် မွေးမြူခဲ့သည်။ ၎င်းပြင် အရှင်မြတ်သည် (တမန်တော်)ဇကရိယာ*အား သူမ(မရ်ယမ်)ကို ထိန်းသိမ်းစောင့်ရှောက်စေတော်မူခဲ့သည်။ (တမန်တော်)ဇကရိယာသည် (မရ်ယမ်ကို ကြည့်ရှုစောင့်ရှောက်ရန်) သူမ၏အဆောင်ထဲသို့ ဝင်သည့်အခါတိုင်း သူမ၏အနီးတွင် စားစရာများကို တွေ့ရှိရသည့်အတွက် ပြောဆိုမေးမြန်းသည်၊ “အို- မရ်ယမ်၊ ဤစားစရာများသည် အသင်မထံသို့ အဘယ်မှရောက်လာသနည်း“။ သူမကပြောသည်၊ “ဤစားစရာများသည် အလ္လာဟ်အရှင်မြတ်ထံတော်မှ ဖြစ်ပါသည်။“ အမှန်စင်စစ် အလ္လာဟ်အရှင်မြတ်သည် မိမိအလိုရှိတော်မူသောသူကို အကန့်အသတ်မရှိ စားနပ်ရိက္ခာပေးသနားတော်မူသည်။ |