Quran with Burmese translation - Surah Al-Baqarah ayat 30 - البَقَرَة - Page - Juz 1
﴿وَإِذۡ قَالَ رَبُّكَ لِلۡمَلَٰٓئِكَةِ إِنِّي جَاعِلٞ فِي ٱلۡأَرۡضِ خَلِيفَةٗۖ قَالُوٓاْ أَتَجۡعَلُ فِيهَا مَن يُفۡسِدُ فِيهَا وَيَسۡفِكُ ٱلدِّمَآءَ وَنَحۡنُ نُسَبِّحُ بِحَمۡدِكَ وَنُقَدِّسُ لَكَۖ قَالَ إِنِّيٓ أَعۡلَمُ مَا لَا تَعۡلَمُونَ ﴾
[البَقَرَة: 30]
﴿وإذ قال ربك للملائكة إني جاعل في الأرض خليفة قالوا أتجعل فيها﴾ [البَقَرَة: 30]
| Ba Sein ၃ဝ။ သင်၏ အရှင်သခင်သည် ကောင်းကင်တမန်တော်တို့အား အေ - ကောင်းကင်တမန်တော်တို့ ငါအရှင်သည် ကမ္ဘာမြေကြီးပေါ်တွင် ငါ၏ ကိုယ်စားလှယ်တော်တစ်ပါးကို ဖန်ဆင်းတော်မူမည်ဟု ဗျာဒိတ်ပေးတော်မူသောအခါ သူတို့က အို - အရှင် အရှင်သည် မြေပေါ်ဝယ် ဘေးဥပါဒ်ပြု၍ သွေးမြေကျအောင်ကျင့်မည့်သူကို ဖန်ဆင်းတော်မူပါမည်လော။ အကျွန်ုပ်တို့မူကား အရှင်၏ ဂုဏ်ကျေးဇူးတော်နှင့်သန့်ရှင်းစုံလင်သော နာမတော်ကို ချီးကျူးတသနေကြ၏။ လျှောက်ကြ၏။ အရှင်မြတ်က ငါသည် သင်တို့မသိသည်ကို အမှန်သိတော်မူ၏ဟု မိန့်တော်မူ၏။ |
| Ghazi Mohammad Hashim (အို-နဗီတမန်တော်၊ အသင်သည် ပြန်လည်စဉ်းစား သတိရလော့) တရံရောအခါ အသင့်အား မွေးမြူတော်မူသော အရှင်က (မိမိ၏) အပါးတော် စေတမန်များအား ဧကန်အမှန် ငါအရှင်သည် ကမ္ဘာပေါ်ဝယ် (ငါ၏အမိန့်အာဏာ၏တော်များကို ထုတ်ပြန်ကျေညာရန်အလို့ငှာ လူတို့၏ဖခင်) အာဒမ်(အ) အား (ငါ၏) ကိုယ်စားလှယ်တော်အဖြစ် မြှောက် စားခန့်အပ်တော်မူမည်ဟု မိန့်ကြား တော်မူသည်။ထိုအခါ အပါးတော် စေတမန်များက(ဤသို့) လျှောက် တင်ပန်ကြားကြကုန်၏။ (အို-အရှင်) ကမ္ဘာ မြေပြင်၌ ပျက်စီးရာပျက်စီးကြောင်း ပြုလုပ်၍ အချင်း ချင်းသတ်ဖြတ်ပြီး သွေးထွက်သံယို ပြုလုပ်ကြမည့်သူများကို ကိုယ်တော်အရှင်သည်(ဖန်ဆင်းတော်မူ၍ မိမိ၏ကိုယ်စားလှယ်တော်အဖြစ်) မြှောက်စား ခန့်အပ်တော် မူပါမည်လော၊ အမှန်စင်စစ် ကိုယ်တော်အရှင်သည် ချို့တဲ့ခြင်းအပေါင်းတို့မှ လုံးဝ သန့်ပြန့်စင်ကြယ်တော်မူကြောင်းကို ကျွန်တော်မျိုးတို့သာလျှင် အမြဲအောင်းမေ့ တသကြပါ၏။ ကိုယ်တော်အရှင်မြတ်၏ ဂုဏ်တော်များကို ချီးမွမ်းထောမနာပြု၍ အစဉ်အမြဲ ဘာဝနာစီးဖြန်းကြပါ၏။ထိုအခါ အလ္လာဟ်အရှင်မြတ်က(အပါးတော် စေတမန် အပေါင်းတို့) အသင်တို့ မသိနားမလည်သော အကြောင်းအချက်များကို ငါအရှင်သာလျှင် မုချသိတော်မူသည်။ ဟုပြန်လည် ဖြေကြားတော် မူလေသည်။ |
| Hashim Tin Myint ထို့ပြင် တစ်ခါက အသင်(တမန်တော်)အား ဖန်ဆင်းမွေးမြူသောအရှင်သည် ကောင်းကင်တမန်များအား အမှန်စင်စစ် ငါအရှင်သည် ကမာ္ဘမြေပေါ်၌(လူသားများ၏ဖခင် အာဒမ်(အလိုင်ဟိ)ကို) ကိုယ်စားလှယ်တစ်ဦး(အဖြစ်) ခန့်အပ်တော်မူမည်ဟု အမိန့်ရှိတော်မူသောအခါ ကောင်းကင်တမန်များသည် (ယခုကဲ့သို့)လျှောက်ထားကြသည်။ (အို-အရှင်) အရှင်မြတ်သည် ချို့တဲ့ခြင်းဟူသမျှမှ သန့်ပြန့်စင်ကြယ်တော်မူကြောင်း ချီးမွမ်းမှုနှင့်တကွ မြင့်မြတ်မှုသည် အရှင်မြတ်အတွက်ဖြစ်တော်မူကြောင်း ကျွန်ုပ်တို့ပြောဆိုတသနေကြပါလျက် ကမာ္ဘမြေတွင် ပျက်စီးရာပျက်စီးကြောင်းပြုလုပ်၍ (အချင်းသတ်ဖြတ်ပြီး) သွေးထွက်သံယိုပြုလုပ်ကြမည့်သူများကို ကိုယ်စားလှယ်ခန့်တော်မူပါမည်လော။ (ထိုအခါ) အရှင်မြတ်သည် အသင်တို့မသိသည့်အရာများကို အမှန်မုချ ငါအရှင်မြတ် သိရှိတော်မူသည်ဟု ပြောဆိုမိန့်ကြားတော်မူခဲ့သည်။ |