Quran with Burmese translation - Surah al-‘Imran ayat 193 - آل عِمران - Page - Juz 4
﴿رَّبَّنَآ إِنَّنَا سَمِعۡنَا مُنَادِيٗا يُنَادِي لِلۡإِيمَٰنِ أَنۡ ءَامِنُواْ بِرَبِّكُمۡ فَـَٔامَنَّاۚ رَبَّنَا فَٱغۡفِرۡ لَنَا ذُنُوبَنَا وَكَفِّرۡ عَنَّا سَيِّـَٔاتِنَا وَتَوَفَّنَا مَعَ ٱلۡأَبۡرَارِ ﴾
[آل عِمران: 193]
﴿ربنا إننا سمعنا مناديا ينادي للإيمان أن آمنوا بربكم فآمنا ربنا فاغفر﴾ [آل عِمران: 193]
| Ba Sein ၁၉၃။ အို၊ အကျွနု်ပ်တို့အသျှင်သခင် တရားဟောဆရာက ''ဟယ်-အချင်းတို့ သင်တို့သည် သင်တို့၏ အသျှင်သခင်အား ယုံကြည်ကြလော့''ဟုဟောကြား၍ တရားတော်ဘက်သို့ ခေါ်ငင်သူ၏အသံကို အကျွနု်ပ်ကြားရပါ၏။ ထို့ကြောင့် အကျွနု်ပ်တို့သည် ယုံကြည်ကြပါပြီ။ အို-အသျှင်သခင် အကျွနု်ပ်တို့၏ အပြစ်များကို ခွင့်လွှတ်တော်မူပါ။ အကျွနု်ပ်တို့ထံမှ အကျွနု်ပ်တို့၏ မကောင်းမှုများကို ချေပြစ်တော် မူပါ။ အကျွနု်ပ်တို့အား သူတော်ကောင်းတို့အဖြစ်နှင့် သေစေတော်မူပါ။ |
| Ghazi Mohammad Hashim အို- ကျွန်တော်မျိုးတို့၏အရှင်၊ မုချဧကန်၊ ကျွန်တော်မျိုးတို့သည် ကြွေးကြော်သူတစ်ဦး (၏ ကြွေးကြော်သံကို)ကြားကြပါသည်။ ထိုသူသည် (လူခပ်သိမ်းတို့အား) အီမာန်ယုံကြည်ခြင်းတရား ထားရန်အလို့ငှာ(အို-လူအပေါင်းတို့)အသင်တို့ သည် မိမိတို့၏အရှင်မြတ်အား ယုံကြည်ကြကုန်ဟုကြွေးကြော်လျက်ရှိပါသည်။ သို့ဖြစ်ပါ၍ ကျွန်တော်မျိုးတို့သည် (အရှင်မြတ်အား) ယုံကြည်ကြပါပြီ။ အို-ကျွန်တော်မျိုးတို့၏အရှင်၊ သို့ဖြစ်ပါ၍ အရှင်မြတ်သည် ကျွန်တော်မျိုးတို့၏(ကြီးလေးသော) အပြစ်များကို ခွင့်လွှတ်တော်မူပါ။ ၎င်းပြင်အရှင်မြတ်သည် ကျွန်တော်မျိုးတို့၏(သေးငယ်သော) မကောင်းမှုများကိုလည်း ကျွန်တော်မျိုးတို့ထံမှ ပပျောက်စေ တော်မူပါ။၎င်းပြင် အရှင်မြတ်သည် (မိမိ၏ ကရုဏာတော်အဟုန်ဖြင့်)ကျွန်တော်မျိုးတို့အား သူမွန်သူမြတ်တို့နှင့် အတူတကွ သေဆုံးစေတော်မူပါ။ |
| Hashim Tin Myint အို- ကျွန်ုပ်တို့အား ဖန်ဆင်းမွေးမြူတော်မူသောအရှင်၊ အမှန်စင်စစ် ကျွန်ုပ်တို့သည် ဟစ်ခေါ်သူတစ်ဦး* (၏ဟစ်ခေါ်သံ)ကိုကြားကြပါသည်။ ထိုသူသည် (လူများအား) အီမာန်ယုံကြည်ကြရန် ဖိတ်ခေါ်နေပါသည်၊ “အသင်တို့သည် အသင်တို့အား ဖန်ဆင်းမွေးမြူတော်မူသောအရှင်ကို ယုံကြည်ကြပါ။“ ထို့ကြောင့် ကျွန်ုပ်တို့သည် အရှင်မြတ်ကို ယုံကြည်ကြပြီးဖြစ်ပါသည်။ အို- ကျွန်ုပ်တို့အား ဖန်ဆင်းမွေးမြူတော်မူသောအရှင်၊ သို့ဖြစ်ရာ အရှင်မြတ်သည် ကျွန်ုပ်တို့၏အပြစ်များကို ခွင့်လွှတ်တော်မူပါ။ ထို့ပြင် အရှင်မြတ်သည် ကျွန်ုပ်တို့၏ မကောင်းမှုများကိုလည်း ကျွန်ုပ်တို့ထံမှ ပပျောက်စေတော်မူပါ။ ထို့ပြင် အရှင်မြတ်သည် ကျွန်ုပ်တို့အား သူမွန်သူမြတ်တို့နှင့်အတူတကွ သေဆုံးစေတော်မူပါ။ |