Quran with Burmese translation - Surah al-‘Imran ayat 199 - آل عِمران - Page - Juz 4
﴿وَإِنَّ مِنۡ أَهۡلِ ٱلۡكِتَٰبِ لَمَن يُؤۡمِنُ بِٱللَّهِ وَمَآ أُنزِلَ إِلَيۡكُمۡ وَمَآ أُنزِلَ إِلَيۡهِمۡ خَٰشِعِينَ لِلَّهِ لَا يَشۡتَرُونَ بِـَٔايَٰتِ ٱللَّهِ ثَمَنٗا قَلِيلًاۚ أُوْلَٰٓئِكَ لَهُمۡ أَجۡرُهُمۡ عِندَ رَبِّهِمۡۗ إِنَّ ٱللَّهَ سَرِيعُ ٱلۡحِسَابِ ﴾
[آل عِمران: 199]
﴿وإن من أهل الكتاب لمن يؤمن بالله وما أنـزل إليكم وما أنـزل﴾ [آل عِمران: 199]
| Ba Sein ၁၉၉။ မှတ်သားကြလော့။ ရှေးကျမ်းတော်များကိုရရှိသောသူတို့အနက် အချို့သောသူတို့သည် အလ္လာဟ်အသျှင်မြတ်ကို ယုံကြည်ကြ၏။ သင်တို့ထံချပေးသနားတော်မူသော ကုရ်အာန်ကျမ်းတော် ကို ယုံကြည်ကြ၏။ သူတို့ထံ ချပေးသနားတော်မူသော ကျမ်းတော်များကိုလည်း ယုံကြည်ကြ၏။ အလ္လာဟ်အသျှင်မြတ်၏ရှေ့တော်ဝယ် မိမိကိုယ်ကိုမိမိ နှိမ့်ချကြ၏။ သူတို့သည် အလ္လာဟ်အသျှင်မြတ် ထုတ်ပြန်ချပေးသနားတော်မူသော ကျမ်းတော်များကိုပေး၍ သေးသိမ်းသောအကျိုးစီးပွားကို မဝယ်ကြပေ။ မုချဧကန် သူတို့၏ဆုတော်လာဘ်တော်သည် သူတို့၏အသျှင်သခင်အထံတော်၌ရှိ၏။ မှတ်သားကြလော့။ အလ္လာဟ်အသျှင်မြတ်သည် လျှင်မြန်စွာ စစ်ကြောတော်မူ၏။ |
| Ghazi Mohammad Hashim ၎င်းပြင် မုချဧကန် ကျမ်းဂန်ရရှိသော သူတို့အနက် အကြင်သူတို့သည်လည်း ဧကန်စင်စစ် ရှိကြကုန်၏။ထိုသူတို့သည် အလ္လာဟ်အရှင်မြတ်ကို၎င်း၊ အသင်တို့ထံ ထုတ်ပြန်ပို့ချပြီးဖြစ်သော အရာ[(ဝါ) ကုရ်အာန်ကျမ်းတော်မြတ်]ကိုလည်းကောင်း၊ မိမိတို့ထံထုတ်ပြန် ပို့ချပြီးဖြစ်သောအရာ (ဝါ)တောင်ရာတ် နှင့် အိန်ဂျီလ် ကျမ်းများကိုလည်းကောင်း၊သက်ဝင်ယုံကြည်ကြကုန်သည်။ ယင်းသူတို့သည် အလ္လာဟ်အရှင်မြတ် ရှေ့တော်မှောက်ဝယ် မိမိတို့ ကိုယ်ကိုနှိမ့်ချ ကျိုးနွံလျက်ရှိကြကုန်သည်။ ထိုသူတို့သည် အလ္လာဟ်အရှင်မြတ်၏မုက္ခပါဋ္ဌ် တော်များနှင့် အနည်းငယ်မျှသော အဖိုးအခကိုလဲလှယ် ဝယ်ယူကြသည်လည်း မဟုတ်ပေ။ ဤကဲ့သို့သောသူတို့၏ အကျိုးဆုလာဘ်သည် ထိုသူတို့၏အရှင်မြတ် အထံတော်၌ ရှိချေပြီ။ အမှန်စင်စစ် အလ္လာဟ်အရှင်မြတ်သည(လူခပင်းတို့၏ သုစရိုက်၊ ဒုစရိုက်တို့ကို) ဆောလျင်စွာ စောကြော စစ်ဆေးတော်မူမည့်အရှင် ဖြစ်တော်မူပေသတည်း။ |
| Hashim Tin Myint ထို့ပြင် အမှန်စင်စစ် ကျမ်းရသူများထဲတွင် အလ္လာဟ်အရှင်မြတ်အား အမှန်ပင် ယုံကြည်သူများလည်းရှိသည်။ ၎င်းပြင် သူတို့သည် အသင်တို့အပေါ်၌ ချပေးခြင်းခံရသောအရာ(ကျမ်းဂန်)နှင့်၊ သူတို့အပေါ် ချပေးခြင်းခံရသောအရာ(ကျမ်းဂန်)ကို ယုံကြည်ကြသည်။ သူတို့သည် အလ္လာဟ်အရှင်မြတ်၏ရှေ့တွင် ကြောက်ရွံ့ရိုးကျိုးလျက်ရှိကြသည်။ သူတို့သည် အလ္လာဟ်အရှင်မြတ်၏(နောက်ဆုံး တမန်တော်ပွင့်ပေါ်မည့်အကြောင်းပါရှိသော) အာယသ်တော်များကို အဖိုးအခ အနည်းငယ်ဖြင့် (ခေါင်းဆောင်မှု ကျဆုံးသွားမည်ကို စိုးရိမ်မှုဖြင့်)ရောင်းဝယ်ခြင်း (ထိမ်ချန်ထားခြင်း) မပြုကြပေ။ (ထိုသူများပင်၊ သူတို့အတွက် သူတို့၏အကျိုးရလာဒ်သည် သူတို့အား ဖန်ဆင်းမွေးမြူတော်မူသောအရှင်မြတ်ထံတွင်ရှိသည်။ အမှန်စင်စစ် အလ္လာဟ်အရှင်မြတ်သည် အလွန်လျင်မြန်စွာ စာရင်းစစ်ဆေးတော်မူသောအရှင် ဖြစ်တော်မူသည်။) |