Quran with Burmese translation - Surah Ibrahim ayat 6 - إبراهِيم - Page - Juz 13
﴿وَإِذۡ قَالَ مُوسَىٰ لِقَوۡمِهِ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ أَنجَىٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ وَيُذَبِّحُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ ﴾
[إبراهِيم: 6]
﴿وإذ قال موسى لقومه اذكروا نعمة الله عليكم إذ أنجاكم من آل﴾ [إبراهِيم: 6]
| Ba Sein ၆။ တမန်တော်၊ သင်သည် တမန်တော်မူစာ မည်သို့တရားဟောကြောင်းကို ပြောလော့။ မူစာသည် မိမိအမျိုးသား တို့အား ဤသို့ဟောကြား၏။ ဟယ်-အချင်းတို့၊ ဖွာရောမင်း၏ လူတို့သည် သင်တို့ကို ရက်ရက်စက်စက်အလွန် ကြောက်မက်ဖွယ်နှိပ်စက်ညှင်းပန်းခြင်း၊ သင်တို့၏ သားယောက်ျားကို သတ်ဖြတ်ခြင်း၊ မိန်းမများကိုသာ အသက် နှင့်ချန်ထားခြင်းစသည့်ဘေးရန်မှ သင်တို့ကို အလ္လာဟ်အရှင်မြတ်သည် ကယ်နှုတ်တော်မူ၏။ ဤကယ်နှုတ်ခြင်း ကျေးဇူးတော်ကို သင်တို့သတိရကြလော့။ ထိုနှိပ်စက်ခြင်းမှာ သင်တို့၏ ကျေးဇူးတော်သခင်အထံတော်မှ ကြီးမားသောစမ်းသပ်ခြင်းတည်း။ |
| Ghazi Mohammad Hashim ၎င်းပြင် (ပြန်လည်၍သတိရကြလေကုန်)။ တစ်ရံရောအခါ (နဗီတမန်တော်) မူစာသည် မိမိအမျိုးသားတို့အား(ဤသို့)ပြောကြားခဲ့လေသည်။ (အချင်းတို့)အသင်တို့သည် မိမိတို့အပေါ်၌ အလ္လာဟ်အရှင်မြတ်၏ ကျေးဇူးတော်ကို သတိရကြလေကုန်။ အကြင်အခါဝယ် ထိုအရှင်မြတ်သည် အသင်တို့အားဖိရ်အောင်(န်)၏ အခြွေအရံတို့၏ (ဘေးအန္တရာယ်များ)မှကယ်ဆယ်တော် မူခဲ့လေသည်။ ယင်း ဖိရ်အောင်(န်)၏ အခြွေအရံတို့သည် အသင်တို့၌ ပြင်းထန်လှစွာသော ဘေးအန္တရာယ်များကို သက်ရောက်စေလျက်ရှိခဲ့ကြကုန်၏။ ထို့ပြင် ၎င်းတို့သည်အသင်တို့၏ သားယောက်ျားကလေးများကိုသတ်ဖြတ်၍၊အသင်တို့၏ (သမီး) မိန်းကလေးများကိုမူကား အသက်နှင့် ထားလေ့ရှိခဲ့ကြကုန်၏။ အမှန်သော်ကား ထိုတွင် အသင်တို့အား ဖန်ဆင်းမွေးမြူတော်မူသော အရှင်မြတ်အထံတော်မှ ကြီးကျယ်လှစွာသောစမ်းသပ်မှုသည် ရှိခဲ့ချေသတည်း။ |
| Hashim Tin Myint ထို့ပြင် တစ်ခါက (တမန်တော်)မူစာသည် သူ၏အမျိုးသားများကို ပြောခဲ့သည်- အသင်တို့သည် အသင်တို့အပေါ်၌ရှိသော အလ္လာဟ်အရှင်မြတ်၏ကျေးဇူးတော်များကို သတိရကြပါ။ တစ်ခါက အရှင်မြတ်သည် အသင်တို့အား ဖိရ်အောင်န်၏မျိုးနွယ်များထံမှ ကယ်တင်တော်မူခဲ့သည်။ သူတို့သည် အသင်တို့အား မကောင်းသောဘေးဒုက္ခများ သက်ရောက်စေခဲ့သည်။ ၎င်းနောက် သူတို့သည် အသင်တို့၏ သားယောက်ျားလေးများအား သတ်ဖြတ်ကြပြီး အသင်တို့၏(သမီး)မိန်းမများကိုမူ မသတ်ဘဲ အရှင်ထားကြသည်။ ၎င်းနောက် ဤကိစ္စတွင် အသင်တို့အား ဖန်ဆင်းမွေးမြူတော်မူသော အရှင်မြတ်ထံတော်မှ ကြီးကျယ်သော စမ်းသပ်မှုရှိသည်။ |