Quran with Burmese translation - Surah At-Taubah ayat 118 - التوبَة - Page - Juz 11
﴿وَعَلَى ٱلثَّلَٰثَةِ ٱلَّذِينَ خُلِّفُواْ حَتَّىٰٓ إِذَا ضَاقَتۡ عَلَيۡهِمُ ٱلۡأَرۡضُ بِمَا رَحُبَتۡ وَضَاقَتۡ عَلَيۡهِمۡ أَنفُسُهُمۡ وَظَنُّوٓاْ أَن لَّا مَلۡجَأَ مِنَ ٱللَّهِ إِلَّآ إِلَيۡهِ ثُمَّ تَابَ عَلَيۡهِمۡ لِيَتُوبُوٓاْۚ إِنَّ ٱللَّهَ هُوَ ٱلتَّوَّابُ ٱلرَّحِيمُ ﴾
[التوبَة: 118]
﴿وعلى الثلاثة الذين خلفوا حتى إذا ضاقت عليهم الأرض بما رحبت وضاقت﴾ [التوبَة: 118]
| Ba Sein ၁၁၈။ ထို့အပြင်နောင်တွင်ကျန်ရစ်သောသူသုံးယောက်ကိုလည်း အလ္လာဟ်အရှင်မြတ်သည် ကောင်းကြီးမင်္ဂလာဖြင့် ရှုစားတော်မူ၏။မဟာပထဝီမြေကြီးသည် ကျယ်ဝန်းသော်လည်း၊ ထိုသူတို့အတွက် ကျဉ်းကြပ်စေတော်မူ၏။ထို့နောက်သူတို့သည် အရှင်မြတ်ဘက်တော်သို့ သတိသံဝေဂနှင့် လှည့်တော်မူ၏။မှတ်သားကြလော့၊ အလ္လာဟ် အရှင်မြတ်သည် အပြစ်လွှတ်တော်မူ၏။ကောင်းကြီးမင်္ဂလာပေးသနားတော်မူ၏။ |
| Ghazi Mohammad Hashim ထိုအတူ(ထိုအရှင်မြတ်သည်)အကြင် (သာဝက)သုံးဦးတို့ အပေါ်၌လည်း (ကရုဏာတော် နှင့်လှည့်တော်မူခဲ့၏)ထိုသုံးဦးတို့သည် (မည်သို့မျှ အဆုံးအဖြတ်ကို မရရှိကြသေးဘဲ)ရွှေ့ဆိုင်းခြင်း ခံခဲ့ကြရလေရာ၊ နောက်ဆုံးတွင် ပထဝီမြေသည်ဤမျှကျယ်ဝန်းပါလျက်နှင့်ပင် ၎င်းတို့အပေါ်၌ ကျဉ်းကျပ်လာလေတော့၏။ ထို့ပြင် ၎င်းတို့အသက် ထင်ရှားရှိနေခြင်းသည်ပင် ၎င်းတို့အပေါ်၌ ကျပ်တည်းခဲယဉ်းလာခဲ့လေသည်။ ထိုမှတစ်ပါး ၎င်းတို့သည် အလ္လာဟ်အရှင်မြတ်(၏အမျက်တော်)မှလွတ်ကင်းရန် ထိုအရှင်မြတ်အထံတော်မှတစ်ပါး အခြားမည်သည့် ခိုကိုးရာဌာနမျှမရှိသည်ကို ယုံကြည်လာခဲ့ကြလေသည်။ထို့နောက် ထိုအရှင်မြတ်သည် ၎င်းတို့ (အနာဂတ်ကာလများတွင်လည်း ပြစ်မှု ကျူးလွန်မိတိုင်း အရှင်မြတ်အထံတော်သို့)ပြန်လှည့်နိုင်ကြ ခြင်းငှာ ၎င်းတို့ပေါ်၌ ကရုဏာတော်နှင့် လှည့်တော်မူခဲ့လေသည်။ ဧကန်အမှန် အလ္လာဟ်အရှင်မြတ်သည်ကရုဏာတော်နှင့်လှည့်တော်မူသောအရှင်၊ အလွန်တရာသနားကြင်နာ ညှာတာတော်မူသောအရှင်၊ ဖြစ်တော်မူပေသတည်း။ |
| Hashim Tin Myint ထို့ပြင် (အရှင်မြတ်သည်) အကြင်သူသုံးဦး*ဘက်သို့လည်း (သနားကရုဏာနှင့် လှည့်တော်မူပြီး သူတို့၏ဝန်ချတောင်းပန်မှုများကို လက်ခံတော်မူခဲ့သည်)။ ထိုသုံးဦးတို့သည် (အမိန့်ကျရောက်သည်အထိ) ရွှေ့ဆိုင်းမှု ခံခဲ့ကြရသည့်အတွက် နောက်ဆုံးတွင် ကမာ္ဘမြေသည် ဤမျှကျယ်ဝန်းပါလျက်နှင့်ပင် သူတို့အပေါ်တွင် ကျဉ်းမြောင်းလာခဲ့ပေသည်။ ထို့ပြင် သူတို့၏အသက်ရှင်နေရခြင်းသည်ပင် သူတို့အပေါ်၌ ကျပ်တည်းခဲယဉ်းလာခဲ့သည်။ ထို့နောက် သူတို့သည် အလ္လာဟ်အရှင်မြတ်(၏ အမျက်တော်)မှ လွတ်ကင်းရန် ထိုအရှင်မြတ်မှလွဲ၍ အခြား မည်သည့်ခိုကိုးရာမှ မရှိကြောင်းကို ယုံကြည်လာခဲ့ကြသည်။ ထို့နောက် အရှင်မြတ်သည် သူတို့(နောက်ထပ် အပြစ်ကျူးလွန်မိလျှင် အရှင်မြတ်ဘက်သို့)ပြန်လှည့် (အမှားဝန်ခံ)နိုင်ကြရန် သူတို့ဘက်သို့ သနားကရုဏာနှင့် ပြန်လှည့်တော်မူပြီး သူတို့၏ ဝန်ချတောင်းပန်မှုများကို လက်ခံတော်မူခဲ့သည်။ အမှန်စင်စစ် အလ္လာဟ်အရှင်မြတ်သည် အမှားဝန်ခံမှုကို အကြိမ်ကြိမ်လက်ခံခွင့်လွှတ်တော်မူသောအရှင်၊ အလွန်သနားကြင်နာတော်မူသောအရှင် ဖြစ်တော်မူသည်။ |