Quran with Burmese translation - Surah FaTir ayat 18 - فَاطِر - Page - Juz 22
﴿وَلَا تَزِرُ وَازِرَةٞ وِزۡرَ أُخۡرَىٰۚ وَإِن تَدۡعُ مُثۡقَلَةٌ إِلَىٰ حِمۡلِهَا لَا يُحۡمَلۡ مِنۡهُ شَيۡءٞ وَلَوۡ كَانَ ذَا قُرۡبَىٰٓۗ إِنَّمَا تُنذِرُ ٱلَّذِينَ يَخۡشَوۡنَ رَبَّهُم بِٱلۡغَيۡبِ وَأَقَامُواْ ٱلصَّلَوٰةَۚ وَمَن تَزَكَّىٰ فَإِنَّمَا يَتَزَكَّىٰ لِنَفۡسِهِۦۚ وَإِلَى ٱللَّهِ ٱلۡمَصِيرُ ﴾
[فَاطِر: 18]
﴿ولا تزر وازرة وزر أخرى وإن تدع مثقلة إلى حملها لا يحمل﴾ [فَاطِر: 18]
| Ba Sein ၁၈။ ထို့အပြင်မိမိဝန်ထုပ်ဝန်ပိုးကို ထမ်းရွက်နေရသူသည် သူတပါး၏အထုပ်အပိုးကို မထမ်းနိုင်ချေ၊ အကယ်၍ မိမိဝန်ထုပ်သည် လေးလံသဖြင့် အကူအညီဟစ်အော်တောင်းလျှင် မိမိ၏ဆွေမျိုးရင်းချာထံမှ တောင်းငြားသော် လည်း ထိုလူ၏ အထုပ်ကို စိုးစဉ်းမျှကူရွက်မည်မဟုတ်ချေ၊ သင်တမန်တော်သည် မိမိတို့၏ အရှင်သခင်အား စိတ်နှလုံးဝယ်လျှို့ဝှက်၍ ကြောက်ရွံ့ရိုသေပြီးလျှင် ဆွလားသ်ဝတ်ပြုကြသူတို့ကိုသာလျှင် ဆုံးမပဲ့ပြင်သတိပေး နိုင်၏၊ အကြင်သူသည် ကုသိုလ်ကောင်းမှုပွားများအ့ံ၊ ထိုသူသည် မိမိအကျိုးအတွက်သာ ကောင်းမှုပွားများ၏၊ အလ္လာဟ်အရှင်မြတ်အထံတော်သို့သာ ခရီးရှိ၏။ |
| Ghazi Mohammad Hashim အမှန်စင်စစ်သော်ကား မည်သည့် ဝန်ထုပ်ထမ်းသောသူ (အပြစ်ရှိနေသူ) တစ်စုံတစ်ယောက်မျှပင် သူတစ်ပါး၏ ဝန်ထုပ်ကိုသယ်ပိုး ထမ်းဆောင်မည် မဟုတ်ပေ။၎င်းပြင် အကယ်၍ ဝန်ထုပ်ကို ထမ်းဆောင်သယ်ပိုးလျက်ရှိသူတစ်ဦးတစ်ယောက်သည် တစ်စုံတစ်ယောက်အား မိမိဝန်ထုပ်ကို သယ်ပိုး ထမ်းဆောင် ခြင်းငှာ ဟစ်ခေါ်ငြားသော်လည်းထိုဟစ်ခေါ်ခြင်း ခံရသောသူသည် ၎င်း၏ဆွေရင်းသားရင်းဖြစ်ခဲ့သည့်တိုင်အောင် ထိုဝန်ထုပ်မှ အနည်းငယ်စိုးစဉ်းကိုမျှပင်သယ်ပိုးထမ်းဆောင်မည် မဟုတ်ပေ။ (အို-နဗီတမန်တော်၊)အသင်သည် မိမိတို့၏ အရှင်မြတ်အား မမြင်ဘဲလျက် ကြောက်ရွံ့ကြကုန်သော၊ ဆွာလာတ် ဝတ်ပြုမှုကို ဆောက်တည်ကြကုန်သောသူတို့အားသာလျှင် သတိပေး နှိုးဆော်နိုင် ပေသည်။အမှန်သော်ကား မည်သူမဆို စင်ကြယ်သန့်ရှင်းခဲ့ပါမူ ထိုသူသည် မိမိအကျိုးငှာ စင်ကြယ်သန့်ရှင်းခဲ့သည်သာဖြစ်၏။ထိုမှတစ်ပါး အလ္လာဟ်အရှင်မြတ်အထံတော်သို့သာလျှင်နောက်ဆုံး ပြန်ကြရကုန်အံ့သတည်း။ |
| Hashim Tin Myint ထို့ပြင် မည်သည့်ဝန်ထုပ်ထမ်းသူ (အပြစ်ရှိသူ)တစ်ဦးကမျှ သူတစ်ပါး၏(အပြစ်)ဝန်ထုပ်ကို သယ်ပိုးထမ်းရွက်မည် မဟုတ်ပေ။ ထို့ပြင် အကယ်၍ ဝန်ထုပ်ထမ်းနေသူတစ်ဦးက သူ၏ဝန်ထုပ်ကို ထမ်းခိုင်ရန် တစ်ဦးဦးကို ဟစ်ခေါ်မည်ဆိုလျှင်လည်း ထိုဟစ်ခေါ်ခြင်းခံရသူသည် သူ၏ဆွေမျိုးသားချင်း ဖြစ်ခဲ့လျှင်လည်း သူ၏ဝန်ထုပ်မှ အနည်းငယ်မျှ သယ်ပိုးထမ်းရွက်ပေးမည် မဟုတ်ပေ။ အသင်သည် သူတို့အား ဖန်ဆင်းမွေးမြူတော်မူသောအရှင်မြတ်အား မမြင်ဘဲ ကြောက်ရွံ့၍ စွလာသ်ဝတ်ပြုမှု တည်ဆောက်ကြသည့်သူများကိုသာ သတိပေးနှိုးဆောင်နိုင်သည်။ ထို့ပြင် မည်သူမဆို စင်ကြယ်သန့်ရှင်းခဲ့လျှင် ထိုသူသည် သူ့အတွက် စင်ကြယ်သန့်ရှင်ခဲ့ခြင်းသာဖြစ်သည်။ ထို့ပြင် အလ္လာဟ်အရှင်မြတ်ထံတော်သို့ပင် နောက်ဆုံးပြန်ကြရမည်ဖြစ်သည်။ |