Quran with Burmese translation - Surah An-Nisa’ ayat 128 - النِّسَاء - Page - Juz 5
﴿وَإِنِ ٱمۡرَأَةٌ خَافَتۡ مِنۢ بَعۡلِهَا نُشُوزًا أَوۡ إِعۡرَاضٗا فَلَا جُنَاحَ عَلَيۡهِمَآ أَن يُصۡلِحَا بَيۡنَهُمَا صُلۡحٗاۚ وَٱلصُّلۡحُ خَيۡرٞۗ وَأُحۡضِرَتِ ٱلۡأَنفُسُ ٱلشُّحَّۚ وَإِن تُحۡسِنُواْ وَتَتَّقُواْ فَإِنَّ ٱللَّهَ كَانَ بِمَا تَعۡمَلُونَ خَبِيرٗا ﴾
[النِّسَاء: 128]
﴿وإن امرأة خافت من بعلها نشوزا أو إعراضا فلا جناح عليهما أن﴾ [النِّسَاء: 128]
| Ba Sein ၁၂၈။ အကယ်၍ မိန်းမတစ်ယောက်သည် မိိမိလင်ယောကျ်ား နှိပ်စက်မည်ကိုသော်လည်းကောင်း၊ စွန့်ပစ် သွားမည်ကိုသော်လည်းကောင်း စိုးရိမ်ကြောင့်ကြလျှင် သူတို့သည် သင့်တင့်ညီညွှတ်အောင် စေ့စပ်ကြ သော် သူတို့နှစ်ဦးသည် အပြစ်မထိုက်ပေ။ သင့်မြတ်ခြင်းသည်ကောင်း၏။ သို့သော် လူသားတို့သည် လောဘကြီးတတ်ကြ၏။ အကယ်၍ သင်တို့သည် ကုသိုလ်ကောင်းမှုပွားများ၍ မကောင်းမှုကို ရှောင်ရှားလျှင် အလ္လာဟ်အသျှင်မြတ်သည် သင်တို့၏ ပြုကျင့်မှုများကို သတင်းရတော်မူ၏။ |
| Ghazi Mohammad Hashim ထို့ပြင်တဝ အကယ်၍ အကြင်မိန်းမတစ်ဦးသည် မိမိလင်ယောက်ျား၏ နှိပ်စက်ခြင်းကိုသော်လည်းကောင်း၊ လျစ်လျူရှု စွန့်ပစ်ထားခြင်းကိုသော်လည်းကောင်း စိုးရိမ်မကင်းဖြစ်ခဲ့အံ့။ သို့ဖြစ်ခဲ့သော် ထို (ဇနီးမောင်နှံ) နှစ်ဦးတို့သည် အကယ်၍ ပြန်လည်သင့်မြတ်စေသော စည်းကမ်းချက်တစ်စုံတစ်ခုကို သတ်မှတ်ခြင်းအားဖြင့် ပြန်လည်သင့်မြတ်ကြပါလျှင်၊ ၎င်းနှစ်ဦး၏အပေါ်၌ အပြစ်တစ်စုံတစ်ရာမျှ မရှိချေ။ (မည်သို့ပင်ဖြစ်စေကာမူ) ပြန်လည်သင့်မြတ်ခြင်းသည် အကောင်းဆုံးပင်ဖြစ်ချေသည်။ အမှန်စင်စစ်သော်ကား လောဘရမ္မက်သည် (လူတို့၏) စိတ်တွင် ရှိမြဲပင်ဖြစ်ပေသည်။ သို့ရာတွင် အကယ်၍ အသင်တို့သည် (ဇနီးမိန်းမတို့နှင့်) ကောင်းစွာဆက်ဆံ၍ (၎င်းတို့အား လျစ်လျူရှု စွန့်ပစ်ထားခြင်းမှ) ကြဉ်ရှောင်ကြပါမူ၊ (အသင်တို့သည် ကြီးကျယ်လှသော ကုသိုလ်အကျိုးရရှိကြအံ့၊ အဘယ်ကြောင့်ဆိုသော်) အလ္လာဟ် အရှင်မြတ်သည် အသင်တို့ပြုမူသမျှတို့ကို ဧကန်စင်စစ် အကြွင်းမဲ့ကြားသိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint ထို့ပြင် အကယ်၍ အကြင်မိန်းမတစ်ဦးသည် သူ့ယောက်ျား၏နှိပ်စက်မှု သို့မဟုတ် လျစ်လျူရှု စွန့်ပစ်ထားမှုကိုစိုးရိမ်ခဲ့လျှင် သူတို့နှစ်ဦးသည် အကယ်၍ ပြန်လည်သင့်မြတ်စေမည့် စည်းကမ်းချက်တစ်စုံတစ်ခုကို သတ်မှတ်ပြီး ပြန်လည်သင့်မြတ်အောင်လုပ်ကြလျှင် သူတို့နှစ်ဦးအပေါ်တွင် မည်သည့်အပြစ်မျှမရှိပေ။* ထို့ပြင် ပြန်လည်သင့်မြတ်ခြင်းသည် အကောင်းဆုံးဖြစ်သည်။ ထို့ပြင် (လူသား၏)စိတ်များသည် လောဘရမ္မက်(တစ်ခုမဟုတ်တစ်ခု)ကို အသင့်ရောက်ရှိအောင် ထည့်ပေးခြင်းခံခဲ့ရသည်ပင်ဖြစ်သည်။ ထို့ပြင် အကယ်၍ အသင်တို့သည် ကောင်းမွန်စွာဆက်ဆံ၍ (မကောင်းသည်များမှ)ရှောင်ကြဉ်ကြလျှင် အမှန်ပင် အလ္လာဟ်အရှင်မြတ်သည် အသင်တို့ပြုမူသည်များကို အကြွင်းမဲ့ကြားသိတော်မူသောအရှင် ဖြစ်တော်မူသည်။ |