Quran with Burmese translation - Surah Al-Kahf ayat 82 - الكَهف - Page - Juz 16
﴿وَأَمَّا ٱلۡجِدَارُ فَكَانَ لِغُلَٰمَيۡنِ يَتِيمَيۡنِ فِي ٱلۡمَدِينَةِ وَكَانَ تَحۡتَهُۥ كَنزٞ لَّهُمَا وَكَانَ أَبُوهُمَا صَٰلِحٗا فَأَرَادَ رَبُّكَ أَن يَبۡلُغَآ أَشُدَّهُمَا وَيَسۡتَخۡرِجَا كَنزَهُمَا رَحۡمَةٗ مِّن رَّبِّكَۚ وَمَا فَعَلۡتُهُۥ عَنۡ أَمۡرِيۚ ذَٰلِكَ تَأۡوِيلُ مَا لَمۡ تَسۡطِع عَّلَيۡهِ صَبۡرٗا ﴾
[الكَهف: 82]
﴿وأما الجدار فكان لغلامين يتيمين في المدينة وكان تحته كنـز لهما وكان﴾ [الكَهف: 82]
| Ba Sein ၈၂။ အုတ်တံတိုင်းအကြောင်း၊ ၎င်းတံတိုင်းသည် မြို့တွင်းရှိ မိဘမရှိသောသူငယ်နှစ်ယောက်၏ ပစ္စည်းဖြစ်၏။ ထိုတံတိုင်းအောက်တွင် ရွှေငွေရတနာမြှုပ်ထား၏။ ထိုရတနာမှာ သူတို့၏ ပစ္စည်းဖြစ်၏။ သူတို့၏ ဖခင်မှာ သူတော်ကောင်းဖြစ်၏။ ထို့ကြောင့်သင့်ကို ဖန်ဆင်းမွေးမြူတော်မူထသောကျေးဇူးတော်သခင်သည် သူတို့ကြီးပြင်း ၍ အရွယ်ရောက်ခြင်းကို လိုလားတော်မူ၏။ သူတို့သည် ထိုရွှေငွေရတနာကို သူတို့၏ ကျေးဇူးတော်သခင် ထံတော်မှ ကောင်းကြီးမင်္ဂလာတော်တပါးအဖြစ်ဖြင့် တူးဖော်သိမ်းယူခြင်းကိုလည်း လိုလားတော်မူ၏။ အကျွနု်ပ် သည် ဤအလုပ်များကို မိမိစိတ်အလိုအလျောက်လုပ်သည်မဟုတ်။ သင်စိတ်ရှည်စွာစောင့်၍ မကြည့်နိုင်သော အဖြစ်အပျက်များ၏ အကြောင်းများသည် ယင်းသို့တည်းဟု ပြောပြ၏။ |
| Ghazi Mohammad Hashim ထို့ပြင် ယင်းတံတိုင်းကား ထိုမြို့မှ မိဘမဲ့သူငယ်နှစ်ဦးတို့၏တံတိုင်းပင်ဖြစ်ခဲ့ပေသည်။ ၎င်းပြင် ယင်းတံတိုင်း၏အောက်တွင် ထိုသူငယ်နှစ်ဦးအဖို့ စုဆောင်းထားသော ဘဏ္ဍာပစ္စည်းသည် ရှိနေပေသည်။ ထိုမှတစ်ပါး ထိုသူငယ်နှစ်ဦး၏ဖခင်မှာလည်း သူမွန်သူမြတ်တစ်ပါးပင် ဖြစ်ခဲ့ပေရာ အသင့်အား ဖန်ဆင်းမွေးမြူတော်မူသော အရှင်မြတ်သည် ၎င်းတို့နှစ်ဦး မိမိတို့ လူလားမြောက်သောအရွယ်သို့ ရောက်ကြသော အခါအသင်အား ဖန်ဆင်းမွေးမြူတော်မူသောအရှင်မြတ်၏ ကရုဏာတော်အားဖြင့် မိမိတို့၏ဘဏ္ဍာပစ္စည်းကို ဖော်ထုတ်ယူကြရန် ရည်ရွယ်တော်မူခဲ့ပေသည်။ စင်စစ် ကျွန်ုပ်သည် ဤကိစ္စကိုမိမိသဘောနှင့်ပြုလုပ်ခဲ့သည် မဟုတ်ပေ။ ဤသည် အသင်သည်းခံ၍ မနေနိုင်ခဲ့သောကိစ္စ၏ အဖြစ်မှန်ပင်ဖြစ် ပေသည်တကား။ |
| Hashim Tin Myint ထို့ပြင် ထိုတံတိုင်းကမူ (ဤ)ရွာရှိ မိဘမဲ့ကလေးနှစ်ဦး၏တံတိုင်းပင်ဖြစ်ခဲ့သည်။ ထို့ပြင် ထိုတံတိုင်း၏အောက်တွင် ထိုကလေးနှစ်ဦးအတွက် စုဆောင်းထားသော ဘဏ္ဍာပစ္စည်းများရှိနေသည်။ ထို့ပြင် ထိုကလေးနှစ်ဦး၏ဖခင်သည်လည်း ကောင်းမြတ်သည့်သူတစ်ဦးဖြစ်ခဲ့သည်။ သို့ဖြစ်ရာ အသင့်အား ဖန်ဆင်းမွေးမြူတော်မူသောအရှင်မြတ်သည် သူတို့နှစ်ဦး သူတို့၏လူလားမြောက်သော အရွယ်ရောက်သည့်အခါတွင် အသင့်အား ဖန်ဆင်းမွေးမြူတော်မူသောအရှင်မြတ်၏ ကရုဏာတော်နှင့် သူတို့၏ ဘဏ္ဍာပစ္စည်းများကို ဖော်ထုတ်ကြရန် ရည်ရွယ်တော်မူခဲ့သည်။ ထို့ပြင် ကျွန်ုပ်သည် ဤကိစ္စကို ကျွန်ုပ်သဘောနှင့် ပြုလုပ်ခဲ့သည်မဟုတ်ပေ။ ဤသည် အသင်သည်းခံပြီး မနေနိုင်ခဲ့သော ကိစ္စ၏အဖြစ်မှန်ပင်။ |