Quran with Burmese translation - Surah Al-hadid ayat 25 - الحدِيد - Page - Juz 27
﴿لَقَدۡ أَرۡسَلۡنَا رُسُلَنَا بِٱلۡبَيِّنَٰتِ وَأَنزَلۡنَا مَعَهُمُ ٱلۡكِتَٰبَ وَٱلۡمِيزَانَ لِيَقُومَ ٱلنَّاسُ بِٱلۡقِسۡطِۖ وَأَنزَلۡنَا ٱلۡحَدِيدَ فِيهِ بَأۡسٞ شَدِيدٞ وَمَنَٰفِعُ لِلنَّاسِ وَلِيَعۡلَمَ ٱللَّهُ مَن يَنصُرُهُۥ وَرُسُلَهُۥ بِٱلۡغَيۡبِۚ إِنَّ ٱللَّهَ قَوِيٌّ عَزِيزٞ ﴾
[الحدِيد: 25]
﴿لقد أرسلنا رسلنا بالبينات وأنـزلنا معهم الكتاب والميزان ليقوم الناس بالقسط وأنـزلنا﴾ [الحدِيد: 25]
| Ba Sein ၂၅။ ငါသည် လွန်လေပြီးသောအချိန်ကာလဝယ် ငါ၏ တမန်တော်များကို ပေါ်လွင်ထင်ရှားသောနိမိတ်လက္ခဏာများ နှင့်တကွ စေလွှတ်တော်မူ၏၊ ထို့အပြင်လူသားတို့သည် ဖြောင့်မတ်မှန်ကန်ခြင်းအတွက် မားမားကြီးရပ်တည် နေစိမ့်သောငှာ သမ္မာတရားကျမ်းစာတော်နှင့် အမှားအမှန်ပိုင်းခြားသည့်ချိန်ခွင်တို့ကို တမန်တော်များနှင့်အတူ ချပေးသနားတော်မူ၏၊ ထို့အပြင်ငါသည် သံသတ္တုကိုလည်း ချပေးသနားတော်မူ၏၊ ထိုသံတွင် အလွန်ကြီးကျယ် ပြင်းထန်သော စစ်မက်ပြိုင်ဆိုင်တိုက်ခိုက်ရန် လက်နက်ကိရိယာများပြုလုပ်ဖို့ရာတို့ပါရှိ၏၊ ထို့အပြင် ၎င်းသတ္တု တွင် လူသားတို့အကျိုးကျေးဇူးခံစားစရာအများအပြားပါရှိ၏၊ အလ္လာဟ်အရှင်မြတ်သည် ထိုသတ္တုကျေးဇူးတော် ကို ချပေးသနားတော်မူခြင်းအကြောင်းမှာ အရှင်မြတ်နှင့် အရှင်မြတ်၏ တမန်တော်များကို အဘယ်သူသည် လူမသိမမြင်လျှို့ဝှက်စွာ ကူညီထောက်ပံ့သည်ကို စုံစမ်းဖို့ရာဖြစ်၏၊ အကယ်စင်စစ် အလ္လာဟ်အရှင်မြတ်သည် အတိုင်းထက်အလွန်ကြီးမားသောခွန်အားဗလတော်အရှင်၊ အနန္တတန်ခိုးတော်အရှင်ဖြစ်တော်မူ၏။ |
| Ghazi Mohammad Hashim ဧကန်မလွဲ ငါအရှင်မြတ်သည် မိမိ ရစူလ်တမန်တော်များအား ထင်ရှားစွာသော သက်သေ လက္ခဏာများနှင့်တကွ စေလွှတ်တော်မူခဲ့၏။ ထိုမှတစ်ပါး ငါအရှင်မြတ်သည် ထိုရစူလ်တမန်တော်များနှင့်အတူ လူတို့သည် တရားမျှတမှုပေါ်၌ ရပ်တည်ကြအံ့သောငှာ ကျမ်းဂန်ကိုလည်းကောင်း၊ တရားမျှတမှုကိုလည်းကောင်း ချပေးသနားတော်မူခဲ့၏။ထိုမှတစ်ပါး ငါအရှင်မြတ်သည် သံသတ္တုကို ချပေးတော်မူခဲ့၏။ယင်းသံသတ္တု၌ ကြီးကျယ်ပြင်းထန်လှသော စွမ်းအင်ရှိပေသည်။ လူသားတို့အဖို့ အကျိုးကျေးဇူးများလည်း ရှိသည်။ထိုမှတစ်ပါး မည်သူသည် မမြင်ဘဲလျက် အလ္လာဟ်အရှင်မြတ်အားလည်းကောင်း၊ ထိုအရှင်မြတ်၏ ရစူလ်တမန်တော်များအားလည်းကောင်း၊ ကူညီသည်ကို အလ္လာဟ်အရှင်မြတ်သည် သိတော်မူအံ့သောငှာ (ချပေးတော်မူခြင်းလည်းဖြစ်၏)။ မလွဲဧကန် အလ္လာဟ်အရှင်မြတ်မှာမူကား အလွန်တရာ အားအင် ပြည့်စုံသောအရှင်၊ အလွန်တရာ နိုင်နင်းလွှမ်းမိုးတော်မူသော အရှင်မြတ် ဖြစ်တော်မူပေသတည်း။ |
| Hashim Tin Myint အမှန်စင်စစ် ငါအရှင်မြတ်သည် ငါအရှင်မြတ်၏ တမန်တော်များကို ထင်ရှားသော သက်သေလက္ခဏာများနှင့်တကွ စေလွှတ်တော်မူခဲ့သည်။ ထို့ပြင် ငါအရှင်မြတ်သည် ထိုတမန်တော်များနှင့် အတူ တရားမျှတမှုအပေါ်တွင် လူများရပ်တည်ကြရန်အတွက် ကျမ်းဂန်နှင့် မျှတမှုကို ချပေးတော်မူခဲ့သည်။ ထို့ပြင် ငါအရှင်မြတ်သည် သံကိုလည်း ချပေးတော်မူခဲ့သည်။ ထိုသံတွင် ကြီးကျယ် ပြင်းထန်သော စွမ်းအင်ရှိသည်။ လူသားများအတွက် အကျိုးကျေးဇူးများလည်းရှိသည်။ ###၁၄ ထို့ပြင် မည်သူသည် မမြင်ဘဲလျက် အလ္လာဟ်အရှင်မြတ်နှင့် အရှင်မြတ်၏ တမန်တော်များကို ကူညီသည်ကို အလ္လာဟ်အရှင်မြတ်သိတော်မူရန်အတွက် (ချပေးတော်မူခြင်းလည်းဖြစ်သည်)။ အမှန်စင်စစ် အလ္လာဟ် အရှင်မြတ်သည် အလွန်အင်အားကြီးတော်မူသောအရှင်၊ တန်ခိုးတော်နှင့် အလွန်လွှမ်းမိုးတော်မူသောအရှင်ဖြစ်တော်မူသည်။ |