Quran with Burmese translation - Surah Al-An‘am ayat 44 - الأنعَام - Page - Juz 7
﴿فَلَمَّا نَسُواْ مَا ذُكِّرُواْ بِهِۦ فَتَحۡنَا عَلَيۡهِمۡ أَبۡوَٰبَ كُلِّ شَيۡءٍ حَتَّىٰٓ إِذَا فَرِحُواْ بِمَآ أُوتُوٓاْ أَخَذۡنَٰهُم بَغۡتَةٗ فَإِذَا هُم مُّبۡلِسُونَ ﴾
[الأنعَام: 44]
﴿فلما نسوا ما ذكروا به فتحنا عليهم أبواب كل شيء حتى إذا﴾ [الأنعَام: 44]
| Ba Sein ၄၄။ ထို့နောက် သူတို့သည် မိမိတို့အား ဆုံးမသွန်သင်သောတရားတော်ကို မေ့လျော့သွားသောအခါ ငါအသျှင်မြတ်သည် သူတို့အား လောကစည်းစိမ်အမျိုးမျိုး၏တံခါတးများကို ဖွင့်ပေး၏။ သူတို့သည် မိမိတို့အား ပေးသနားတော်မူသော စည်းစိမ်ဥစ္စာများတွင် ပျော်ရွှင်မြူးတူးနေစဉ် ငါသည် သူတို့ကို ရုတ်တရက် ရှောင်တခင် ဖမ်းဆီးတော်မူ၏။ ထိုအခါ သူတို့သည် အံ့အားသင့်နေကြ၏။ |
| Ghazi Mohammad Hashim ထို့နောက် ၎င်းတို့သည် မိမိတို့အား သတိပေးနှိုးဆော်ခြင်းခံကြရလေသော ကိစ္စများကို မေ့ပျောက်ထားခဲ့ကြ၏။ ထိုအခါ ငါအရှင်မြတ်သည် ၎င်းတို့ အပေါ်၌ ခပ်သိမ်းကုန်သော စည်းစိမ်တို့၏တံခါးများကို ဖွင့်လှစ်ပေးတော်မူလိုက်၏။နောက်ဆုံးတွင် ၎င်းတို့သည် မိမိတို့ရရှိကြကုန်သော စည်းစိမ်တို့နှင့်စပ်လျဉ်း၍ မော်ကြွား၍ လာကြပြန်သောအခါ ငါအရှင်မြတ်သည် ၎င်းတို့အား ရုတ်တရက်ဖမ်းဆီး (ပြစ်ဒဏ်ပေး)တော်မူလိုက်၏။ ထိုအခါ ၎င်းတို့သည် မျှော်လင့်ချက် ကုန်ဆုံး၍တွေဝေ မိန်းမောသွားကြလေသည်။ |
| Hashim Tin Myint ထို့နောက် သူတို့သည် သူတို့ကို သတိပေးနှိုးဆော်ခြင်းခံကြရသောအရာများကို မေ့ပျောက်ထားကြသောအခါ ငါအရှင်မြတ်သည် သူတို့အပေါ်တွင် (စည်းစိမ်၏)တံခါးများအားလုံးကို ဖွင့်ပေးလိုက်တော်မူခဲ့သည်။ နောက်ဆုံး၌ သူတို့သည် သူတို့ပေးခြင်းခံရသော (စည်းစိမ်၏)အရာများနှင့် ဂုဏ်ယူဝင်ကြွားကြသောအခါ ငါအရှင်မြတ်သည် သူတို့အား ရုတ်တရက် ဖမ်းဆီးလိုက်တော်မူသည်။ ထိုအခါ သူတို့သည် မျှော်လင့်ချက်ကင်းမဲ့ပြီး ကြေကွဲသွားကြတော့သည်။ |