Quran with Burmese translation - Surah At-Taubah ayat 36 - التوبَة - Page - Juz 10
﴿إِنَّ عِدَّةَ ٱلشُّهُورِ عِندَ ٱللَّهِ ٱثۡنَا عَشَرَ شَهۡرٗا فِي كِتَٰبِ ٱللَّهِ يَوۡمَ خَلَقَ ٱلسَّمَٰوَٰتِ وَٱلۡأَرۡضَ مِنۡهَآ أَرۡبَعَةٌ حُرُمٞۚ ذَٰلِكَ ٱلدِّينُ ٱلۡقَيِّمُۚ فَلَا تَظۡلِمُواْ فِيهِنَّ أَنفُسَكُمۡۚ وَقَٰتِلُواْ ٱلۡمُشۡرِكِينَ كَآفَّةٗ كَمَا يُقَٰتِلُونَكُمۡ كَآفَّةٗۚ وَٱعۡلَمُوٓاْ أَنَّ ٱللَّهَ مَعَ ٱلۡمُتَّقِينَ ﴾
[التوبَة: 36]
﴿إن عدة الشهور عند الله اثنا عشر شهرا في كتاب الله يوم﴾ [التوبَة: 36]
| Ba Sein ၃၆။ မှတ်သားကြလော့။အလ္လာဟ်အရှင်မြတ်သည် မိုးကောင်းကင်နှင့် ကမ္ဘာမြေကြီးကို ဖန်ဆင်းတော်မူသောနေ့၌ တစ်နှစ်လျှင် ဆယ့်နှစ်လရှိသည်ဟု ပြဋ္ဌာန်းတော်မူ၏။ထိုလများအနက် လေးလသည် ထူးမြတ်လှ၏။ထိုအရာ သည် မှန်ကန်သောဘာသာအယူဝါဒဖြစ်၏။ထို့ကြောင့်ထိုလထူးလမြတ်တို့၌ သင်တို့သည် မိမိကိုယ်ကို မပြစ်မှား ကြလင့်၊ သင်တို့ကို မိစ္ဆာဒိဋ္ဌိတို့က စစ်တိုက်လျှင် သင်တို့လည်း သူတို့အားလုံးကို တုံ့ပြန်တိုက်ခိုက်ကြလော့၊ အလ္လာဟ်အရှင်မြတ်သည် မိမိ၏ အမှုတော်ကို ကျေပွန်သူတို့နှင့်အတူတကွရှိတော်မူသည်ကို မှတ်သားကြလော့။ |
| Ghazi Mohammad Hashim ဧကန်စင်စစ် လများ၏ အရေအတွက်သည်အလ္လာဟ်အရှင်မြတ်၏ အထံတော်တွင် အလ္လာဟ် အရှင်မြတ်၏ကျမ်းတော်၌ လာရှိသည့်အတိုင်း မိုးကောင်းကင်များနှင့်ပထဝီမြေကို ထိုအရှင်မြတ် ဖန်ဆင်းတော်မူသည့်နေ့မှစ၍ဆယ့်နှစ်လမျှသာ ဖြစ်ချေသည်။ ၎င်း(ဆယ့်နှစ်လ)အနက်မှလေးလသည် ထူးမြတ်သောလများပင် ဖြစ်ကြပေသည်။ ဤသည် ဖြောင့်မတ် မှန်ကန်သော ‘ဒီန်’ သာသနာတော်က(ညွှန်ကြားပြသသောလမ်းစဉ်)ပင်ဖြစ်လေသည်။ သို့ဖြစ်ပေရာအသင်တို့သည် ၎င်း (လများ)နှင့်စပ်လျဉ်း၍ မိမိတို့ကိုယ်ကိုနှိပ်စက်ကလူ မပြုကြကုန်လင့်။ ၎င်းပြင် အသင်တို့သည် ‘မွတ်ရှ်ရစ်က်’ အားလုံးတို့ကို ၎င်းတို့သည် အသင်တို့အားလုံးတို့အားတိုက်ခိုက်ကြသကဲ့သို့ပင် တိုက်ခိုက်ကြလေကုန်။ ထို့ပြင် ဧကန်စင်စစ် အလ္လာဟ်အရှင်မြတ်သည် သူတော်စင်အပေါင်းတို့နှင့်အတူ ရှိတော်မူကြောင်း အသင်တို့သည် ကောင်းစွာ မှတ်ယူကြလေကုန်။ |
| Hashim Tin Myint အမှန်စင်စစ် လများ၏ အရေအတွက်သည် အလ္လာဟ်အရှင်မြတ်ထံတော်တွင် အလ္လာဟ်အရှင်မြတ်၏ ကျမ်းတော်တွင် ပါရှိသည့်အတိုင်း မိုးကောင်းကင်များနှင့် မြေပထဝီကို အရှင်မြတ်ဖန်ဆင်းတော်မူသောနေ့မှစပြီး ဆယ့်နှစ်လပင်ဖြစ်သည်။ ထိုထဲမှ လေးလသည် ထွတ်မြတ်သောလများပင်*ဖြစ်သည်။ ဤသည် ဖြောင့်မတ်မှန်ကန်သော သာသနာတော်(၏ ညွှန်ကြားပြသချက်)ပင်ဖြစ်သည်။ သို့ဖြစ်ရာ အသင်တို့သည် ထိုလများ၌ အသင်တို့ကိုယ်ကိုအသင်တို့ ညှဉ်းပန်းနှိပ်စက်မှု မပြုကြနှင့်။ ၎င်းပြင် မုရှ်ရိက်များသည် အသင်တို့အားလုံးအား တိုက်ခိုက်ကြသကဲ့သို့ အသင်တို့သည်လည်း သူတို့အားလုံးအား တိုက်ခိုက်ကြပါ။* ထို့ပြင် အမှန်စင်စစ် အလ္လာဟ်အရှင်မြတ်သည် ကြောက်ရွံ့အပြစ်ရှောင် ကောင်းကျိုးဆောင်သူများနှင့်အတူ ရှိတော်မူသည်ကို အသင်တို့ (ကောင်းစွာ)သိမှတ်ထားကြပါ။ |