Quran with Burmese translation - Surah Al-hajj ayat 18 - الحج - Page - Juz 17
﴿أَلَمۡ تَرَ أَنَّ ٱللَّهَ يَسۡجُدُۤ لَهُۥۤ مَن فِي ٱلسَّمَٰوَٰتِ وَمَن فِي ٱلۡأَرۡضِ وَٱلشَّمۡسُ وَٱلۡقَمَرُ وَٱلنُّجُومُ وَٱلۡجِبَالُ وَٱلشَّجَرُ وَٱلدَّوَآبُّ وَكَثِيرٞ مِّنَ ٱلنَّاسِۖ وَكَثِيرٌ حَقَّ عَلَيۡهِ ٱلۡعَذَابُۗ وَمَن يُهِنِ ٱللَّهُ فَمَا لَهُۥ مِن مُّكۡرِمٍۚ إِنَّ ٱللَّهَ يَفۡعَلُ مَا يَشَآءُ۩ ﴾
[الحج: 18]
﴿ألم تر أن الله يسجد له من في السموات ومن في الأرض﴾ [الحج: 18]
| Ba Sein ၁၈။ အို--တမန်တော်၊ ကမ္ဘာမြေပြင်နှင့် မိုးကောင်းကင်တွင် ရှိရှိသမျှကို နေ၊ လ၊ နက္ခတာရာတို့၊ တောင်များ၊ သစ်ပင်များ၊ တိရိစ္ဆာန်များ အရေအတွက်များလှစွာသောလူသားတို့အလုံးစုံတို့သည် အလ္လာဟ်အရှင်မြတ်အား ပျဝပ်ကိုးကွယ်ကြသည်ကို သင်မြင်သည်မဟုတ်လော၊ ကျန်များလှစွာသောလူသားတို့သည်လည်း အပြစ်ဒဏ် အမှန်အကန်သင့်ကြ၏၊ အကြင်သူအား အလ္လာဟ်အရှင်မြတ်ရှုံ့ချတော်မူအ့ံ၊ ထိုသူအား ဂုဏ်ပြုမည့်တစ်စုံ တစ်ယောက်မျှမရှိချေ၊ မှတ်သားကြလော့၊ အလ္လာဟ်အရှင်မြတ်သည် အလိုတော်ရှိရာကို စီရင်တော်မူ၏။ |
| Ghazi Mohammad Hashim ဧကန်မလွဲ မိုးကောင်းကင်များ၌ ရှိသူတို့သည်လည်းကောင်း၊ ပထဝီမြေ၌ရှိသူတို့သည်လည်းကောင်း၊ နေသည်လည်းကောင်း၊ လသည်လည်းကောင်း၊ ကြယ် နက္ခတ်များသည်လည်းကောင်း၊ တောင်များသည် လည်းကောင်း၊ သစ်ပင်များသည်လည်းကောင်း၊ တိရစ္ဆာန်များသည်လည်းကောင်း၊ မြောက်များစွာသော လူတို့သည်လည်းကောင်း၊ အလ္လာဟ်အရှင်မြတ်အားသာလျှင် ဦးချကြသည်ကို အသင်သည် မသိပါသလော။သို့ရာတွင် (လူတို့အနက်) မြောက်များစွာ သောသူတို့အပေါ်၌ပြစ်ဒဏ်သည် အတည်ဖြစ်လေပြီ။ စင်စစ်သော်ကား မည်သူအားမဆို အလ္လာဟ်အရှင်မြတ်သည် ဂုဏ်အသရေ ယုတ်ညံ့စေတော်မူပါလျှင်၊ ထိုသူအား (ဂုဏ်အသရေ) ချီးမြှင့်မည့်သူဟူ၍ တစ်ဦးတစ်ယောက်မျှပင် မရှိတော့ပြီ။ ဧကန်စင်စစ် အလ္လာဟ်အရှင်မြတ်သည် မိမိအလိုရှိတော်မူသည်ကို ပြုလုပ်တော် မူပေသတည်း။ |
| Hashim Tin Myint အမှန်စင်စစ် မိုးကောင်းကင်များတွင် ရှိသူဟူသမျှ၊ မြေပထဝီတွင် ရှိသူဟူသမျှ၊ နေ၊ လ၊ နက္ခတ်တာရာများ၊ တောင်များ၊ သစ်ပင်များ၊ တိရစာ္ဆန်များနှင့် လူအမြောက်အမြားသည် အလ္လာဟ်အရှင်မြတ်ကိုသာ စဂ်ျဒဟ်ဦးချကြသည်ကို အသင် မသိမြင်လေသလော။ ထို့ပြင် (လူများထဲမှ) အမြောက်အမြားသည် သူတို့အပေါ်တွင် ပြစ်ဒဏ်သည် အတည်ဖြစ်ခဲ့ပြီးဖြစ်သည်။ ထို့ပြင် မည်သူ့ကိုမဆို အလ္လာဟ်အရှင်မြတ်က သေးသိမ်အောင်လုပ်တော်မူလျှင် ထိုသူ့အား ဂုဏ်ပေးမည့်သူ မည်သူမျှရှိမည် မဟုတ်တော့ပေ။ (ဂုဏ်ပေးလျှင်လည်း ဂုဏ်တက်မည်မဟုတ်တော့ပေ။) အမှန်စင်စစ် အလ္လာဟ်အရှင်မြတ်သည် မိမိအလိုရှိတော်မူသည်ကို ပြုလုပ်တော်မူသည်။ |