Quran with Burmese translation - Surah Al-hadid ayat 10 - الحدِيد - Page - Juz 27
﴿وَمَا لَكُمۡ أَلَّا تُنفِقُواْ فِي سَبِيلِ ٱللَّهِ وَلِلَّهِ مِيرَٰثُ ٱلسَّمَٰوَٰتِ وَٱلۡأَرۡضِۚ لَا يَسۡتَوِي مِنكُم مَّنۡ أَنفَقَ مِن قَبۡلِ ٱلۡفَتۡحِ وَقَٰتَلَۚ أُوْلَٰٓئِكَ أَعۡظَمُ دَرَجَةٗ مِّنَ ٱلَّذِينَ أَنفَقُواْ مِنۢ بَعۡدُ وَقَٰتَلُواْۚ وَكُلّٗا وَعَدَ ٱللَّهُ ٱلۡحُسۡنَىٰۚ وَٱللَّهُ بِمَا تَعۡمَلُونَ خَبِيرٞ ﴾
[الحدِيد: 10]
﴿وما لكم ألا تنفقوا في سبيل الله ولله ميراث السموات والأرض لا﴾ [الحدِيد: 10]
| Ba Sein ၁ဝ။ သင်တို့သည် အလ္လာဟ်အရှင်မြတ်၏ လမ်းတော်၌ သုံးစွဲခြင်းမပြုလုပ်လောက်အောင် သင်တို့၌ အဘယ်ဝေဒနာ ရှိသနည်း၊ အကြောင်းမူကား မိုးကောင်းကင်နှင့် ကမ္ဘာမြေပြင်အလုံးစုံကို အရှင်မြတ်သာလျှင် အမွေခံစိုးပိုင်တော် မူ၏၊ သင်တို့အနက် မက္ကာဟ်ရွှေမြို့တော်ကြီးကို အောင်တော်မမူမီ မိမိစည်းစိမ်ဥစ္စာကို ရက်ရောစွာလှုဒါန်း လျက် စစ်ဝင်နွှဲတိုက်ခိုက်သောသူတို့သည် သာသနာ့အောင်လံတော်စိုက်ထူပြီးမှ လှုဒါန်းတိုက်ခိုက်သူတို့နှင့် မတူညီချေ၊ မြို့တော်ကြီးကို မအောင်မီ စွန့်ကြဲတိုက်ခိုက်သူတို့သည် အောင်ပြီးမှ ရက်ရက်ရောရောပေးကမ်း တိုက်ခိုက်သူတို့ထက် သာလွန်မြင့်မြတ်ကြ၏၊ သို့သော်အလ္လာဟ်အရှင်မြတ်သည် သင်တို့အားလုံးကို အောင်ဆု မင်္ဂလာပေးတော်မူမည်ဟု ကတိဗျာဒိတ်ခတ်နှိပ်တော်မူပြီ၊ အမှန်မှာ အရှင်မြတ်သည် သင်တို့ပြုလုပ်သမျှအလုံးစုံ ကို အကြွင်းမဲ့သိတော်မူ၏။ |
| Ghazi Mohammad Hashim ထိုမှတစ်ပါး အသင်တို့သည် အလ္လာဟ်အရှင်မြတ်၏ လမ်းတော်၌ သုံးစွဲလှူဒါန်းခြင်း မပြုကြရန် အသင်တို့၌ မည်သည့်အကြောင်း ရှိချေသနည်း။ စင်စစ်သော်ကား မိုးကောင်းကင်များ၌ ရှိကုန်သော ပစ္စည်းဥစ္စာတို့သည် လည်းကောင်း၊ ပထဝီမြေဝယ် ရှိကုန်သော ပစ္စည်းဥစ္စာတို့သည် လည်းကောင်း၊ အလ္လာဟ်အရှင်မြတ်နှင့်သာ သက်ဆိုင်ပေသည်။အသင်တို့အနက် (မက္ကာမြို့တော်ကို) မအောင်မြင်မီ သုံးစွဲလှူဒါန်းခဲ့ကြသော၊ ပြိုင်ဆိုင်တိုက်ခိုက်ခဲ့ကြသော သူတို့သည်(မက္ကာမြို့တော်ကို အောင်မြင်ပြီးနောက်တွင် သုံးစွဲလှူဒါန်းခြင်း၊ ပြိုင်ဆိုင်တိုက်ခိုက်ခြင်း ပြုခဲ့ကြသောသူတို့နှင့်) တူကြသည်မဟုတ်ပေ။ ထို(မအောင်မြင်မီ လှူဒါန်း တိုက်ခိုက်ခဲ့ကြသောသူတို့မှာကား နောက်ပိုင်းတွင် သုံးစွဲလှူဒါန်းခြင်း၊ ပြိုင်ဆိုင် တိုက်ခိုက်ခြင်း ပြုခဲ့ကြသောသူတို့ထက် ဂုဏ်ရည်အဆင့်အတန်းအားဖြင့် ထူးကဲမြင့်မြတ်လှကြကုန်၏။ စင်စစ်သော်ကား အလ္လာဟ်အရှင်မြတ်သည် အားလုံးကိုပင် ကောင်းကျိုးပေးတော်မူရန် ကတိပေးတော်မူခဲ့၏။ ထိုမှတစ်ပါး အလ္လာဟ်အရှင်မြတ်သည် အသင်တို့ ကျင့်မူသမျှတို့ကို စုံလင်စွာသိတော်မူသောအရှင်မြတ်ပင် ဖြစ်တော်မူသည်။) |
| Hashim Tin Myint ထို့ပြင်(အသင်တို့မရှိတော့သည့်နောက်လည်း)မိုးကောင်းကင်များနှင့် မြေပထဝီတွင် ကျန်ရှိမည့်အရာဟူသမျှသည် အလ္လာဟ်အရှင်မြတ်အတွက်ပင် ဖြစ်ပါလျက် အသင်တို့ သည် အလ္လာဟ်အရှင်မြတ်၏လမ်းတော်တွင် သုံးစွဲလှူဒါန်းခြင်းမပြုကြရန် အသင်တို့တွင် မည်သည့်အကြောင်းရှိသနည်း။ အသင်တို့ထဲမှ (မက္ကဟ်မြို့ကို)မအောင်နိုင်မီ သုံးစွဲ လှူဒါန်းခဲ့ကြသော၊ ဂျိဟာဒ် တိုက်ခိုက်ခဲ့ကြသောသူများသည် (မက္ကဟ်မြို့ကို အောင်နိုင်ပြီးနောက်တွင် သုံးစွဲခြင်း၊ တိုက်ခိုက်ခြင်းပြုခဲ့ကြသောသူများနှင့်)မတူကြပေ။ ထို(မအောင်နိုင်မီ)လှူဒါန်းတိုက်ခိုက်ခဲ့ကြသောသူများသည် နောက်တွင် သုံးစွဲလှူဒါန်းခြင်း၊ တိုက်ခိုက်ခြင်းပြုခဲ့ကြသောသူများထက် အဆင့်အတန်းမြင့်ကြသည်။###၄ ထို့ပြင် အလ္လာဟ်အရှင်မြတ်သည် အားလုံးကို ကောင်းကျိုးပေးတော်မူရန် ကတိပေးတော်မူခဲ့သည်။ ထို့ပြင် အလ္လာဟ်အရှင်မြတ်သည် အသင်တို့ ပြုလုပ်သမျှကို သိမြင်တော်မူသောအရှင်ဖြစ်တော်မူသည်။ |