Quran with Burmese translation - Surah Al-Baqarah ayat 197 - البَقَرَة - Page - Juz 2
﴿ٱلۡحَجُّ أَشۡهُرٞ مَّعۡلُومَٰتٞۚ فَمَن فَرَضَ فِيهِنَّ ٱلۡحَجَّ فَلَا رَفَثَ وَلَا فُسُوقَ وَلَا جِدَالَ فِي ٱلۡحَجِّۗ وَمَا تَفۡعَلُواْ مِنۡ خَيۡرٖ يَعۡلَمۡهُ ٱللَّهُۗ وَتَزَوَّدُواْ فَإِنَّ خَيۡرَ ٱلزَّادِ ٱلتَّقۡوَىٰۖ وَٱتَّقُونِ يَٰٓأُوْلِي ٱلۡأَلۡبَٰبِ ﴾
[البَقَرَة: 197]
﴿الحج أشهر معلومات فمن فرض فيهن الحج فلا رفث ولا فسوق ولا﴾ [البَقَرَة: 197]
| Ba Sein ၁၉၇။ ဟာဂျ်ခေါ် မက္ကာဝတ်ပြုသွားခြင်း ပြရသောလများကို လူအများအသိပင်ဖြစ်၏။ အကြင်သူသည် ထိုလများအတွင်း မက္ကာကျောင်းတော်သို့ ဟာဂျ်ဝတ်ပြုရန် အကြံပေါက်၏။ ထိုသူသည် ဟာဂျ် ဝတ်ပြုနေစဉ် ကာမမှု၊ ဆဲဆိုတိုင်းထွာမှု၊ ဒေါသစကားဆိုမှုများကို မကျူးလွန်ရသည်ကို ကောင်းစွာ သတိမူလော့။ သင်တို့ ပြုလုပ်သော ကောင်းမှုဟူသမျှကို အလ္လာဟ်အရှင်မြတ်သည် သိတော်မူ၏။ ထို့ကြောင့် သင်တို့သည် ခရီးအတွက်လိုအပ်သည့်အလုံးစုံကို စုဆောင်းစီမံထားကြလော့။ သို့သော် အကောင်းဆုံးသော စီမံချက်မှာ ဒုစရိုက်အညစ်အကြေးကို ကြဉ်ရှောင်ခြင်းဖြစ်၏။ ထို့ကြောင့် အို - ပညာရှိတို့ သင်တို့သည် ငါအရှင်မြတ်၏အမှုတော်ကို ကြေကုန်အောင် ထမ်းဆောင်ကြလော့။ |
| Ghazi Mohammad Hashim ဟဂျ်ပြုလုပ်ရန်လများကား (အများ) သိရှိပြီး ဖြစ်သော လများပင်ဖြစ်ချေသည်။ သို့ဖြစ်လေရာ အကြင်သူ သည် ထိုလများ၌ ဟဂျ်ပြုလုပ်ရန်စိတ် ပြဋ္ဌာန်းခဲ့ပါလျှင် ထိုသူ သည် ဟဂျ်အတွင်းတွင် (အိဟ်ရာမ် ဝတ်ရုံထားသည် အခါ၌ မေထုန်သံဝါသ ပြုလုပ်ရန်ဝေးစွ) ကာမဂုဏ်နှင့် သက်ဆိုင် သည့် ညစ်ညမ်းသော စကားကိုပင် အလျင်းမသုံးရ၊ မည် သည့် ဆိုးသွမ်းမှုကိုလည်း အလျင်းမပြုရ။ မည်သည့် ငြင်းခုံ ခိုက်ရန် ပွါးမှုကိုလည်း အလျင်းမပြုရ။ အမှန်သော်ကား အလ္လာဟ် အရှင်မြတ်သည် အသင်တို့ ပြုလုပ်ကြကုန်သော မည်သည့် ကောင်းမှုကိုမဆို သိရှိတော်မူလေသည်။ ထိုမှတပါး အသင်တို့ သည်(ဟဂျ်ပြုလုပ်ရန်)ခရီးထွက်ရာ၌)စားနပ်ရိက္ခာ (ခရီးစရိတ်) စသည် များကို (လုံလောက်စွာ) ဆောင်ယူကြ ကုန်လော့။ အမှန်စင်စစ် အမွန်မြတ်ဆုံးသောစားနပ်ရိက္ခာ (ခရီးစရိတ်)မှာ (ဒုစရိုက်မှုတို့မှလည်းကောင်း၊ အကြောင်းမဲ့ လက်ဖြန့်တောင်း ရမ်းစားသုံးခြင်းမှလည်းကောင်း) ကြဉ်ရှောင် ခြင်းပင်တည်း။ သို့အတွက်ကြောင့် အို-ဆင်ခြင်တုံ တရားနှင့်ပြည့်စုံသော နိသမ္မဉာဏ်ရှင်အပေါင်းတို့ အသင်တို့သည် ငါအရှင်မြတ်ကို ကြောက်ရွံ့ရိုသေ ခန့်ညားကြကုန်လော့။ |
| Hashim Tin Myint ဟဂျ်(၏အချိန်)သည် သတ်မှတ်သိရှိပြီးဖြစ်သည့်လများပင်ဖြစ်သည်။* သို့ဖြစ်ရာ အကြင်သူသည် ထိုလများ၌ ဟဂျ်ပြုလုပ်ရန် သတ်မှတ်ခဲ့လျှင် ထိုသူသည် ဟဂျ်(ပြုလုပ်ရန် အိဟ်ရာမ်ရုံထားစဉ်)အတွင်း၌ ကာမ(ဆက်ဆံမှုမပြုရ သည့်အပြင် ၎င်းနှင့်ဆိုင်သည့်) ညစ်ညမ်းသောစကားကိုပင် မပြောရပေ၊ အပြစ်ကျူးလွန်မှုလည်း မပြုလုပ်ရပေ၊ ခိုက်ရန်ဖြစ်ပွားမှုကိုလည်း မပြုရပေ။ ထို့ပြင် အသင်တို့ပြုလုပ်ကြသည့် မည်သည့်ကောင်းမှုကိုမဆို အလ္လာဟ်အရှင်မြတ်သိရှိတော်မူသည်။ ထို့ပြင် အသင်တို့သည် ခရီးစရိတ် ယူဆောင်သွားကြပါ၊ ထို့ပြင် အမှန်စင်စစ် အကောင်းဆုံးခရီးစရိတ်သည် သက္ကဝါရှောင်ကြဉ်ခြင်းပင်ဖြစ်သည်။* သို့ဖြစ်ရာ အို-ဉာဏ်ရှိသူအပေါင်းတို့၊ အသင်တို့သည် ငါအရှင်မြတ်အား (မနာခံခြင်းကနေ) ကြောက်ရွံ့ကြပါ။ |