سَبَّحَ لِلَّهِ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ (1)
မိုးကောင်းကင်များနှင့်ကမ္ဘာဂြိုဟ်၌ ရှိသမျှအရာခပ်သိမ်းတို့သည် (အရှင်မြတ်၏စည်းမျဉ်း နိယာမတော် များနှင့်အညီ လှည့်ပတ်သွားလာလှုပ်ရှားလျက် ထိုအရှင်မြတ်သည် ချို့တဲ့မှု လုံးဝ ကင်းရှင်းတော်မူပြီး အနှိုင်းမဲ့ အရှင်ဖြစ်တော်မူခြင်း၊ မည်သည့်အရာကိုမျှ အကြောင်းမဲ့ ဖွဲ့စည်းဖြစ်တည်စေတော်မမူခြင်းနှင့်ကိုးကွယ်ထိုက်သော ပကတိဂုဏ်တော်အားလုံးကို ပိုင်ဆိုင်တော်မူသော အရှင်ဖြစ်တော်မူခြင်းကြောင့်) သန့်ရှင်းစင်ကြယ်တော် မူကြောင်းကို ထင်ရှားစေ၍ ဂုဏ်တင်နေကြ၏။ ထို့ပြင် ထိုအရှင်မြတ်သည် လူသားတို့အား ဂုဏ်ဩဇာများ ချီးမြှင့်တော်မူသကဲ့သို့ အားလုံးအပေါ်လည်း အရှင့်ဘုန်းတန်ခိုးဖြင့် နိုင်နင်းလွှမ်းမိုးတော်မူသောအရှင်၊ (တရားစီရင်ဆုံးဖြတ်ရာတွင်) အမြော်အမြင်နှင့်ပြည့်စုံတော်မူသောအရှင် ဖြစ်တော်မူ၏။ |
لَهُ مُلْكُ السَّمَاوَاتِ وَالْأَرْضِ ۖ يُحْيِي وَيُمِيتُ ۖ وَهُوَ عَلَىٰ كُلِّ شَيْءٍ قَدِيرٌ (2)
မိုးကောင်းကင်များနှင့်ကမ္ဘာဂြိုဟ် (ကို ထိုအရှင်မြတ်က ဖွဲ့စည်းဖြစ်တည်စေတော်မူ၍ ဖွံ့ဖြိုးစေတော်မူလျက် လှည့်ပတ်လှုပ်ရှားစေသောကြောင့် ယင်းတို့) ၏ဩဇာအာဏာသည် (အလ္လာဟ်အရှင်မြတ် (၏စည်းမျဉ်းနိယာမတော်နှင့်အညီ အသုံးချရန်) အတွက်သာ ဖြစ်၏။ ထိုအရှင်မြတ်သည် အရာခပ်သိမ်းတို့၌ အရှင့်စည်းမျဉ်း၊ နိယာမတော်များ ချမှတ်ပေးတော်မူ၍ အရာရာကို စွမ်းဆောင်နိုင်တော်မူသော အရှင်ဖြစ်တော်မူ၏။ |
هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ (3)
ထိုအရှင်မြတ်သည် (မည်သည့်အရာမျှ မတည်ရှိစဉ်ကပင်) အဦးဆုံး တည်ရှိနေတော်မူသောအရှင်၊ (အရာခပ်သိမ်းတို့ ပျက်သုန်းပျောက်ကွယ်သွားလျှင်လည်း) အနန္တတည်ရှိမြဲတည်ရှိနေတော်မူမည့်အရှင်၊ အရာခပ်သိမ်းတို့၌ အရှင့်နာမတော်များနှင့်ဂုဏ်တော်များကို ထင်ရှားစေတော်မူသောအရှင်၊ အရာခပ်သိမ်းတို့၏မြင် ကွင်းမှ ကွယ်နေတော်မူသောအရှင်မြတ်ပင် ဖြစ်တော်မူ၏။ ထို့ပြင် ထိုအရှင်မြတ်သည် အရာခပ်သိမ်းတို့ကို အကြွင်းမဲ့ သိနေတော်မူသော အရှင်ဖြစ်တော်မူ၏။ |
هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۚ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاءِ وَمَا يَعْرُجُ فِيهَا ۖ وَهُوَ مَعَكُمْ أَيْنَ مَا كُنتُمْ ۚ وَاللَّهُ بِمَا تَعْمَلُونَ بَصِيرٌ (4)
ထိုအရှင်မြတ်သည် မိုးကောင်းကင်များနှင့်ကမ္ဘာဂြိုဟ်ကို ခြောက်ရက် (ကာလခြောက်ခု) တွင် ဖွဲ့စည်းဖြစ်တည်စေတော်မူပြီး အရ်ရှ်ပလ္လင်တော် (စကြဝဠာအပေါင်းတို့အား အရှင့်နိယာမတရားများဖြင့် ထိန်းချုပ်ထားသည့် ဩဇာအာဏာ) အား အချို့အစားမျှတပြီး နေထားတကျဖြစ်အောင် အခိုင်အမာ၊ ထူထောင်စေတော်မူ၏။ ထိုအရှင်မြတ်သည် ကမ္ဘာမြေကြီးထဲသို့ စိမ့်ဝင်ထိုးဖောက်သည့် (မိုးရေ၊ အစေ့၊ အဆံ အစရှိသော) အရာဟူသမျှကိုလည်းကောင်း၊ မြေကမ္ဘာမှ ထွက်သော (ရေငွေ့၊ အစိုဓါတ်၊ အပင်များနှင့်သက်ရှိများ စသည့်) အရာဟူသမျှကိုလည်းကောင်း၊ မိုးကောင်းကင်မှ ဆင်းသက်လာသော (မိုးရေ၊ အလင်းနှင့်မလာအီကာစေတမန် များ စသည့်) အရာဟူသမျှကိုလည်းကောင်း၊ မိုးကောင်းကင်သို့ တက်သွားသော (အခိုးအငွေ့၊ ဆုတောင်းမှု အစရှိသည့်) အရာဟူသမျှကိုလည်းကောင်း၊ သိနေတော်မူ၏။ ထို့ပြင် သင်တို့မည်သည့်နေရာ၌ပင် ရှိနေသည် ဖြစ်စေ၊ ထိုအရှင်မြတ်သည် သင်တို့နှင့်အတူ ရှိနေတော်မူ၏။ ထို့ပြင် အလ္လာဟ်အရှင်မြတ်သည် သင်တို့၏ပြုမူဆောင်ရွက်သမျှတို့ကို အကြွင်းမဲ့ မြင်နေတော်မူ၏။ |
لَّهُ مُلْكُ السَّمَاوَاتِ وَالْأَرْضِ ۚ وَإِلَى اللَّهِ تُرْجَعُ الْأُمُورُ (5)
မိုးကောင်းကင်များနှင့်ကမ္ဘာဂြိုဟ် (ကို ထိုအရှင်မြတ်က ဖွဲ့စည်းဖြစ်တည်စေတော်မူ၍ ဖွံ့ဖြိုးစေတော်မူလျက် လှည့်ပတ်လှုပ်ရှားစေသောကြောင့် ယင်းတို့) ၏ဩဇာအာဏာသည် (အလ္လာဟ်အရှင်မြတ် (၏စည်းမျဉ်းနိယာမတော်နှင့်အညီ အသုံးချရန်) အတွက်သာ ဖြစ်၏။ နှလုံးသွင်းသင့်သည်မှာ စီမံချက်များနှင့်အရေးကိစ္စဟူ သမျှတို့သည် အလ္လာဟ်အရှင်မြတ်ထံသို့ပင် ဉီးလှည့်၍ရောက်ရှိစေခြင်း ခံကြရလိမ့်မည်။ |
يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ ۚ وَهُوَ عَلِيمٌ بِذَاتِ الصُّدُورِ (6)
ထိုအရှင်မြတ်သည် ညကို နေ့ထဲသို့ တိုးဝင်ဖြတ်စေတော်မူ (၍ နေ့အဖြစ်ပြောင်းလဲစေတော်မူပြီး) နေ့ကို ညထဲသို့ တိုးဝင်စေတော်မူ (လျက် ညအဖြစ်ပြောင်းလဲစေတော်မူ) ၏။ ထို့ပြင် ထိုအရှင်မြတ်သည် (လူသားတို့၏) စိတ်နှလုံးအတွင်း ကိန်းအောင်းလျက်ရှိသည်တို့နှင့်ပတ်သက်၍ အကြွင်းမဲ့ သိနေတော်မူသောအရှင် ဖြစ်တော်မူ၏။ |
آمِنُوا بِاللَّهِ وَرَسُولِهِ وَأَنفِقُوا مِمَّا جَعَلَكُم مُّسْتَخْلَفِينَ فِيهِ ۖ فَالَّذِينَ آمَنُوا مِنكُمْ وَأَنفَقُوا لَهُمْ أَجْرٌ كَبِيرٌ (7)
သင်တို့သည် အလ္လာဟ်အရှင်မြတ်နှင့်အရှင့်သတင်းတော်ဆောင် ရစူလ်တမန်တော်မြတ်အား သက်ဝင်ယုံကြည်ကြလော့။ ထို့ပြင် သင်တို့သည် ယင်း (မြေကမ္ဘာ) ၌ ယင်းကို ကိုယ်စားပြုသူအဖြစ်ခန့် အပ်တော်မူလျက် သင်တို့ထံအပ်နှံထားတော်မူသည့် (မြေပေါ်မြေအောက်ရေပေါ်ရေ အောက်သယံဇာတများ၊ စွမ်းရည်များ၊ စွမ်းအင်များနှင့်ရိက္ခာအထောက်အပံ့များစသော) အပ်နှံခြင်းခံရသည့်အရာများအနက်မှ (အရှင့်လမ်းတော်နှင့် ချို့တဲ့ဆင်းရဲသူတို့အတွက်) စွန့်လှူသုံးစွဲလှူဒါန်းကြလော့။ သို့ဖြစ်ပေရာ သင်တို့အနက်မှ သက်ဝင်ယုံကြည်ကြပြီး ထိုသို့ စွန့်လှူသုံးစွဲလှူဒါန်းကြသောသူတို့မူကား သူတို့အတွက် အလွန်ကြီးကျယ်လှစွာသော အကျိုးဆုလဒ်သည် ရှိပေ၏။ |
وَمَا لَكُمْ لَا تُؤْمِنُونَ بِاللَّهِ ۙ وَالرَّسُولُ يَدْعُوكُمْ لِتُؤْمِنُوا بِرَبِّكُمْ وَقَدْ أَخَذَ مِيثَاقَكُمْ إِن كُنتُم مُّؤْمِنِينَ (8)
(သင်တို့အား အရှင်မြတ်မိန့်တော်မူသည့်အတိုင်း) အလ္လာဟ်အရှင်မြတ်ကို သက်ဝင်ယုံကြည် ခြင်း မရှိကြ သည်မှာ အဘယ်ကြောင်းနည်း။ အမှန်စင်စစ်၊ သင်တို့သည် သင်တို့ကို ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသောအရှင်မြတ်အား သက်ဝင်ယုံကြည်ကြရန်နှင့် အကယ်၍ သင်တို့က စစ်မှန်သော ယုံကြည် သူများဖြစ်ကြလျှင် ထိုအရှင်မြတ်က သင်တို့ထံမှ ကတိပဋိဉာဉ် ယူထားတော်မူပြီ ဖြစ်ကြောင်းနှင့်စပ်လျဉ်း၍ ရစူလ်တမန်တော်မြတ်သည် သင်တို့အား ဖိတ်ခေါ်လျက်ရှိ၏။ |
هُوَ الَّذِي يُنَزِّلُ عَلَىٰ عَبْدِهِ آيَاتٍ بَيِّنَاتٍ لِّيُخْرِجَكُم مِّنَ الظُّلُمَاتِ إِلَى النُّورِ ۚ وَإِنَّ اللَّهَ بِكُمْ لَرَءُوفٌ رَّحِيمٌ (9)
ထိုအရှင်မြတ်သည် သင်တို့အား (အမှန်တရားသစ္စာမှ လွဲချော်စေမည့် အတွေးအခေါ် အယူအဆများနှင့်လမ်းစဉ်များပါဝင်သည့်) အမှောင်ထုဟူသမျှမှ (အစစ အရာရာတွင် ဖြောင့်မတ်မှန်ကန်မြဲမြံ တည်တံ့စေမည့်) အလင်းတော်သို့ ခေါ်ထုတ်တော်မူရန်အလို့ငှာ အရှင့်အစေခံအမှုတော်ဆောင် (တမန်တော်မုဟမ္မဒ်) အပေါ်၌ ကွက်ကွက်ကွင်းကွင်း မြင်သာထင်ရှားသော သက်သေအထောက်အထားများပါဝင်သည့်ရှင်းလင်းချက်နှင့်အတူ အာယသ်သက်သေလက္ခဏာတော်များကို ချမှတ်ပေးအပ်တော်မူ၏။ ဧကန်မလွဲ၊ အလ္လာဟ်အရှင်မြတ်သည် လူသားတို့၏ဒုက္ခအခက်အခဲများကို လွယ်ကူစေရာတွင် အလွန်ပင် နူးညံ့သိမ်မွေ့တော်မူသောအရှင်၊ အားလုံးအပေါ်တွင် အစဉ် သနားကြင်နာညှာတာတော်မူသော အကြင်နာရှင် ဖြစ်တော်မူ၏။ |
وَمَا لَكُمْ أَلَّا تُنفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ ۚ لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ ۚ أُولَٰئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا ۚ وَكُلًّا وَعَدَ اللَّهُ الْحُسْنَىٰ ۚ وَاللَّهُ بِمَا تَعْمَلُونَ خَبِيرٌ (10)
ထို့ပြင် သင်တို့သည် အလ္လာဟ်အရှင်မြတ်၏လမ်းတော်၌ သုံးစွဲလှူဒါန်းခြင်း မပြုကြရန် သင်တို့အတွက် မည်သည့်အကြောင်းအရာက (အဟန့်အတားနှင့်အခက်အခဲများအဖြစ်) ရှိနေသနည်း။ စင်စစ်သော်ကား မိုးကောင်းကင်များနှင့်မြေကမ္ဘာ၌ ရှိသောအရာ (အမွေ) အားလုံးသည် အလ္လာဟ်အရှင်မြတ် (ကဖြစ်တည်စေတော်မူသည့် အရာများဖြစ်၍ အရှင်အချုပ်အခြာအာဏာ၌ ရှိလျက် အရှင်မြတ်) သာ အမွေဆက်ခံခွင့် ပေးတော်မူသောအရှင် ဖြစ်တော်မူ၏။ သင်တို့အနက် (မက္ကာမြို့တော်ကို အောင်နိုင်၍) အောင်ပွဲမခံရမီ (အရှင့် လမ်းတော်၌) စွန့်လှူသုံးစွဲ လှူဒါန်းခဲ့ကြရုံမက (အစ္စလာမ်အတွက် ရပ်တည်သူတို့ကို အမြစ်ဖြတ်ချေမှုန်းလို စိတ်ဖြင့် မတရားကျူးကျော်သူတို့ကို တော်လှန်တိုက်ခိုက်ရာတွင်လည်း အသက်ကို ပဓါနမထားဘဲ စွမ်းစွမ်းတမံ) ရင်ဆိုင်တိုက်ခိုက်လျက် ဂုဏ်ရည်အဆင့်အတန်း အမြင့်မြတ်ဆုံးစာရင်းတွင် ပါဝင်စေတော်မူခြင်းခံကြရသော ထိုသူတို့သည် (ထိုအောင်ပွဲခံရသောကာလ) နောက်ပိုင်းတွင် (အရှင့်လမ်းတော်၌) စွန့်လှူသုံးစွဲ လှူဒါန်း၍ တိုက်ပွဲ၌ ပါဝင်ကာ ရင်ဆိုင်တိုက်ခိုက်ခဲ့ကြသူတို့နှင့်ထပ်တူထပ်မျှ တူညီနိုင်ကြမည်လော။ စင်စစ်သော်ကား၊ အလ္လာဟ်အ ရှင်မြတ်သည် အားလုံးကိုပင် အကောင်းမြတ်ဆုံး ကောင်းကျိုး (ထာဝရပျော်ရွှင်မြူးထူးကြရမည့် သုခဥယျာဉ်) ပေးတော်မူရန် ကတိထားတော်မူ၏။ ထို့ပြင် အလ္လာဟ်အရှင်မြတ်သည် သင်တို့၏ပြုမူကျင့်ကြံ ဆောင်ရွက်သမျှနှင့်ပတ်သက်၍ သတင်းအချက်အလက် အလုံးစုံကို အသေးစိတ် သတင်းရယူထားတော်မူသော အရှင်ဖြစ်တော်မူ၏။ |
مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ (11)
(အလ္လာဟ်အရှင်မြတ်က ချီးမြှင့်အပ်နှံတော်မူထားသည့် ရုပ်နာမ်၊ ဥစ္စာဓန၊ စွမ်းရည်စွမ်းပကားနှင့်နည်း ပညာများမှ) အကောင်းမြတ်ဆုံးသောအရာများကို (အရှင့်ကျေနပ်နှစ်မြို့မှုအတွက်) အရှင်ထံ ပြန်လည်ချေးငှား (ဆက်ကပ်) လိုသူ မည်သူရှိအံ့နည်း။ ထိုသို့ချေးငှားလျှင် အလ္လာဟ်အရှင်မြတ်သည် သူချေးငှားခဲ့သည်ကို (ဤလောကီ၌) မြောက်များစွာ ဆထက်တိုး၍ တိုးပွားစေတော်မူပြီး (နောင်တမလွန်ဘဝတွင်လည်း) သူ့အတွက် မြင့်မြတ်လှစွာသော အကျိုးဆုလဒ်သည်လည်း ရှိနေ၏။ |
يَوْمَ تَرَى الْمُؤْمِنِينَ وَالْمُؤْمِنَاتِ يَسْعَىٰ نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ ذَٰلِكَ هُوَ الْفَوْزُ الْعَظِيمُ (12)
(အို၊ ရစူလ်တမန်တော်၊) ထိုနေ့တွင် အသင်သည် သက်ဝင်ယုံကြည်သူအမျိုးသားများနှင့်အမျိုးသမီးများ အား သူတို့၏ရှေ့၌ အလင်းရောင်ရှိ၍ သူတို့၏လက်ယာဘက်၌ “ယနေ့ အောက်ခြေ၌ စိမ့်စမ်းရေ တသွင်သွင် စီးဆင်းနေပြီး ထို (သုခဥယျာဉ်) ၌ ထာဝရနေထိုင်ရ မည်ဖြစ်သော သုခဥယျာဉ်သည် သင်တို့အတွက် သတင်းကောင်းဖြစ်၏။” ဟု ပါရှိစေလျက် ပြေးကြမည်ကို တွေ့မြင်ရပေမည်။ ထိုနည်းအတိုင်းပင် ယင်းသည် မဟာအောင် မြင်မှုကြီးပင် ဖြစ်၏။ |
يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءَكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ (13)
ထိုနေ့တွင် အယောင်ဆောင်သီလကြောင်အမျိုးသားများနှင့်အမျိုးသမီးများသည် ယုံကြည်သူတို့အား “သင်တို့၏အလင်းရောင်မှ (အလင်းတန်း အနည်းငယ်မျှ) ရရှိနိုင်ကြရန် သင်တို့သည် ကျွန်ုပ်တို့အတွက် (ခဏ) စောင့်ဆိုင်းကြလော့။” ဟု တောင်းဆိုပြောကြားသည့်အခါ (ယုံကြည်သူများ ဖြစ်ကြသော) သူတို့က “သင်တို့သည် (ဖြစ်နိုင်လျှင် လောကီကမ္ဘာဖြစ်သည့်) နောက်ကြောင်းပြန်သွားပြီးလျှင် (ထို၌ ကောင်းမှုကုသိုလ်များဖြင့် ပြုမူကျင့်လျက်) အလင်းရောင်ကို ရှာဖွေကြလော့။” ဟု တုံ့ပြန်ဖြေဆိုကြလိမ့်မည်။ ထိုစဉ် သူတို့ကြားတွင် (ယုံကြည်သူများနှင့်သီလကြောင်းတို့ကို သီးခြားစီဖြစ်စေမည့်) တံခါးပေါက်တစ်ခုပါသော တံတိုင်းတစ်ခုအား စိုက်ထူမည် (ဖြစ်ရာ သီလကြောင်တို့၏နောင်တရမှုမှာ တိုးမြှင့်လာ၍ ယုံကြည်သူတို့နှင့်လည်း အဆက်ပြတ် သွားမည်) ဖြစ်၏။ တံတိုင်း၏အတွင်းဘက်၌ ထာဝရ ပျော်မြူးစေမည့်) ကရုဏာတော်ရှိနေ၍ ယင်း၏အပြင် ဘက်၌မူကား (ထာဝရခံစားရမည့်) ပြစ်ဒဏ်သည် ရှိနေ၏။ |
يُنَادُونَهُمْ أَلَمْ نَكُن مَّعَكُمْ ۖ قَالُوا بَلَىٰ وَلَٰكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّىٰ جَاءَ أَمْرُ اللَّهِ وَغَرَّكُم بِاللَّهِ الْغَرُورُ (14)
ထို (အယောင်ဆောင်သီလကြောင်များဖြစ်ကြသော) သူတို့သည် (တံတိုင်း၏အပြင်ဘက်မှနေ၍ ယုံကြည်သူတို့အား) “လောကီဘဝ၌ ကျွန်ုပ်တို့သည် သင်တို့နှင့်အတူ ရှိခဲ့ကြသည် မဟုတ်လော။” ဟု ဟစ်အော် မေးမြန်းကြပေမည်။ (ထိုအခါ သက်ဝင်ယုံကြည်သူများဖြစ်ကြသော) သူတို့က “အမှန်ပင် အတူနေခဲ့ကြပါ၏။ သို့ရာတွင် သင်တို့သည် သင်တို့၏နဖ်စ် (ခေါ် မျိုးရိုးဗီဇထဲ၌ ထည့်ပေးတော်မူထားသော ဉာဉ်စဉ်စရိုက်၊ ပင်ကိုယ်အရည်အသွေး၊ စွမ်းရည်အစွမ်းအစနှင့်စိတ်ဆန္ဒများကို အရှင့်စည်းမျဉ်းတော်အညီဖြစ်စေ သို့မဟုတ် စိတ်အလိုဆန္ဒနှင့်အညီဖြစ်စေ ရှာဖွေသုံးစွဲနိုင်ရန် အသုံးချနိုင်သော စိတ်ဝိဉာဉ်) ကို စိတ်အလိုရမ္မက်အတွက် အသုံးချ၍ သင်တို့ကိုယ်သင်တို့ လှည့်စားလျက် (အစ္စလာမ်အတွက် ရပ်တည်သူများအဖြစ် ဟန်ဆောင်ပြီး ယင်းကို ပျက်စီးစေရန် ကြံစည်၍ ရန်သူများ ဘက်မှပါဝင်ရန်) စောင့်ဆိုင်းနေခဲ့ကြရုံသာမက ယင်း (အစ္စလာမ်) အပေါ်လည်း ဒွိဟသံသယပွားစေကာ အလ္လာဟ်အရှင်မြတ်၏စီမံချက်အမိန့်တော် (သေခြင်းတရား) ရောက်လာ သည်အထိ မှားယွင်းသော မျှော်လင့်ချက်များနှင့်ထင်မြင်ယူဆချက်များအတွက် သင်တို့ကိုယ်သင်တို့ လှည့်စား နေခဲ့ခြင်းဖြင့် လှည့်စားသူ (စေတန်မကောင်းဆိုးဝါး) အား အလ္လာဟ်အရှင်မြတ်နှင့်ပတ်သက်၍ သင်တို့ (၏အ တွေးအမြင်နှင့်သဘောထားတို့) ကို လှည့်ဖြားစေရန် ခွင့်ပြုလေ၏။ “ ဟု တုံ့ပြန်ဖြေဆိုကြလိမ့်မည်။ |
فَالْيَوْمَ لَا يُؤْخَذُ مِنكُمْ فِدْيَةٌ وَلَا مِنَ الَّذِينَ كَفَرُوا ۚ مَأْوَاكُمُ النَّارُ ۖ هِيَ مَوْلَاكُمْ ۖ وَبِئْسَ الْمَصِيرُ (15)
သို့ဖြစ်ပေရာ ယနေ့သော်ကား သင်တို့ထံမှလည်းကောင်း မယုံကြည်သူ (အမှန်တရားကို သွေဖည်ငြင်းပယ်သူ) တို့ထံမှလည်းကောင်း၊ မည်သည့်လျော်ကြေးကိုမျှ လက်ခံရယူတော်မူလိမ့်မည် မဟုတ်ပေ။ သင်တို့ (အားလုံး) ၏နောက်ဆုံးပန်းတိုင် ခိုလှုံရာဌာနစခန်းမှာ (ငရဲ) မီးပင် ဖြစ်၏။ ယင်း(ငရဲ) မီးသည်ပင်လျှင် သင်တို့၏ကာကွယ်စောင့်ရှောက်သူ ဖြစ်၏။ စင်စစ် ယင်း (ငရဲမီးထဲရှိ သူတို့၏) ပြန်လည်ရာစခန်း နောက်ဆုံးပန်းတိုင်သည် အလွန်ယုတ်ညံ့ ဆိုးဝါးလှပေ၏။ |
۞ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ (16)
သက်ဝင်ယုံကြည်သူတို့အတွက် အလ္လာဟ်အရှင်မြတ်၏ဆုံးမသြဝါဒ သတိရ တသ၍ ထုတ်ဖော်ဖွင့်ဟစရာ (ကျမ်းတော်မြတ်ကုရ်အာန်) အလို့ငှာလည်းကောင်း၊ အမှန်တရားသစ္စာအဖြစ် ချမှတ်ပေးအပ်တော်မူသမျှကို လိုက်နာရာတွင်လည်းကောင်း၊ သင်တို့မတိုင်မီက ရှိခဲ့ကြသော ကျမ်းရပုဂ္ဂိုလ်များကဲ့သို့ မဖြစ်ရန်လည်းကောင်း၊ သူတို့၏နှလုံးသားများကို (အရှင်မြတ်ထံအပ်နှံ၍ အရှင့်လမ်းတော်၌ ရုန်းကန်လျက်) နှိမ့်ချကြရန် အချိန်တန်ပြီ မဟုတ်လော။ အကြောင်းမှာ (ထိုကျမ်းရပုဂ္ဂိုလ်များသည်) အချိန်ကာလကြာညောင်းလာသည်နှင့်အမျှ (အရှင့်အမိန့်တော်များကို ကျောခိုင်းပြောင်းလဲသောကြောင့်) သူတို့၏စိတ်နှလုံးများသည် ခက်ထန်မာကျောလာပြီး သူတို့အနက်မှ အများစုသည် (အရှင်မြတ်က ချမှတ်ပေးအပ်တော်မူသော စည်းဘောင်များကို ကျူးလွန်ချိုးဖောက်၍ သွေဖည်ယုတ်မာသူများပင် ဖြစ်ကြလေ၏။) |
اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ (17)
ဧကန်မလွဲ၊ အလ္လာဟ်အရှင်မြတ်သည် မြေကမ္ဘာကိုလည်း ယင်းမှာ ခြောက်သွေ့ခန်းခြောက်လျက် မြေသေဖြစ်ပြီးနောက် (ကောင်းကင်ယံမှ သွန်းချစေတော်မူသောရေကြောင့် ပြန်လည်ရှင်သန်) စိုပြေစေကြောင်းကို သင်တို့သည် နှလုံးသွင်း သိထားကြလော့။ ဧကန်စင်စစ်၊ ငါအရှင်မြတ်သည် သင်တို့ ဆင်ခြင်တုံတရားကို သုံး၍ တွေးခေါ်ဆင်ခြင်သိနားလည်ကြရန်အလို့ငှာ အာယသ်သက်သေလက္ခဏာတော်များကို ကွက်ကွက်ကွင်းကွင်း၊ မြင်သာထင်ရှားအောင် ရှင်းလင်းဖော်ပြတော်မူခဲ့ပြီး ဖြစ်၏။ |
إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ (18)
ဧကန်စင်စစ်၊ (ဆင်းရဲနွမ်းပါးသူတို့အတွက် လူမှုဖူလှုံကြေးနှင့်အလှူဒါနများအပါအဝင်) စွန့်လှူပေးကမ်း လှူဒါန်းကြသော အမျိုးသားများနှင့်အမျိုးသမီးများသည် (အရှင်မြတ်က ချီးမြှင့်အပ်နှံတော်မူထားသည့် ရုပ်နာမ်၊ ဥစ္စာဓန၊ စွမ်းရည်စွမ်းပကားနှင့်နည်းပညာများမှ) အကောင်းမြတ်ဆုံးသောအရာများကို (အရှင့်ကျေနပ်နှစ်မြို့ မှုအတွက်) အလ္လာဟ်အရှင်မြတ်ထံ ပြန်လည်ချေးငှား (ဆက်ကပ်) လျှင် ယင်းဆက် ကပ်ချေးငှားခြင်းကို (ဤလောကီ၌) မြောက်များစွာ ဆထက်တိုး၍ တိုးပွားစေတော်မူပြီး (နောင်တမလွန်ဘဝတွင်လည်း) သူတို့အတွက် မြင့်မြတ်လှစွာသော အကျိုးဆုလဒ်သည်လည်း ရှိနေ၏။ |
وَالَّذِينَ آمَنُوا بِاللَّهِ وَرُسُلِهِ أُولَٰئِكَ هُمُ الصِّدِّيقُونَ ۖ وَالشُّهَدَاءُ عِندَ رَبِّهِمْ لَهُمْ أَجْرُهُمْ وَنُورُهُمْ ۖ وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ الْجَحِيمِ (19)
ထို့ပြင် အလ္လာဟ်အရှင်မြတ်နှင့်အရှင့်သတင်းတော်ဆောင်ရစူလ်တမန်တော်များအား ယုံကြည်ကြသော သူတို့မူကား ထိုသူတို့သည်ပင် ထိုသူတို့အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်ထံတော်၌ ဖြောင့်မတ်မှန်ကန်စွာပြုမူကျင့်ကြံသော သစ္စာဝါဒီများနှင့် (အရှင်မြတ်၏လမ်းတော်၌ အသက်စွန့်ခဲ့ကြသောသူများပင် ဖြစ်ကြပြီး သူတို့အတွက် မြင့်မြတ်သောအကျိုးဆုလဒ်များနှင့်သူတို့၏ရောင်ခြည်များ ရှိပေမည်။ သို့ရာတွင် ငါအရှင်မြတ်၏အာယသ်သက်သေလက္ခဏာတော်များနှင့်စပ်လျဉ်း၍ မဟုတ်မတရား မမှန်မကန်စွပ်စွဲ၍ ငြင်းပယ်ကြသောသူတို့မူကား မယုံကြည်သူ (အမှန်တရားကို သွေဖည်ငြင်းပယ်သူ) များပင် ဖြစ်ကြပြီး ထိုသူတို့သည်ကား အရှိန်ပြင်းစွာ လောင်နေသော ငရဲမီး၏အဖော်များပင် ဖြစ်ကြ၏။ |
اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ (20)
လောကီဘဝသက်တမ်းသည် အချင်းချင်းကြားတွင် ဝင့်ကြွားခြင်း ဥစ္စာဓနပိုင်ဆိုင်လျက် ကြွယ်ချမ်းခြင်းနှင့်သားသမီးများကို အကြောင်းပြု၍ ပြိုင်ဆိုင်မှုတိုးပွားစေခြင်းကြောင့် ကစားခုန်စားမှုနှင့်လောကီအကျိုးအတွက် အလှတန်ဆာဆင်၍ ပျော်မြူးခြင်းသက်သက်သာ ဖြစ်သွားနိုင်ကြောင့် နှလုံးသွင်း သိထားသင့်သည်။ (ထိုသို့လောကီဘဝသက်တမ်းကို လောကီအကျိုးခံစားမှုအတွက်သာ အသုံးချ ကြသူတို့၏ဥပမာသည်ကား) မိုးရေကြောင့် (လယ်ယာကိုင်းကျွန်းများ စိုပြေလာ၍) အသီးအနှံဖြစ်ထွန်းမှု တိုးပွားလာကာ ရင်သပ်ရှုမောစရာ ကောင်းလောက်အောင် ပျော်ရွှင်မြူးထူးဖြစ်ပြီးနောက် (မိုးရေရှားပါးမှုကြောင့် လယ်ယာကိုင်းကျွန်းများ) ခြောက်သွေ့ခန့်ခြောက်လာ၍ စိုက်ခင်းများလည်း အဝါရောင်သန်းလာပြီးနောက် ခြောက်သွေ့လျက် ကောက်ရိုးပုံ (အမှိုက်ပုံ) ဖြစ်လာသည်ကို မြင်တွေ့ရသော မယုံကြည်သူ (အမှန်တရားကို ဖီဆန်ငြင်းပယ်သူ) များနှင့်အလား သဏ္ဌန်တူ၏။ ထို့ပြင် (ထိုသို့သောပဂ္ဂိုလ်များသည်) နောင်တမလွန်ဘဝတွင်လည်း အလ္လဟ်အရှင်မြတ်၏လွတ်ငြိမ်းခွင့်ပေးတော်မူခြင်းနှင့်နှစ်သက်တော်မူခြင်းတို့မှ ကင်းဝေး၍ ပြင်းထန်သော ပြစ်ဒဏ်ကို ထာဝရ ခံစားရမည် ဖြစ်၏။ စင်စစ်သော်ကား လောကီဘဝသက်တမ်းသည် လောကီအကျိုးခံစားခွင့်များနှင့်ရပိုင်ခွင့်များကြောင့် (ခေတ္တခဏ ပျော်မြူးနိုင်ရန် ထာဝရသုခချမ်းသာကို လက်လွတ်စေလျက်) လှည့်စားခြင်းခံရခြင်းမှအပ အခြား မဟုတ်ပေ။ |
سَابِقُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ ذُو الْفَضْلِ الْعَظِيمِ (21)
(လောကီဘဝသက်တမ်း၌ လောကီစဉ်းစိမ်းချမ်းသာအတွက် အငမ်းမရ ပြိုင်ဆိုင်နေခြင်းအစား) သင်တို့အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်၏လွတ်ငြိမ်းချမ်းသာခွင့် ဘက်သို့လည်းကောင်း၊ အလ္လာဟ်အရှင်မြတ်နှင့်အရှင့်သတင်းတော်ဆောင်ရစူလ်တမန်တော်တို့အား သက်ဝင်ယုံကြည်ကြသောသူတို့အတွက် အသင့် ပြင်ဆင်ထားသော (အရွယ်အစားအားဖြင့်) မိုးကောင်းကင်နှင့်ကမ္ဘာဂြိုဟ်တို့၏ကျယ်ပြောမှုကဲ့သို့ ကြီးမားကျယ်ပြန့်သည့် သုခဥယျာဉ်ဘက်သို့လည်းကောင်း၊ သင်တို့အချင်းချင်း တစ်ဦးထက်တစ်ဦးသာနိုင်အောင် အပြိုင်အဆိုင် ပြေးလွှားကြလော့။ ထိုသို့ ဖြစ်စေတော်မူခြင်းမှာ အလ္လာဟ်အရှင်မြတ်သည် အရှင့်ဆန္ဒတော်၏စည်းမျဉ်းတော်နှင့်အညီ အလိုရှိတော်မူသောသူအား ချီးမြှင့်ပေးသနားတော်မူသည့် အလ္လာဟ်အရှင်မြတ်ကျေးဇူးတော်ပင်ဖြစ်၏။ ထို့ပြင် အလ္လာဟ်အရှင်မြတ်သည် အလွန်ကြီးကျယ်သောကျေးဇူးတော်နှင့်ဂုဏ်သိက္ခာ အလုံးစုံကို ပိုင်ဆိုင်တော်မူသောအရှင် ဖြစ်တော်မူ၏။ |
مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ (22)
ကမ္ဘာမြေ၌လည်းကောင်း၊ သင်တို့၏နဖ်စ် (ခေါ် မျိုးရိုးဗီဇထဲ၌ ထည့်ပေးတော်မူထားသော ဉာဉ်စဉ်စရိုက်၊ ပင်ကိုယ်အရည်အသွေး၊ စွမ်းရည်အစွမ်းအစနှင့်စိတ်ဆန္ဒများကို အရှင့်စည်းမျဉ်းတော်အညီဖြစ်စေ သို့မဟုတ် စိတ်အလိုဆန္ဒနှင့်အညီဖြစ်စေ၊ ရှာဖွေသုံးစွဲနိုင်ရန် အသုံးချနိုင်သော စိတ်ဝိဉာဉ်) များတွင်လည်းကောင်း၊ ဖြစ်ပျက်ရောက်ရှိသော အကျိုးယုတ်စေသည့် မည်သည့် အကုသိုလ်ဘေးဒုက္ခပင်ဖြစ်စေ၊ ယင်း (အကုသိုလ်ဘေးဒုက္ခ) ၏ဖြစ်ပျက်တည်ရှိမှုမစတင်မီကတည်းပင် မှတ်တမ်းစာအုပ်တွင် (ရေးသား၍ မှတ်တမ်းတင်တော်မူခြင်း) မှအပ (ဖြစ်ပျက်ရောက်ရှိလာလေ့မရှိချေ)။ ဧကန်ပင်၊ (အရာခပ်သိမ်းတို့၏အနာဂတ်ကို အကြွင်းမဲ့ သိနေတော်မူသော) အလ္လာဟ်အရှင်မြတ်အတွက် ထိုသို့ ကြိုတင်မှတ်တမ်းတင်ထားတော်မူခြင်းသည် အလွန်ပင် လွယ်ကူလှပေ၏။ |
لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (23)
(ထိုသို့ မှတ်တမ်းတင်ထားတော်မူခြင်းမှာ) သင်တို့သည် သင်တို့ထံမှ လက်လွတ်သွားသော အရာနှင့်စပ်လျဉ်း၍ ပူဆွေးခြင်းမရှိကြရန်လည်းကောင်း၊ ထိုအရှင်မြတ်က သင်တို့အား ချီးမြှင့်ပေးအပ်တော်မူထားသော အရာများပေါ် (အခြေခံ၍ ဝမ်းမြောက်လျက်) ပျော်ရွှင်မြူးထူးကာ မာန်မာနမထောင်လွှားကြရန်လည်းကောင်း၊ ဖြစ်၏။ အမှန်သော်ကား အလ္လာဟ်အရှင်မြတ်သည် ကိုယ့်ကိုယ်ကို အထင်ကြီး၍ ဘဝင်မြင့်သူ (ကြွားဝါသူ) ဟူသမျှကို နှစ်သက်တော်မမူချေ။ |
الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ ۗ وَمَن يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ (24)
(လူ့ဘောင်အသိုင်းအဝိုင်း၌) မိမိတို့ကိုယ်တိုင် စေးနှဲတွန့်တိုကြရုံသာမက လူသားအပေါင်းတို့ကိုလည်း စေးနှဲတွန့်တိုကြရန် အားပေးနှိုးဆော်တိုက်တွန်းကြသူများလည်း ရှိကြ၏ မည်သူမဆို (အရှင်မြတ်ချီးမြှင့်ပေးအပ်တော်မူထားသည့် ဥစ္စာဓနပိုင်ဆိုင်မှုများကို အရှင့်လမ်းစဉ်တော်နှင့်အညီ သုံးစွဲခြင်းမှ) မျက်နှာလွဲကျေားခိုင်းလျှင် (သူတို့နှလုံးသွင်းသင့်သည်မှာ) မုချဧကန်၊ အလ္လာဟ်အရှင်မြတ်သည်ပင် (သက်ရှိအားလုံးအသက်ရှင် ရပ်တည်နိုင် ရန်၊ လိုအပ်သမျှကိုဖြည့်ဆည်းပေးတော်မူပြီး) လိုလားတောင့်တခြင်း ကင်းမဲ့လျက် ကုံလုံပြည့်စုံတော်မူသော အရှင်၊ (ကျေးဇူးသိတတ်သူအားလုံးအတွက်) အကြိမ်ကြိမ်အဖန်ဖန် ကျေးဇူးတင်ချီးမွမ်းထိုက်တော်မူသော အရှင်မြတ်ပင် ဖြစ်တော်မူ၏။ |
لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ (25)
ဧကန်မလွဲ၊ ငါအရှင်မြတ်သည် ကွက်ကွက်ကွင်းကွင်း မြင်သာထင်ရှားသည့် သက်သေအထောက်အထား များပါဝင်သည့် ရှင်းလင်းချက်များနှင့်တကွ ငါအရှင်မြတ်၏အမှုတော်ဆောင်ရစူလ်တမန် စေလွှတ်တော်မူခဲ့၏။ ထို့ပြင် ငါအရှင်မြတ်သည် ထိုရစူလ်တမန်တော်များနှင့်အတူ လူသားတို့က (တရားတော်နှင့်အညီ) တရားမျှတမှု ပေါ်၌ရပ်တည်နိုင်ကြရန်အလို့ငှာ ကျမ်းတော်ကိုလည်းကောင်း၊ (လူမှုဆက်ဆံရေးတွင် တရားမျှတမှုကို ချိန်ညှိ ပေးနိုင်သည့်) တန်းတူညီမျှမှုကိုလည်းကောင်း ချမှတ်ပေးအပ်တော်မူ၏။ တစ်ဖန် ငါအရှင်မြတ်သည် (လူသားတို့ ၏ဖွံ့ဖြိုးတိုးတက်မှု၌ အထောက်အကူဖြစ်စေသော) ယင်း၌ ကြီးကျယ်ခိုင်မာသည့်အင်အားပေးစွမ်းသည့်အပြင် လူသားအတွက် အကျိုးကျေးဇူး များစွာရှိသည့် သံသတ္တုကိုလည်း ချီးမြှင့်ပေးအပ်တော်မူ၏။ (ထိုသို့ပေးအပ်တော်မူခြင်းမှာ) အလ္လာဟ်အရှင်မြတ်သည် သင်တို့အနက်မှ မည်သူက (အကွယ်၌ ရှိနေတော်မူသော အရှင်မြတ်ကို) မမြင်ဘဲပါလျက် (ယုံကြည်၍ အရှင့်အမိန့်တော်များကို နာခံခြင်းဖြင့်) ထိုအရှင်မြတ်နှင့်အရှင့်သတင်း တော်ဆောင်ရစူလ် တမန်တော်များအား ကူညီသည်ကို သိစေတော်မူရန်အလို့ငှာပင် ဖြစ်၏။ ဧကန်ပင်၊ အလ္လာဟ်အရှင်မြတ်သည် (စွမ်းအားတန်ခိုးအလုံးစုံကို ပိုင်ဆိုင်တော်မူသော) တန်ခိုးတော်ရှင်၊ (ဂုဏ်သိက္ခာ အလုံးစုံကို ပိုင်ဆိုင်တော်မူသော) ဘုန်းတော်ရှင် ဖြစ်တော်မူ၏။ |
وَلَقَدْ أَرْسَلْنَا نُوحًا وَإِبْرَاهِيمَ وَجَعَلْنَا فِي ذُرِّيَّتِهِمَا النُّبُوَّةَ وَالْكِتَابَ ۖ فَمِنْهُم مُّهْتَدٍ ۖ وَكَثِيرٌ مِّنْهُمْ فَاسِقُونَ (26)
ထို့ပြင် ငါအရှင်မြတ်သည် (တမန်တော်) နူဟ်အားလည်းကောင်း၊ (တမန်တော်) အီဗ်ရာဟီးမ်အားလည်းကောင်း၊ စေလွှတ်တော်မူပြီး သူတို့နှစဦးစလုံး၏သားစဉ်မြေးဆက်များ၌လည်း သတင်းတော်ဆောင်ဘွဲ့ (တမန်တော်ဖြစ်စေတော်မူခြင်း) နှင့်ကျမ်းတော်ကို စီမံခန့်ထား၍ ပေးအပ်တော်မူခဲ့ရာ (သူတို့ခေတ်များ၌ နေထိုင်ခဲ့ ကြသော) သူတို့အနက်မှ တရားလမ်းမှန် ညွှန်ပြခြင်းခံရသူများ ရှိကြ၏။ သို့ရာတွင် သူတို့အနက်မှ အများစုသည် (အရှင်မြတ်က ချမှတ်ပေးအပ်တော်မူသော စည်းဘောင်များကို ကျူးလွန်ချိုးဖောက်၍ သွေဖည်ယုတ်မာသူများပင် ဖြစ်ကြလေ၏။) |
ثُمَّ قَفَّيْنَا عَلَىٰ آثَارِهِم بِرُسُلِنَا وَقَفَّيْنَا بِعِيسَى ابْنِ مَرْيَمَ وَآتَيْنَاهُ الْإِنجِيلَ وَجَعَلْنَا فِي قُلُوبِ الَّذِينَ اتَّبَعُوهُ رَأْفَةً وَرَحْمَةً وَرَهْبَانِيَّةً ابْتَدَعُوهَا مَا كَتَبْنَاهَا عَلَيْهِمْ إِلَّا ابْتِغَاءَ رِضْوَانِ اللَّهِ فَمَا رَعَوْهَا حَقَّ رِعَايَتِهَا ۖ فَآتَيْنَا الَّذِينَ آمَنُوا مِنْهُمْ أَجْرَهُمْ ۖ وَكَثِيرٌ مِّنْهُمْ فَاسِقُونَ (27)
ထို့နောက် ငါအရှင်မြတ်သည် သူတို့ (တမန်တော်နူးဟ်နှင့်အီဗ်ရာဟီးမ်) ၏နောက်တွင် ရစူလ်တမန်တော်များအား အဆက်မပြတ် စေလွှတ်တော်မူခဲ့၍ ယခင်ရစူလ်တမန်တော်များ၏လမ်းစဉ်အတိုင်း ဖဝါးခြေ ထပ်ထက်ကြပ်မခွာ လိုက်နာကျင့်သုံးသော မရ်ယမ်၏သားအီစာအား စေလွှတ်တော်မူလျက် အီန်ဂျီးလ်ကျမ်း ချမှတ်ပေးအပ်တော်မူခဲ့၏။ ထို့ပြင် ငါအရှင်မြတ်သည် တမန်တော်အီစာ၏နောက်သို့ လိုက်ခဲ့ကြသောသူတို့၏စိတ်နှလုံးများတွင် နူးညံ့သိမ်မွေ့မှုကိုလည်းကောင်း၊ မေတ္တာကရုဏာတရားကို လည်းကောင်း၊ ထည့်သွင်းပေးတော်မူခဲ့၏။ သို့ရာတွင် (ငါအရှင်မြတ်သည် အရှင့်လမ်းစဉ်တော်အတိုင်း ဘဝဆောက်တည်၍) ငါအရှင်မြတ်၏ကျေနပ်နှစ်မြို့မှုကို ရှာဖွေခြင်းမှအပ (အခြားမည်သည်ကိုမျှ မပြဌာန်းထားသော်လည်း) သူတို့က သူတို့အပေါ် မဖြစ်မနေလုပ်ရမည့်တာဝန်အဖြစ် သတ်မှတ်ပြဌာန်း တော်မမူသောအရာဖြစ်သည့် ဘုန်းကြီးရဟန်းတို့၏နေ ထိုင်မှုစနစ်ကို (သူတို့ကိုယ်တိုင် ဘာသာရေးတုံး တမ်းစဉ်လာအဖြစ်) အသစ်တီထွင်ဖန်တီးခဲ့ကြရာ မဖြစ်မနေ လုပ်ရမည့်တာဝန်ဝတ္တရားများကို လိုအပ်ချက်နှင့်အညီ တိကျမှန်ကန်စွာ စောင့်ထိန်းလိုက်နာနိုင်ခြင်း မရှိကြချေ။ မည်သို့ပင်ဖြစ်စေ၊ ငါအရှင်မြတ်သည် သူတို့အနက်မှ သက်ဝင်ယုံကြည်ခဲ့ကြသောသူတို့အား သူတို့၏အကျိုးဆု လဒ်များကို ချီးမြှင့်ပေးအပ်တော်မူပြီး သူတို့အနက်မှ အများစုသည် (အရှင်မြတ်က ချမှတ်ပေးအပ်တော်မူသော စည်းဘောင်များကို ကျူးလွန်ချိုးဖောက်၍ သွေဖည်ယုတ်မာသူများပင် ဖြစ်ကြလေ၏။) |
يَا أَيُّهَا الَّذِينَ آمَنُوا اتَّقُوا اللَّهَ وَآمِنُوا بِرَسُولِهِ يُؤْتِكُمْ كِفْلَيْنِ مِن رَّحْمَتِهِ وَيَجْعَل لَّكُمْ نُورًا تَمْشُونَ بِهِ وَيَغْفِرْ لَكُمْ ۚ وَاللَّهُ غَفُورٌ رَّحِيمٌ (28)
အို၊ သက်ဝင်ယုံကြည်သူအပေါင်းတို့၊ သင်တို့သည် အလ္လာဟ်အရှင်မြတ်အား စိုးရွံ့ထိတ်လန့် (၍ အရှင့်စည်းမျဉ်းတော်များအား အရှင့်ကို သိစိတ်မြဲမြံစွာဖြင့် လိုက်နာကျင့်သုံး) ကြလော့။ ထို့ပြင် ထိုအရှင်မြတ်၏သတင်းတော်ဆောင် ရစူလ်တမန်တော်မြတ်အား ယုံကြည်ကြလော့။ ထိုအရှင်မြတ်သည် သင်တို့အား (တမန် တော်မုဟမ္မဒ်နှင့်တမန်တော်အားလုံးကို ယုံကြည်ခြင်း၏အကျိုးဆက်အဖြစ်) အရှင့်ကရုဏာတော်မှ နှစ်ဆချီးမြှင့် ပေးအပ်တော်မူမည့်အပြင်၊ သင်တို့အတွက် ယင်းဖြင့် ဘဝခရီး လျှောက်လှမ်းနိုင်သည့် အလင်းရောင် (ဉာဏ်အလင်း) ကိုလည်း စီမံဖြစ်စေတော်မူရုံသာမက သင်တို့အတွက် ခွင့်လွှတ်ချမ်းသာခွင့်လည်း ရှိစေတော်မူမည်။ စင်စစ်မူကား အလ္လာဟ်အရှင်မြတ်သည် (လူ့စွမ်းရည်မတိမ်ကောရလေအောင် စည်းမျဉ်းတော်များကို ချမှတ်ပေးတော်မူပြီး ယင်းတို့ကို မတော်တဆ ကျူးလွန် ချိုးဖောက်မိသူတို့အား) အလွန်ပင် လွှတ်ငြိမ်းချမ်းသာခွင့် ပေးတော်မူသောအရှင်၊ အားလုံးအပေါ် အစဉ် သနားညှာတာတော်မူသော အကြင်နာရှင် ဖြစ်တော်မူ၏။ |
لِّئَلَّا يَعْلَمَ أَهْلُ الْكِتَابِ أَلَّا يَقْدِرُونَ عَلَىٰ شَيْءٍ مِّن فَضْلِ اللَّهِ ۙ وَأَنَّ الْفَضْلَ بِيَدِ اللَّهِ يُؤْتِيهِ مَن يَشَاءُ ۚ وَاللَّهُ ذُو الْفَضْلِ الْعَظِيمِ (29)
(ယင်းသို့ ချီးမြှင့်ပေးအပ်တော်မူခြင်းသည်) ရှေးကျမ်းပုဂ္ဂိုလ်များအား သူတို့သည် အလ္လာဟ်အရှင်မြတ်၏ (ကျမ်းတော်၊ လမ်းညွှန်တော် စသော) ကျေးဇူးတော်များအနက်မှ မည်သည့်အရာ (အမိန့်စီရင်ချက်) ကိုမျှ စိုးစဉ်းမျှပင် (ပြင်ဆင်ပြောင်းလဲနိုင်သော) အခွင့်အာဏာ မရှိကြောင်းကိုလည်းကောင်း၊ ကျေးဇူးတော်အလုံးစုံသည် အလ္လာဟ်အရှင်မြတ်၏လက်တော်တွင်း (အချုပ်အခြာအာဏာ) ၌သာရှိတော်မူ၍ ထိုအရှင်မြတ်သည် ယင်းကို အရှင့်ဆန္ဒတော်၏စည်းမျဉ်းတော်နှင့်အညီ အလိုရှိတော်မူသောသူအား ချီးမြှင့်ပေးအပ်တော်မူကြောင်းကိုလည်းကောင်း၊ သိစေတော်မူရန်အတွက်သာ ဖြစ်၏။ အမှန်စင်စစ် အလ္လာဟ်အရှင်မြတ်သည် (လောကခပ်သိမ်းအား စွမ်းရည်များ၊ လိုအပ်ချက်များနှင့်ရပ်တည်စေသည့် နိယာမတရားများ ပေးအပ်တော်မူ၍) ကြီးကျယ်သော ကျေးဇူးတော်အလုံးစုံကို ပိုင်ဆိုင်တော်မူသောအရှင် ဖြစ်တော်မူ၏။ |
