Quran with Burmese translation - Surah An-Nisa’ ayat 100 - النِّسَاء - Page - Juz 5
﴿۞ وَمَن يُهَاجِرۡ فِي سَبِيلِ ٱللَّهِ يَجِدۡ فِي ٱلۡأَرۡضِ مُرَٰغَمٗا كَثِيرٗا وَسَعَةٗۚ وَمَن يَخۡرُجۡ مِنۢ بَيۡتِهِۦ مُهَاجِرًا إِلَى ٱللَّهِ وَرَسُولِهِۦ ثُمَّ يُدۡرِكۡهُ ٱلۡمَوۡتُ فَقَدۡ وَقَعَ أَجۡرُهُۥ عَلَى ٱللَّهِۗ وَكَانَ ٱللَّهُ غَفُورٗا رَّحِيمٗا ﴾
[النِّسَاء: 100]
﴿ومن يهاجر في سبيل الله يجد في الأرض مراغما كثيرا وسعة ومن﴾ [النِّسَاء: 100]
| Ba Sein ၁ဝဝ။ အကြင်သူတို့သည် အလ္လာဟ်အသျှင်မြတ်၏ သာသနာတော်ကြီးအတွက်ကြောင့် မိမိတို့နေရပ်မှ ပြောင်းရွှေ့သွားကြရအံ့။ ထိုသူတို့သည် ကမ္ဘာမြေပေါ်ဝယ် များစွာသောခိုလှုံရာနှင့် ပေါများကြွယ်ဝ ခြင်းများကို တွေ့ကြလိမ့်မည်။ အကြင်သူသည် အလ္လာဟ်အသျှင်မြတ်၏ တမန်တော်ကို ယုံကြည်မှု ကြောင့် မိမိနေအိမ်မှ ထွက်ပြေးတိ်မ်းရှောင်နေရ၏။ ထိုပြေးနေစဉ် အနိစ္စရောက်၏။ ထိုသူအား ဆုလာဘ်ပေးသနားတော်မူရန် အသျှင်မြတ်၌ တာဝန်ရှိတော်မူ၏။ အလ္လာဟ်အသျှင်မြတ်သည် အမြဲတစေ အပြစ်လွှတ်တော်မူ၏။ ကောင်းကြီးမင်္ဂလပေးသနားတော်မူ၏။ |
| Ghazi Mohammad Hashim ၎င်းပြင် အကြင်သူသည် အလ္လာဟ်အရှင်မြတ်၏လမ်းတော်၌ ‘ဟစ်ဂျ်ရတ်’ တစ်နေရာမှတစ်နေရာသို့ ရွှေ့ပြောင်းခြင်းကိုပြုအံ့။ ထိုသူသည် ကမ္ဘာမြေပြင်ဝယ် (ခိုလှုံရာ) နေရာများစွာကိုလည်းကောင်း၊ (ဘာသာသာသနာရေးအတွက်) ကျယ်ဝန်း (လွတ်လပ်) မှုကိုလည်းကောင်း တွေ့ရှိပေအံ့။ စင်စစ်သော်ကား မည်သူမဆို အလ္လာဟ်အရှင်မြတ် (နှစ်သက်တော်မူသောနေရာ) ကို ရည်စူး၍လည်းကောင်း၊ ထိုအရှင်မြတ်၏ ရစူလ်တမန်တော်မြတ် (အား ကူညီခြင်း) ကို ရည်စူး၍လည်းကောင်း၊ မိမိအိမ်မှ ‘မုဟာဂျစ်ရ်’ တစ်နေရာမှတစ်နေရာသို့ ရွှေ့ပြောင်းသူအဖြစ် ထွက်ခဲ့ပြီးနောက် (လမ်းခရီး၌ပင်) ထိုသူ၌ ‘မရဏ’ သေခြင်းတရား ဆိုက်ရောက်လာ (သဖြင့် သေဆုံး) ခဲ့မူ၊ မုချဧကန် ထိုသူ၏အကျိုးသည် အလ္လာဟ်အရှင်မြတ်အပေါ်၌ အတည်ဖြစ်ချေပြီ။ အမှန်သော်ကား အလ္လာဟ်အရှင်မြတ်သည် အလွန်တရာ လွတ်ငြိမ်းချမ်းသာခွင့်ပေးသနားတော်မူသောအရှင်၊ အလွန်တရာ သနားကြင်နာ ညှာတာတော်မူသောအရှင် ဖြစ်တော်မူပေသတည်း။ (ရကူ) |
| Hashim Tin Myint ထို့ပြင် အကြင်သူသည် အလ္လာဟ်အရှင်မြတ်၏လမ်းတွင် ဟိဂျ်ရသ်စွန့်ခွာ ရွှေ့ပြောင်းနေထိုင်မည်ဆိုလျှင် ထိုသူသည် ကမာ္ဘမြေတွင် အခြေချနေထိုင်နိုင်သည့်နေရာများစွာနှင့် ကျယ်ဝန်းမှုကို တွေ့ရှိရလိမ့်မည်။ အမှန်ပင် မည်သူမဆို အလ္လာဟ်အရှင်မြတ်နှင့် အရှင်မြတ်၏ရစူလ်တမန်တော်ဘက်ကို ရည်စူးပြီး သူ၏အိမ်မှ မုဟာဂျိရ်စွန့်ခွာရွှေ့ပြောင်းသူဖြစ်လျက် ထွက်ခွာခဲ့ပြီးနောက် သူ၏ထံသို့ သေခြင်းတရား ဆိုက်ရောက်လာခဲ့လျှင် အမှန်စင်စစ် ထိုသူ၏အကျိုးသည် အလ္လာဟ်အရှင်မြတ်အပေါ်၌ အတည်ဖြစ်သွားပြီးဖြစ်သည်။ ထို့ပြင် အလ္လာဟ်အရှင်မြတ်သည် အလွန်လွတ်ငြိမ်းချမ်းသာခွင့်ပေးတော်မူသောအရှင်၊ အလွန်သနားကြင်နာတော်မူသောအရှင်ဖြစ်တော်မူသည်။ |