Quran with Burmese translation - Surah FaTir ayat 8 - فَاطِر - Page - Juz 22
﴿أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنٗاۖ فَإِنَّ ٱللَّهَ يُضِلُّ مَن يَشَآءُ وَيَهۡدِي مَن يَشَآءُۖ فَلَا تَذۡهَبۡ نَفۡسُكَ عَلَيۡهِمۡ حَسَرَٰتٍۚ إِنَّ ٱللَّهَ عَلِيمُۢ بِمَا يَصۡنَعُونَ ﴾
[فَاطِر: 8]
﴿أفمن زين له سوء عمله فرآه حسنا فإن الله يضل من يشاء﴾ [فَاطِر: 8]
| Ba Sein ၈။ အကြင်သူအား မိမိပြုကျင့်သောဒုစရိုက်မှုသည် တင့်တယ်လျောက်ပတ်စရာဖြစ်သောကြောင့် ထိုမကောင်းမှုကို သူသည် ကောင်းမြတ်သည်ဟု ထင်မှတ်အ့ံ၊ ထိုသူသည် သုစရိုက်ကောင်းမှုပွားများသူနှင့် ထပ်တူထပ်မျှဖြစ် သလော၊ စင်စစ်အားဖြင့်အလ္လာဟ်အရှင်မြတ်သည် လမ်းမှားသို့ ပို့တော်မူလိုသောသူကို လမ်းမှားသို့ ပို့၏၊ လမ်းမှန်ကို ပြလိုတော်မူသောသူအား လမ်းမှန်ကို ပြတော်မူ၏၊ ထို့ကြောင့် အို-တမန်တော်၊ မိစ္ဆာမိုက်တို့ လမ်းမှားရောက်သောကြောင့် သင်သည် စိတ်နှလုံးမသက်သာ လွန်စွာဝမ်းနည်းခြင်းဖြင့် အသက်မထွက်စေလင့်၊ အလ္လာဟ်အရှင်မြတ်သည် သူတို့ပြုကျင့်မှုအလုံးစုံတို့ကို အကြွင်းမဲ့သိတော်မူ၏။ |
| Ghazi Mohammad Hashim သို့ဖြစ်ပေရာ အသို့ပါနည်း။ မိမိ၏ မကောင်းမှုများသည် မိမိအမြင်တွင် လှပတင့်တယ်အောင် ပြုလုပ်ခြင်းခံရသောကြောင့် ယင်းမကောင်းသောကျင့်မူများကိုအကောင်းဟူ၍ ထင်မြင်လာသောသူသည် အမှားကို အမှန်ဟုထင်မြင်သောသူနှင့်တူလေသည်။ စင်စစ်မှာကား ဧကန်အမှန်အလ္လာဟ်အရှင်မြတ်သည် မိမိအလိုရှိတော်မူသောသူအားလမ်းမှား၌ ထားတော်မူ၏။ ထိုနည်းတူစွာ မိမိအလိုရှိတော်မူသောသူအား တရားလမ်းမှန်ကို ပြတော်မူ၏။ သို့ဖြစ်ပေရာ(အို-နဗီတမန်တော်) အသင်၏အသက်ဇီဝိန်သည် ၎င်းတို့နှင့်ပတ်သက်၍ဆွေးကာတွေးကာ မဆုံးပါးစေရ။ ဧကန်မလွဲအလ္လာဟ်အရှင်မြတ်သည် ၎င်းတို့ပြုမူသမျှ တို့ကို ကောင်းစွာသိရှိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint ထို့ပြင် အကြင်သူ၏မကောင်းမှုများသည် သူ၏အမြင်တွင် လှပတင့်တယ်အောင် ပြုလုပ်ခြင်းခံရသည့်အတွက် ထိုအရာ(အမှား)ကို အကောင်း(အမှန်)ဟုထင်မြင်သည့်သူသည် (အမှားကိုအမှား၊ အမှန်ကို အမှန်ဟု မြင်သည့်သူနှင့် တူနိုင်ပါမည်လော)။ ထို့ပြင် အမှန်စင်စစ် အလ္လာဟ်အရှင်မြတ်သည် အရှင်မြတ်အလိုရှိတော်မူသူကို လမ်းမှား၌ပင် ထားတော်မူသည်။ ထို့ပြင် အရှင်မြတ်အလိုရှိတော်မူသူကို လမ်းမှန်ညွှန်ကြားပြသတော်မူသည်။ သို့ဖြစ်ရာ အသင်သည် သူတို့အတွက် ပူဆွေးသောကဖြစ်လျက် အသင်၏အသက်ကိုပျက်စီးအောင် မလုပ်လိုက်နှင့်။ အမှန်စင်စစ် အလ္လာဟ်အရှင်မြတ်သည် သူတို့ပြုလုပ်သမျှကို အကြွင်းမဲ့သိရှိတော်မူသောအရှင်ဖြစ်တော်မူသည်။ |