Quran with Burmese translation - Surah Al-Mujadilah ayat 4 - المُجَادلة - Page - Juz 28
﴿فَمَن لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ مِن قَبۡلِ أَن يَتَمَآسَّاۖ فَمَن لَّمۡ يَسۡتَطِعۡ فَإِطۡعَامُ سِتِّينَ مِسۡكِينٗاۚ ذَٰلِكَ لِتُؤۡمِنُواْ بِٱللَّهِ وَرَسُولِهِۦۚ وَتِلۡكَ حُدُودُ ٱللَّهِۗ وَلِلۡكَٰفِرِينَ عَذَابٌ أَلِيمٌ ﴾
[المُجَادلة: 4]
﴿فمن لم يجد فصيام شهرين متتابعين من قبل أن يتماسا فمن لم﴾ [المُجَادلة: 4]
| Ba Sein ၄။ ထို့အပြင် သင်သည် ထိုသူများအနက် တစ်ဦးဦးသည် ကျွန်ဝယ်လွှတ်ခြင်းကို မပြုစွမ်းနိုင်လျှင် ထိုသူသည် မိမိမိန်းမထံ မဝင်မီ ဥပုသ်သီလနှစ်လတိတိတစ်ခါတည်းဆောက်တည်ရမည်၊ သို့သော်ဥပုသ်လည်း မစောင့်သုံး နိုင်သော် ထိုသူသည် သူဆင်းရဲခြောက်ဆယ်အား ထမင်းတစ်နပ်ဝအောင် ကျွေးမွေးရမည်၊ ဤပညတ်တော် အတိုင်း ကျင့်ဆောင်ခြင်းဖြင့် အလ္လာဟ်အရှင်မြတ်နှင့် အရှင်မြတ်၏ တမန်တော်တို့အား ယုံကြည်ခြင်းကို ပြသကြလော့၊ ဤသည်တို့ကား အလ္လာဟ်အရှင်မြတ်ခွင့်ပြုချက်များဖြစ်၏၊ သို့သော်မယုံကြည်သူတို့အတွက် အတိုင်းမသိပြင်းထန်သောအပြစ်ဒဏ်တော်ရှိ၏။ |
| Ghazi Mohammad Hashim သို့ရာတွင် မည်သူမဆို (ကျွန်)မရခဲ့လျှင် ၎င်းတို့(ဇနီးမောင်နှံ)နှစ်ဦး ကိုယ်လက်နှီးနှောခြင်းမပြုကြမီ နှစ်လတိုင်တိုင် တစ်ဆက်တည်း "ဆွိယာမ်" ဥပုသ်သီလ ဆောက်တည်ရပေမည်။ သို့သော် မည်သူမဆို ("ဆွိယာမ်" ဥပုသ်သီလ ဆောက်တည်ခြင်းငှာ) မတတ်စွမ်းနိုင်လျှင် သူဆင်းရဲ ခြောက်ဆယ်အား (၎င်းတို့မောင်နှံနှစ်ဦး ကိုယ်လက်နှီးနှောခြင်းမပြုကြမီ ထမင်းနှစ်နပ်)ကျွေးမွေးရပေမည်။ ထို(အမိန့်ပညတ်ကို ပြဋ္ဌာန်းတော်မူခြင်း)ကား အသင်တို့သည် အလ္လာဟ်အရှင်မြတ်အား လည်းကောင်း၊ ထိုအရှင်မြတ်၏ရစူလ်တမန်တော်မြတ်အား လည်းကောင်း၊ သက်ဝင်ယုံကြည်ကြအံ့သောငှာ ဖြစ်ပေသည်။ စင်စစ်မှာမူကား ထိုသည်တို့မှာ အလ္လာဟ်အရှင်မြတ်၏ စည်းကမ်းချက်များပင်။ ၎င်းပြင် "ကာဖိရ်"သွေဖည် ငြင်းပယ်ကြကုန်သောသူတို့၌ နာကျင်ဖွယ်ဖြစ်သော ပြစ်ဒဏ်သည် ရှိပေအံ့သတည်း။ |
| Hashim Tin Myint ထို့နောက် မည်သူမဆို(ကျွန်ကို)မရခဲ့လျှင် သူတို့နှစ်ဦးကာမမဆက်ဆံမီအလျင် နှစ်လတိတိတစ်ဆက်တည်း စွိယာမ်ဥပုသ်စောင့်ထိန်းရမည်။ ထို့နောက် မည်သူမဆို ထိုအရာလည်း မတတ်စွမ်းနိုင်လျှင် ဆင်းရဲသား (၆၀)ကို ကျွေးမွေးရမည်။ ###၃ ဤသည်မှာ အသင်တို့သည် အလ္လာဟ်အရှင်မြတ်နှင့် အရှင်မြတ်၏ တမန်တော်ကို ယုံကြည် ရန်ဖြစ်သည်။ ထို့ပြင် ထိုအရာများသည် အလ္လာဟ်အရှင်မြတ်၏ သတ်မှတ်ထားသော စည်းကမ်းဥပဒေဘောင်များဖြစ်သည်။ ထို့ပြင် ကာဖိရ်ငြင်းပယ်သူများတွင် အလွန်နာကျင် စေသည့်ပြစ်ဒဏ်ရှိလိမ့်မည်။ |