Quran with Burmese translation - Surah Al-Ma’idah ayat 114 - المَائدة - Page - Juz 7
﴿قَالَ عِيسَى ٱبۡنُ مَرۡيَمَ ٱللَّهُمَّ رَبَّنَآ أَنزِلۡ عَلَيۡنَا مَآئِدَةٗ مِّنَ ٱلسَّمَآءِ تَكُونُ لَنَا عِيدٗا لِّأَوَّلِنَا وَءَاخِرِنَا وَءَايَةٗ مِّنكَۖ وَٱرۡزُقۡنَا وَأَنتَ خَيۡرُ ٱلرَّٰزِقِينَ ﴾
[المَائدة: 114]
﴿قال عيسى ابن مريم اللهم ربنا أنـزل علينا مائدة من السماء تكون﴾ [المَائدة: 114]
| Ba Sein ၁၁၄။ မရယမ်၏သား တမန်တော်အီဆာက အို-အကျွနု်ပ်တို့၏အသျှင်သခင် အလ္လာဟ်အသျှင် စားဖွယ် သောက်ဖွယ်တို့နှင့် ခင်းကျင်းထားသောစားပွဲတစ်ခုကို အကျွနု်ပ်တို့အတွက် အထက်ကောင်းကင်ဘုံမှ ချပေးသနားတော်မူပါ။ အကျွနု်ပ်တို့၏ အစကနဦးလူများအတွက်သော်လည်းကောင်း၊ နောင်လာ နောက်သား နောက်ဆုံးလူများအတွက်သော်လည်းကောင်း၊ ထိုစားပွဲသလင်သည် အသျှင်၏ လက္ခဏာတော်ဖြစ်စေတော်မူပါ။ အကျွနု်ပ်တို့အား ရိက္ခာအစားအစာကို ချပေးသနားတော်မူပါ။ အသျှင်သည် စားဖွယ်၊ သောက်ဖွယ်တည်ခင်းကျွေးမွေးသူအပေါင်းတို့တွင် အထွဋ်အခေါင် ဖြစ်စေတော်မူပါ၏ဟု တင်လျှောက်ပန်ထွာ၏။ |
| Ghazi Mohammad Hashim မရ်ယမ် (သခင်မ) ၏သား (တော်တမန်တော်) အီစာ (အလိုင်ဟစ္စလာမ်) က “အို- အလ္လာဟ်အရှင်မြတ်၊ အို- ကျွန်တော်မျိုးတို့အား မွေးမြူတော်မူသောအရှင်မြတ် အရှင်မြတ်သည် ကျွန်တော်မျိုး တို့အပေါ်သို့ မိုးကောင်းကင်မှ စားဖွယ်သောက်ဖွယ်ကို ချပေးသနားတော်မူပါ။ ထိုစားဖွယ်သောက်ဖွယ်သည် ကျွန်တော်မျိုးတို့အဖို့ (ဝါ) ကျွန်တော်မျိုးတို့တွင် ရှေးကျသူများအဖို့လည်းကောင်း၊ ကျွန်တော်မျိုးတို့နောက် လာလတ္တံ့သောသူများအဖို့လည်းကောင်း ပျော်ရွှင်ဖွယ်ရာဖြစ်ပါစေ။ ၎င်းပြင် အရှင်မြတ်ထံတော်မှ သက်သေလက္ခဏာတော်တစ်ပါးလည်း ဖြစ်ပါစေ။ အရှင်မြတ်သည် ကျွန်တော်မျိုးတို့အား ပေးသနားတော်မူပါ။ အမှန်စင်စစ် အရှင်မြတ်သည်သာလျှင် အကောင်းဆုံးသော ပေးသနားတော်မူသောအရှင် ဖြစ်တော်မူပါသည်” ဟုလျှောက်ထားပန်ကြားလေသည်။ |
| Hashim Tin Myint မရ်ယမ်၏သား (တမန်တော်)အီစာက “အို- အလ္လာဟ်အရှင်မြတ်၊ အို- ကျွန်ုပ်တို့အား ဖန်ဆင်းမွေးမြူတော်မူသောအရှင်၊ အရှင်မြတ်သည် ကျွန်ုပ်တို့အပေါ်သို့ ကောင်းကင်မှ အစားအစာ တည်ခင်းထားသောစားပွဲတစ်ခု ချပေးတော်မူပါ၊ ထို အစားအစာတည်ခင်းထားသောစားပွဲသည် ကျွန်ုပ်တို့အတွက်၊ ကျွန်ုပ်၏ပထမ(ယခင်မှ)သူများအတွက်နှင့် နောင်လာမည့်သူများအတွက် ပျော်ရွှင်ဖွယ်ရာနှင့် အရှင်မြတ်ထံတော်မှ သက်သေလက္ခဏာတစ်ပါး ဖြစ်စေတော်မူပါ။ ၎င်းပြင် အရှင်မြတ်သည် ကျွန်ုပ်တို့အား စားနပ်ရိက္ခာပေးသနားတော်မူပါ။ ထို့ပြင် အရှင်မြတ်သည် အကောင်းဆုံးစားနပ်ရိက္ခာ ပေးသနားတော်မူသောအရှင် ဖြစ်တော်မူပါသည်“ ဟု ပြောဆိုလျှောက်ထားခဲ့သည်။ |