Quran with Burmese translation - Surah Ar-Rum ayat 9 - الرُّوم - Page - Juz 21
﴿أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَشَدَّ مِنۡهُمۡ قُوَّةٗ وَأَثَارُواْ ٱلۡأَرۡضَ وَعَمَرُوهَآ أَكۡثَرَ مِمَّا عَمَرُوهَا وَجَآءَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ ﴾
[الرُّوم: 9]
﴿أو لم يسيروا في الأرض فينظروا كيف كان عاقبة الذين من قبلهم﴾ [الرُّوم: 9]
| Ba Sein ၉။ သူတို့သည် ပထဝီမြေပေါ်တွင် လှည့်လည်သွားလာ၍ သူတို့ထက် ရှေးကျသောသူတို့သည် အဘယ်ကဲ့သို့ ဘဝခရီးဆုံးရသည်ကို မမြင်ကြသလော၊ ရှေးလူဟောင်းတို့သည် ယခုလူများထက် ခွန်အားဗလကြီးမား၏၊ သူတို့သည် မြေကို တူး၍ မြေပေါ်တွင် တည်ဆောက်ခြင်းတွင် ယခုလူများထက် ပိုမိုကျွမ်းကျင်ကြ၏၊ ထို လူဟောင်းများထံသို့ မိမိတို့သားချင်းဖြစ်သောတမန်တော်အသီးသီးလာရောက်ကြ၏၊ အလ္လာဟ်အရှင်မြတ်သည် အချုပ်အခြာအာဏာကို ထောက်ခံသည့်ထင်ရှားသောအကိုးအကားများူကို ယူဆောင်လာကြသည်။ အမှန် ဆိုသော် ထိုလူဟောင်းတို့အား အလ္လာဟ်အရှင်မြတ်သည် မတရာစီရင်တော်မမူချေ၊ သူတို့သည် မိမိကိုယ်ကို မိမိပြစ်မှားသူများဖြစ်ကြ၏။ |
| Ghazi Mohammad Hashim ၎င်းတို့သည် ကမ္ဘာမြေဝယ် လှည့်လည်သွားလာခြင်း မပြုခဲ့ကြလေသလော၊ သို့လှည့်လည် သွားလာကြလျှင်၊ ၎င်းတို့သည် မိမိတို့အလျင်ရှိခဲ့ကြသော ရှေးလူဟောင်းတို့၏ နောက်ဆုံးအကျိုးသည် မည်သို့မည်ပုံဖြစ်ခဲ့သည်ကို တွေ့မြင်ကြပေမည်။ ထိုရှေးလူဟောင်းတို့သည် ၎င်းတို့ထက် ခွန်အားဗလ ကြီးမားတောင့်တင်းသူများ ဖြစ်ခဲ့ကြသည့်ပြင် ၎င်းတို့သည်မြေကို ဤသူများ စည်ပင်သာယာအောင် ပြုလုပ်ကြသည်ထက် အလွန်များပြားစွာ ပိုမိုထွန်ယက် စိုက်ပျိုး၍ စည်ပင်သာယာအောင်ပြုလုပ်ခဲ့ကြကုန်၏။ ထိုမှတစ်ပါး ၎င်းတို့ထံသို့(လည်း) ၎င်းတို့၏ ရစူလ်တမန်တော်များသည် ထင်ရှားလှစွာသော သက်သေလက္ခဏာ တန်ခိုးပြာဋိဟာများနှင့်တကွ ရောက်ရှိလာခဲ့ကြကုန်၏။ စင်စစ်သော်ကား အလ္လာဟ်အရှင်မြတ်သည် ၎င်းတို့အား မတရား နှိပ်စက်ညှဉ်းဆဲတော်မူခဲ့သည် မဟုတ်ပေ။သို့ရာတွင် ၎င်းတို့ကိုယ်တိုင် မိမိတို့ကိုယ်ကို မတရား နှိပ်စက်ညှဉ်းပမ်းခဲ့ကြပေသည်။ |
| Hashim Tin Myint သူတို့သည် ကမာ္ဘမြေတွင် လှည့်လည်သွားလာမှု မပြုခဲ့ကြလေသလော၊ ထိုသို့သွားလာခဲ့လျှင် သူတို့မနေဖြင့် သူတို့မတိုင်မီက လူများ၏နောက်ဆုံးအကျိုးဆက်သည် မည်သို့ဖြစ်ခဲ့သည်ကို တွေ့မြင်ကြမည်ဖြစ်သည်။ ထိုယခင်ကလူများသည် သူတို့ထက် အင်အားတောင့်တင်းသူများဖြစ်ခဲ့ကြသည်သာမက သူတို့သည် ကမာ္ဘမြေပြင်ကို ဤသူများ စည်ကားအောင် ပြုလုပ်ကြသည်ထက် အလွန်များပြားစွာ ပိုမိုထွန်ယက်စိုက်ပျိုးပြီး စည်ကားအောင်ပြုလုပ်ခဲ့ကြသည်။ ထို့ပြင် သူတို့ထံသို့လည်း သူတို့၏တမန်တော်များသည် ထင်ရှားသော သက်သေသာဓကများနှင့်တကွ ရောက်ရှိလာခဲ့ကြသည်။ ထို့ပြင် အလ္လာဟ်အရှင်မြတ်သည် သူတု့ိအား မတရားနှိပ်စက်တော်မူမည် မဟုတ်ပေ။ ိသို့ရာတွင် သူတို့ကိုယ်ကို သူတို့ပင် မတရားနှိပ်စက်ခဲ့ကြခြင်းဖြစ်သည်။ |