Quran with Burmese translation - Surah FaTir ayat 37 - فَاطِر - Page - Juz 22
﴿وَهُمۡ يَصۡطَرِخُونَ فِيهَا رَبَّنَآ أَخۡرِجۡنَا نَعۡمَلۡ صَٰلِحًا غَيۡرَ ٱلَّذِي كُنَّا نَعۡمَلُۚ أَوَلَمۡ نُعَمِّرۡكُم مَّا يَتَذَكَّرُ فِيهِ مَن تَذَكَّرَ وَجَآءَكُمُ ٱلنَّذِيرُۖ فَذُوقُواْ فَمَا لِلظَّٰلِمِينَ مِن نَّصِيرٍ ﴾
[فَاطِر: 37]
﴿وهم يصطرخون فيها ربنا أخرجنا نعمل صالحا غير الذي كنا نعمل أو﴾ [فَاطِر: 37]
| Ba Sein ၃၇။ ထိုငရဲသားတို့ ဟစ်အော်ပန်ကြားကြသည်မှာ အို-အကျွနု်ပ်တို့၏အရှင်သခင်၊ အကျွန်ုပ်တို့ကို လွှတ်တော်မူပါ၊ အကျွန်ုပ်တို့ပြစ်မှားလေ့ရှိသည့်အတိုင်း မမှားပဲ၊ အမှန်ကို ကျင့်ကြံပါမည်၊ ထိုအခါငါအရှင်မြတ်မိန့်တော်မူသည်မှာ ဟယ်-မိစ္ဆာယုတ်တို့၊ စဉ်းစားဆင်ခြင်တတ်သူသည် ဆင်ခြင်သုံးသပ်ဖို့ရာ အချိန်လုံလောက်အောင် နင်တို့အား ငါအသက်ရှင်စေတော်မူခဲ့ပြီမဟုတ်လား၊ ထို့အပြင်နင်တို့ကို ဆုံးမပဲ့ပြင်သတိပေးရန် တမန်တော်သည် နင်တို့ထံ လာခဲ့လေပြီ၊ ယခုမူကား နင်တို့ပြုကျင့်မှုများ၏ အကျိုးဆက်အရသာကို မြိန်ရှက်စွာမြည်းကြလော့၊ အကြောင်း မူကား မကောင်းမှုကျူးလွန်သူဒုစရိုက်ကောင်များမှာ ကူညီသူမရှိချေ။ |
| Ghazi Mohammad Hashim ထို့ပြင် ၎င်းတို့သည် ယင်း ဂျဟန္နမ် ငရဲဘုံ ၌အို-ကျွန်တော်မျိုးတို့အား ဖန်ဆင်းမွေးမြူတော် မူသောအရှင်၊အရှင်မြတ်သည် ကျွန်တော်မျိုးတို့အား (ဤငရဲဘုံမှ)ထုတ်တော်မူပါ။ ကျွန်တော်မျိုးတို့သည် မိမိတို့ ပြုလုပ်လျက် ရှိခဲ့ကြသောအပြုအမူများမှ တစ်ပါး ကောင်းမြတ်သော အကျင့်သီလကိုကျင့်မူ ဆောက်တည်ကြပါမည် ဟု ဟစ်အော်(လျှောက်ထား)ကြပေမည်။ ထိုအခါ) ၎င်းတို့သည် ဤသို့ ပြန်ကြားတော်မူခြင်းကိုခံကြရပေမည်)၊ ငါအရှင်မြတ်သည် စဉ်းစား ဆင်ခြင်လိုသောသူများ စဉ်းစားဆင်ခြင်နိုင် လောက်သော သက်တမ်းကိုအသင်တို့အားပေးတော်မူခဲ့သည် မဟုတ်ပါလော။ ထိုမှတစ်ပါးအသင်တို့ထံ သတိပေး နှိုးဆော်သူလည်း ရောက်ရှိခဲ့သည်(မဟုတ်ပါလော)။ သို့ဖြစ်ပေရာ (ယခုမူ)အသင်တို့သည် (ပြစ်ဒဏ်၏အရသာကို) မြည်စမ်းကြလေကုန်။ စင်စစ် မတရားသောသူတို့၏အဖို့ ကူညီယိုင်းပင်းမည့်သူဟူ၍ အလျှင်းမရှိပြီတကား။ |
| Hashim Tin Myint ထို့ပြင် သူတို့သည် ထိုငရဲဘုံတွင် (ဤသို့)အော်ဟစ်လျှောက်ထားကြမည်- “အို- ကျွန်ုပ်တို့အား ဖန်ဆင်းမွေးမြူတော်မူသောအရှင်၊ အရှင်မြတ်သည် ကျွန်ုပ်တို့အား (ဤငရဲဘုံမှ) ထုတ်တော်မူပါ၊ ကျွန်ုပ်တို့သည် ကျွန်ုပ်တို့ပြုလုပ်နေခဲ့သော လုပ်ရပ်များမှလွဲ၍ ကောင်းမြတ်သည့်လုပ်ရပ်များကို ပြုလုပ်ကြပါမည်။“ (သူတို့သည် ဤသို့ ပြောခံကြရမည်) - ငါအရှင်မြတ်သည် စဉ်းစားဆင်ခြင်လိုသည့်သူများ စဉ်းစားဆင်ခြင်နိုင်သည့် သက်တမ်းကို အသင်တို့အား ပေးတော်မူခဲ့သည် မဟုတ်လော။ ထို့ပြင် အသင်တို့ထံသို့ သတိပေးနှိုးဆော်သူလည်း ရောက်လာခဲ့သည် (မဟုတ်လော)။ သို့ဖြစ်ရာ အသင်တို့သည် (ယခုမူပြစ်ဒဏ်ကိုသာ) မြည်းစမ်းလိုက်ကြပါ။ ထို့ပြင် မတရားသူများအတွက် ကူညီရိုင်းပင်းမည့်သူ မည်သူမျှ မရှိပေ။ |