Quran with Burmese translation - Surah Al-An‘am ayat 131 - الأنعَام - Page - Juz 8
﴿ذَٰلِكَ أَن لَّمۡ يَكُن رَّبُّكَ مُهۡلِكَ ٱلۡقُرَىٰ بِظُلۡمٖ وَأَهۡلُهَا غَٰفِلُونَ ﴾
[الأنعَام: 131]
﴿ذلك أن لم يكن ربك مهلك القرى بظلم وأهلها غافلون﴾ [الأنعَام: 131]
| Ba Sein ၁၃၁။ သင်၏ကျေးဇူးတော်သခင်သည် မြို့ရွာနယ်ပယ်တို့အတွင်း မှီတင်းနေထိုင်ကြသောသူတို့သည် မိမိတို့၏ပြစ်မှုများကိုမသိဘဲလျက် ထိုနယ်ပယ်များကို ဖျက်ဆီးတော်မမူပေ။ အသျှင်မြတ်သည် နိုင်ထက်စီးနင်းပြုတော်မမူပေ။ |
| Ghazi Mohammad Hashim ယင်းကဲ့သို့ ရစူလ်တမန်တော်များကို စေလွှတ်ခြင်း၏အကြောင်းမှာ အသင့်အား မွေးမြူတော် မူသောအရှင်မြတ်သည် မြို့ရွာတို့ကို ၎င်းမြို့ရွာများ၌နေထိုင်သောသူများသတိမမူ အမှတ်မဲ့ရှိနေခိုက် မတရားသဖြင့် (တစ်နည်း)မတရားမှုကြောင့် ဖျက်ဆီးလိုတော် မမူသောကြောင့်ပင်ဖြစ်ချေသတည်း။ |
| Hashim Tin Myint ထိုကဲ့သို့ (တမန်တော်များကို စေလွှတ်ခြင်း၏)အကြောင်းမှာ အသင့်အား ဖန်ဆင်းမွေးမြူတော်မူသောအရှင်မြတ်သည် မြို့ရွာများကို ထိုမြို့ရွာသားများသည် မေ့လျော့နေကြသူများဖြစ်လျက် မတရားကျူးလွန်မှု (ကုဖ်ရ် ငြင်းပယ်မှု)ကြောင့် မဖျက်ဆီးလိုသည့်အတွက်ပင် ဖြစ်သည်။ |