Quran with Burmese translation - Surah Al-Fath ayat 26 - الفَتح - Page - Juz 26
﴿إِذۡ جَعَلَ ٱلَّذِينَ كَفَرُواْ فِي قُلُوبِهِمُ ٱلۡحَمِيَّةَ حَمِيَّةَ ٱلۡجَٰهِلِيَّةِ فَأَنزَلَ ٱللَّهُ سَكِينَتَهُۥ عَلَىٰ رَسُولِهِۦ وَعَلَى ٱلۡمُؤۡمِنِينَ وَأَلۡزَمَهُمۡ كَلِمَةَ ٱلتَّقۡوَىٰ وَكَانُوٓاْ أَحَقَّ بِهَا وَأَهۡلَهَاۚ وَكَانَ ٱللَّهُ بِكُلِّ شَيۡءٍ عَلِيمٗا ﴾
[الفَتح: 26]
﴿إذ جعل الذين كفروا في قلوبهم الحمية حمية الجاهلية فأنـزل الله سكينته﴾ [الفَتح: 26]
| Ba Sein ၂၆။ အစ္စလာမ်သာသနာတော်ကြီးမထွန်းလင်းမီ အမိုက်မောဟနှင့် မတရားစိတ်ထက်သန်ခြင်းတို့သည် သာသနာပလူ တို့အား ဖိစီးနှိပ်စက်လျက်ရှိ၏၊ ထိုအခါအလ္လာဟ်အရှင်မြတ်သည် မိမိ၏ တမန်တော်နှင့် ယုံကြည်သူအပေါင်း တို့စိတ်နှလုံးတွင် တည်ကြည်ငြိမ်သက်ခြင်းကို ချပေးသနားတော်မူ၏၊ ထို့အပြင်သူတို့အား သူတို့ကိုယ်ကို သူတို့ချုပ်တည်းရန် ပညတ်တော်မူ၏၊ အမှန်မှာ ထိုယုံကြည်သူတို့သည် ယင်းမြင့်မြတ်သောဆုလာဘ်နှင့် လွန်စွာထိုက်တန်သူများဖြစ်ကြ၏၊ စင်စစ်မှာ အရှင်မြတ်သည် အရာခပ်သိမ်းတို့ကို အကြွင်းမရှိသိတော်မူ၏။ |
| Ghazi Mohammad Hashim (ပြန်လည် သတိရကြလေကုန်။) အကြင်အခါဝယ် ‘ကာဖိရ်’ သွေဖည်ငြင်းပယ်သောသူတို့သည် မိမိတို့၏စိတ်နှလုံးများတွင် အမိုက်ခေတ်၏ အစွဲအလမ်းကြီးမှုကို ထားရှိခဲ့ကြကုန်၏။ ထိုအခါ အလ္လာဟ်အရှင်မြတ်သည် မိမိရစူလ်တမန်တော်၏ အပေါ်၌လည်းကောင်း၊ ‘မုအ်မင်န်’ သက်ဝင်ယုံကြည်သူတို့၏ အပေါ်၌လည်းကောင်း၊ မိမိအထံတော်မှ စိတ်တည်ငြိမ်မှု (သည်းခံမှု)ကို ချပေးသနားတော်မူခဲ့၏။၎င်းပြင် ထိုအရှင်မြတ်သည် ၎င်းတို့အပေါ်၌ ကြဉ်ရှောင်ရန်ဟူသောစကားကို အတည်ပြုတော်မူခဲ့၏။ (၎င်းပြင် အလ္လာဟ်အရှင်မြတ်သည် ၎င်းတို့အား (တာက်ဝါ) တရားအပေါ်၌ ရပ်တည်စေတော်မူခဲ့၏။) စင်စစ်သော်ကား ထိုသူတို့သည် ယင်းစကားနှင့် ထိုက်တန်သူများသည်လည်းကောင်း၊ ကိုက်ညီသူများသည်လည်းကောင်း၊ ဖြစ်ခဲ့ကြကုန်၏။ အမှန်စင်စစ်မှာမူကား အလ္လာဟ်အရှင်မြတ်သည် အရာခပ်သိမ်းတို့ကို ကောင်းစွာသိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint တစ်ခါက ကာဖိရ်များသည် သူတို့၏ စိတ်နှလုံးများတွင် အမိုက်ခေတ်၏ အယူသည်းမှုကိုထားရှိခဲ့ကြသည်။ ထို့နောက် အလ္လာဟ်အရှင်မြတ်သည် အရှင်မြတ်၏တမန်တော့်အပေါ်နှင့် အီမာန်ယုံကြည်သူများ၏အပေါ်တွင် အရှင်မြတ်ထံတော်မှ စိတ်တည်ငြိမ်(သည်းခံ)မှုကို ချပေးသနားတော်မူခဲ့သည်။ ###၁၅ ထို့ပြင် အရှင်မြတ်သည် သူတို့အပေါ်တွင် သက္ကဝါကြောက်ရွံ့အပြစ်ရှောင်ကောင်းကျိုးဆောင်မှု (အရှင်မြတ်နှင့် အရှင့်တမန်တော်၏ အမိန့်နာခံမှုဆိုသည့်)စကားအပေါ်တွင် တည်တံ့စေတော်မူခဲ့သည်။ ထို့ပြင် သူတို့သည် ထိုစကားနှင့် ထိုက်တန်သူများနှင့် ကိုက်ညီသူများဖြစ်ခဲ့ကြသည်။ ထို့ပြင် အလ္လာဟ်အရှင်မြတ်သည် အရာအားလုံးကိုအကြွင်းမဲ့သိတော်မူသောအရှင်ဖြစ်တော်မူသည်။ |