Quran with Burmese translation - Surah An-Nisa’ ayat 64 - النِّسَاء - Page - Juz 5
﴿وَمَآ أَرۡسَلۡنَا مِن رَّسُولٍ إِلَّا لِيُطَاعَ بِإِذۡنِ ٱللَّهِۚ وَلَوۡ أَنَّهُمۡ إِذ ظَّلَمُوٓاْ أَنفُسَهُمۡ جَآءُوكَ فَٱسۡتَغۡفَرُواْ ٱللَّهَ وَٱسۡتَغۡفَرَ لَهُمُ ٱلرَّسُولُ لَوَجَدُواْ ٱللَّهَ تَوَّابٗا رَّحِيمٗا ﴾
[النِّسَاء: 64]
﴿وما أرسلنا من رسول إلا ليطاع بإذن الله ولو أنهم إذ ظلموا﴾ [النِّسَاء: 64]
| Ba Sein ၆၄။ အသျှင်မြတ်၏အလိုတော်အားဖြင့် တမန်တော်၏သြဝါဒကို နာယူဖို့ရာမှတစ်ပါး အခြား အကြောင်း ကြောင့် ငါသည် တမန်တော်ကို စေလွှတ်တော်မူသည်မဟုတ်ပေ။ သူတို့သည် မိမိကိုယ်ကို ပြစ်မှား မိသောအခါ သင့်ထံသို့လာ၍ အလ္လာဟ်အသျှင်မြတ်၏ အပြစ်လွှတ်တော်မူခြင်းဆုကိုတောင်း၍ တမန်တော်၏အပြစ်လွှတ်ခြင်းကို တောင်းဆိုလျှင် အလ္လာဟ်အသျှင်မြတ်သည် အပြစ်လွှတ်တော် မူသောအသျှင်၊ ကောင်းကြီးမင်္ဂလာပေးသနားတော်မူသောအသျှင် ဖြစ်တော်မူကြောင်းကို သူတို့ တွေ့မြင်ကြရပေလိမ့်မည်။ |
| Ghazi Mohammad Hashim အမှန်စင်စစ် ငါအရှင်မြတ်သည် ရစူလ်တမန်တော်အပါင်းတို့အား စေလွှတ်တော်မူခဲ့ခြင်းမှာ အလ္လာဟ်အရှင်မြတ်၏အမိန့်တော်ဖြင့် (လူခပ်သိမ်းတို့သည်) ထိုရစူလ်တမန်တော်များ၏ ဩဝါဒများကို နာခံကြရန်အတွက်သာလျှင် ဖြစ်ပေသည်။ တစ်ဖန် အကယ်၍သာ ထိုသူတို့သည် မိမိတို့ကိုယ်ကို နှိပ်စက်ကလူပြုမိခဲ့ကြလျှင် အသင့်ထံလာကြ၍ အလ္လာဟ်အရှင်မြတ်ထံတော်၌ ချမ်းသာခွင့်ကို အသနားခံပေးသည်ရှိသော်၊ ၎င်းပြင် ရစူလ်တမန်တော်ကလည်း ၎င်းတို့အဖို့ ချမ်းသာခွင့်ကို အသနားခံပေးသည်ရှိသော် ထိုသူတို့သည် အလ္လာဟ်အရှင်မြတ်အား အကြိမ်ကြိမ် ကရုဏာတော်နှင့် ပြန်လှည့်တော်မူသော အရှင်အဖြစ်လည်းကောင်း၊ အလွန် သနားကြင်နာ ညှာတာတော်မူသော အရှင်အဖြစ်လည်ကောင်း တွေ့ရှိကြရမည်မှာ မလွဲဧကန်တည်း။ |
| Hashim Tin Myint ထို့ပြင် ငါအရှင်မြတ်သည် ရစူလ်တမန်တော်များကို စေလွှတ်တော်မူခြင်းသည် အလ္လာဟ်အရှင်မြတ်၏အမိန့်တော်ဖြင့် (လူများသည်)ထိုရစူလ်တမန်တော်များ၏ ဩဝါဒများကို နာခံကြရန်အတွက်ပင်ဖြစ်သည်။ ထို့ပြင် အကယ်၍ သူတို့သည် သူတို့ကိုယ်သူတို့ နှိပ်စက်ကျူးလွန်မိခဲ့ကြသောအခါ အသင်(တမန်တော်)၏ထံသို့လာပြီး သူတို့သည် အလ္လာဟ်အရှင်မြတ်ထံတွင် လွတ်ငြိမ်းချမ်းသာခွင့်ကို တောင်းခံကြလျှင် ၎င်းပြင် တမန်တော်သည်လည်း သူတို့အတွက် လွတ်ငြိမ်းချမ်းသာခွင့်တောင်းခံပေးခဲ့မည်ဆိုလျှင် သူတို့သည် အလ္လာဟ်အရှင်မြတ်အား အမှားဝန်ခံမှုကို အကြိမ်ကြိမ်လက်ခံခွင့်လွှတ်တော်မူသောအရှင်၊ အလွန်သနားကြင်နာတော်မူသောအရှင်အဖြစ် အမှန်ပင် တွေ့ရလိမ့်မည်။ |