Quran with Burmese translation - Surah FaTir ayat 3 - فَاطِر - Page - Juz 22
﴿يَٰٓأَيُّهَا ٱلنَّاسُ ٱذۡكُرُواْ نِعۡمَتَ ٱللَّهِ عَلَيۡكُمۡۚ هَلۡ مِنۡ خَٰلِقٍ غَيۡرُ ٱللَّهِ يَرۡزُقُكُم مِّنَ ٱلسَّمَآءِ وَٱلۡأَرۡضِۚ لَآ إِلَٰهَ إِلَّا هُوَۖ فَأَنَّىٰ تُؤۡفَكُونَ ﴾
[فَاطِر: 3]
﴿ياأيها الناس اذكروا نعمة الله عليكم هل من خالق غير الله يرزقكم﴾ [فَاطِر: 3]
| Ba Sein ၃။ အို-လူသားအပေါင်းတို့၊ သင်တို့အပေါ်၌ အလ္လာဟ်အရှင်မြတ်သနားတော်မူသောကောင်းကြီးမင်္ဂလာတော်များကို အာရုံပြုကြလော့၊ အလ္လာဟ်အရှင်မြတ်မှတပါး သင်တို့အား မိုးနှင့်မြေမှ အစာရိက္ခာကို ဖန်ဆင်းပေးသူတစ်စုံ တစ်ယောက်ရှိသေးသလော၊ အလ္လာဟ်အရှင်မြတ်မှတပါး အခြားဘုရားသခင်မရှိချေ၊ သို့ပါလျက်သင်တို့သည် အဘယ်ဘက်သို့ လှည့်သွားကြသနည်း။ |
| Ghazi Mohammad Hashim အို-လူခပ်သိမ်းတို့၊ အသင်တို့သည် မိမိတို့အပေါ်၌ အလ္လာဟ်အရှင်မြတ်က ပြုတော်မူခဲ့သော ကျေးဇူးတော်များကို ပြန်လည်အောက်မေ့သတိရ ကြလေကုန်။အလ္လာဟ်အရှင်မြတ်အပြင် အသင်တို့အား မိုးကောင်းကင်မှလည်းကောင်း၊ ပထဝီမြေမှလည်းကောင်း၊ စားနပ်ရိက္ခာပေးသည့် ဖန်ဆင်းသူဟူ၍ တစ်ဦးတစ်ယောက်မျှပင် ရှိပါသေးသလော၊ ထိုအရှင်မြတ်မှတစ်ပါး ဆည်းကပ်ကိုးကွယ်ရာအရှင်ဟူ၍ အလျဉ်းမရှိပြီ။ သို့ပါလျက် အသင်တို့သည် အဘယ်သို့ပြန်လှည့်သွားကြလေသနည်း။ |
| Hashim Tin Myint အို- လူသားအပေါင်းတို့ အသင်တို့သည် အသင်တို့အပေါ်တွင် အလ္လာဟ်အရှင်မြတ်က ပြုတော်မူခဲ့သော ကျေးဇူးတော်များကို သတိရကြပါ။ အလ္လာဟ်အရှင်မြတ်၏အပြင် အသင်တို့အား မိုးကောင်းကင်နှင့် မြေပထဝီမှ စားနပ်ရိက္ခာပေးမည့် ဖန်ဆင်းရှင်တစ်ဦးတစ်ယောက်ရှိသေးသလော၊ ထိုအရှင်မြတ်မှလွဲ၍ ကိုးကွယ်ထိုက်သည့်အရှင် မရှိပေ။ ထို့နောက် အသင်တို့သည် မည်သည့်ဘက်သို့ ပြန်လှည့်သွားကြသနည်း။ |