Quran with Burmese translation - Surah At-Tahrim ayat 12 - التَّحرِيم - Page - Juz 28
﴿وَمَرۡيَمَ ٱبۡنَتَ عِمۡرَٰنَ ٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهِ مِن رُّوحِنَا وَصَدَّقَتۡ بِكَلِمَٰتِ رَبِّهَا وَكُتُبِهِۦ وَكَانَتۡ مِنَ ٱلۡقَٰنِتِينَ ﴾
[التَّحرِيم: 12]
﴿ومريم ابنة عمران التي أحصنت فرجها فنفخنا فيه من روحنا وصدقت بكلمات﴾ [التَّحرِيم: 12]
| Ba Sein ၁၂။ ထိုအပြင် အင်မရန်း၏ သမီး မရ်ယမ်ကို ဥပမာဆောင်တော်မူ၏၊ မရ်ယမ်သည် မိမိ၏ လက်ဖျားကိုမှ ယောကျာ်းတို့ မထိပါးရအောင် မိမိအိန္ဒြေကို စောင့်ရှောက်ထိန်းသိမ်းသည့် ကညာစစ် ကညာမြတ်တည်း၊ သူမ၏ သန့်စင်သော ကိုယ်တွင်းသို့ ငါသည် မိမိဝိညာဉ်တော်ကို မှုတ်သွင်းတော်မူ၏၊ သူမသည် မိမိ၏ အရှင်သခင်၏ နှုတ်ကပတ်တော်နှင့် ကျမ်းစာတော်များ၌ ယုံကြည်၏၊ အရှင်မြတ်အား ကျိုးနွံသူတို့ဘောင်တွင် ပါဝင်၏။ |
| Ghazi Mohammad Hashim ထိုနည်းတူစွာ (အလ္လာဟ်အရှင်မြတ်သည်) 'အီမ်ရာန်' ၏သမီး၊ အကြင် ‘မရ်ယမ်’ အား (ဥပမာအဖြစ် ခိုင်းနှိုင်း မိန့်ကြားတော်မူခဲ့၏၊) ထို ‘မရ်ယမ်’ သည် မိမိအသရေကို စောင့်စည်းထိန်းသိမ်းခဲ့လေရာ ငါအရှင်မြတ်သည် ၎င်း၏အင်္ကျီရင်ကွဲ(ရင်ဖုံး)ဝယ် မိမိအထံတော်မှ အသက်ဇီဝိန်ကို နှုတ်တော်မူခဲ့လေ၏။ ထို့ပြင် ထို ‘မရ်ယမ်’ သည် မိမိအား ဖန်ဆင်းမွေးမြူတော်မူသော အရှင်မြတ်၏ မိန့်ကြားချက်များကိုလည်းကောင်း၊ ထိုအရှင်မြတ်၏ ကျမ်းဂန်တရားတော်တို့ကိုလည်းကောင်း၊ ယုံကြည်ထောက်ခံခဲ့သည့်ပြင် အမှန်စင်စစ် ထို’မရ်ယမ်’မှာ အမိန့်တော်ကို နာခံကြ ကုန်သော သူတို့တွင် အပါအဝင်ဖြစ်ခဲ့ပေသတည်း။ |
| Hashim Tin Myint ထို့ပြင် အင်မ်ရာန်၏သမီး မရ်ယမ်ကို (ပမာခိုင်းနှိုင်းမိန့်ကြားတော်မူခဲ့သည်)၊ သူမသည် သူမ၏သိက္ခာကို စောင့်ထိန်းခဲ့သည့်အတွက် ငါအရှင်မြတ်သည် သူမထဲသို့ ငါအရှင်မြတ်ထံတော်မှ ဝိညာဉ်မှုတ်ထည့်တော်မူခဲ့သည်။ ထို့ပြင် သူမသည် သူမအား ဖန်ဆင်းမွေးမြူတော်မူသော အရှင်မြတ်၏ မိန့်ကြားချက်များနှင့် အရှင်မြတ်၏ ကျမ်းဂန်များကို ယုံကြည် ထောက်ခံခဲ့သည့်အပြင် သူမသည် အမိန့်တော်ကို နာခံသူများထဲတွင် အပါအဝင်ဖြစ်ခဲ့သည်။ ###၆ |