Quran with Burmese translation - Surah Al-An‘am ayat 130 - الأنعَام - Page - Juz 8
﴿يَٰمَعۡشَرَ ٱلۡجِنِّ وَٱلۡإِنسِ أَلَمۡ يَأۡتِكُمۡ رُسُلٞ مِّنكُمۡ يَقُصُّونَ عَلَيۡكُمۡ ءَايَٰتِي وَيُنذِرُونَكُمۡ لِقَآءَ يَوۡمِكُمۡ هَٰذَاۚ قَالُواْ شَهِدۡنَا عَلَىٰٓ أَنفُسِنَاۖ وَغَرَّتۡهُمُ ٱلۡحَيَوٰةُ ٱلدُّنۡيَا وَشَهِدُواْ عَلَىٰٓ أَنفُسِهِمۡ أَنَّهُمۡ كَانُواْ كَٰفِرِينَ ﴾
[الأنعَام: 130]
﴿يامعشر الجن والإنس ألم يأتكم رسل منكم يقصون عليكم آياتي وينذرونكم لقاء﴾ [الأنعَام: 130]
| Ba Sein ၁၃၀။ အို-ဂျင်နတ်သားနှင့် လူသားအပေါင်းတို့ သင်တို့ထံသို့ သင်တို့သားချင်းဖြစ်သော တမန်တော်များ မရောက်လာကြဘူးလော။ ထိုတမန်တော်များသည် ငါအသျှင်မြတ်၏ သက်သေသာဓကတော်များကို ရွတ်ဖတ်တင်ပြ၍ ဤနေ့တော်ကြီးတွင် စုဝေးရမည့်အကြောင်းကို ဟောကြား သတိမပေးဘူးလော။ သူတို့က အကျွနု်ပ်တို့သည် အကျွနု်ပ်တို့နှင့် ဆန့်ကျင်စွာ သက်သေခံကြပါ၏ဟု တင်လျှောက်ကြမည်။ ဤမျက်မှောက်ဘဝက သူတို့ကို လှည့်စား၏။ သူတို့သည် မယုံကြည်သူများဖြစ်ကြပါသည်ဟု သူတို့ အပေါ် သူတို့ သက်သေခံကြ၏။ |
| Ghazi Mohammad Hashim အို-ဂျင်(န်)နှင့်လူသတ္တဝါ အပေါင်းတို့၊ အသင်တို့ထံ အသင်တို့အနက်မှပင် ရစူလ်တမန်တော်များသည်ရောက်ရှိလာကြကာ အသင်တို့အား ငါအုရှင်မြတ်၏ အမိန့်တော်များကို ကြားနာစေခြင်းကိုလည်းကောင်း၊ အသင်တို့အားဤနေ့နှင့် ကြုံကြိုက်ကြရမည့်အကြောင်း သတိပေးနှိုးဆော်ခြင်းကိုလည်းကောင်း၊ ပြုလုပ်လေ့ရှိခဲ့ကြသည် ဟုတ်ပါလော။] (ထိုအခါ) ယင်း ဂျင်(န်)နှင့်လူသားတို့က ကျွန်တော်မျိုးတို့သည်မိမိတို့နှင့်ဆန့်ကျင်၍ပင် သက်သေခံကြပါပြီဟု လျှောက်ထားကြလတ္တံ့။ ၎င်းတို့အား ပစ္စုပ္ပန်မျက်မှောက်ဘဝ၏ အသက်ရှင်ခြင်းသည် လှည့်ဖြား၍ ထားရှိခဲ့လေသည်။ (သို့ဖြစ်ပေရာ၊၎င်းတို့သည် လောကီစည်းစိမ်တို့၌ နစ်မွန်း လျက်ရှိနေခဲ့ကြလေပြီ။) ၎င်းပြင် ထိုသူများသည် (ထိုရှင်ပြန်ထမည့်နေ့တွင်)မိမိတို့ကိုယ်နှင့်ဆန့်ကျင်၍ မိမိတို့ကာဖိရ်မယုံမကြည် သွေဖည်ငြင်းပယ်သောသူများပင်ဖြစ်ခဲ့ကြပါသည်ဟု သက်သေခံကြကုန်အံ့။ |
| Hashim Tin Myint အို- ဂျင်န်နှင့် လူသားအပေါင်းတို့၊ အသင်တို့ထံသို့ အသင်တို့ထဲမှပင် တမန်တော်များ*သည် ရောက်ရှိလာကြပြီး အသင်တို့အား ငါအရှင်မြတ်၏အမိန့်တော်များကို ပြောပြကြကာ အသင်တို့အား ဤနေ့နှင့် တွေ့ဆုံရမည့်အကြောင်း သတိပေးနှိုုးဆော်ခဲ့ကြသည် မဟုတ်လော။ ထိုဂျင်န်နှင့် လူသားများက ပြောဆိုကြမည်- “ကျွန်ုပ်တို့သည် ကျွန်ုပ်တို့နှင့်ဆန့်ကျင်၍ပင် သက်သေခံကြပြီ ဖြစ်ပါသည်“။ ထို့ပြင် သူတို့ကို လောကီဘဝ၏အသက်ရှင်မှုက လှည့်ဖြားထားခဲ့သည်။ ထို့ပြင် သူတို့သည် (ကိယာမသ်နေ့၌) သူတို့ကိုယ်များနှင့် ဆန့်ကျင်ပြီး အမှန်ပင် သူတို့သည် ကာဖိရ်ငြင်းပယ်သူများ ဖြစ်ခဲ့ကြပါသည်ဟု သက်သေခံကြလိမ့်မည်။ |