Quran with Burmese translation - Surah An-Nisa’ ayat 94 - النِّسَاء - Page - Juz 5
﴿يَٰٓأَيُّهَا ٱلَّذِينَ ءَامَنُوٓاْ إِذَا ضَرَبۡتُمۡ فِي سَبِيلِ ٱللَّهِ فَتَبَيَّنُواْ وَلَا تَقُولُواْ لِمَنۡ أَلۡقَىٰٓ إِلَيۡكُمُ ٱلسَّلَٰمَ لَسۡتَ مُؤۡمِنٗا تَبۡتَغُونَ عَرَضَ ٱلۡحَيَوٰةِ ٱلدُّنۡيَا فَعِندَ ٱللَّهِ مَغَانِمُ كَثِيرَةٞۚ كَذَٰلِكَ كُنتُم مِّن قَبۡلُ فَمَنَّ ٱللَّهُ عَلَيۡكُمۡ فَتَبَيَّنُوٓاْۚ إِنَّ ٱللَّهَ كَانَ بِمَا تَعۡمَلُونَ خَبِيرٗا ﴾
[النِّسَاء: 94]
﴿ياأيها الذين آمنوا إذا ضربتم في سبيل الله فتبينوا ولا تقولوا لمن﴾ [النِّسَاء: 94]
| Ba Sein ၉၄။ အို-ယုံကြည်သူတို့ သင်တို့သည် အလ္လာဟ်အသျှင်မြတ်လမ်းတော်၌ ချီတက်သွားသောအခါ ပိုင်းခြား ဝေဖန်မှုကို သတိမလစ်ကြလင့်။ စစ်ပြေငြိမ်းစကား ကမ်းလှမ်းသူအား လောကီဥစ္စာကိုရလိုသော အကြောင်းကြောင့် သင်သည် မိစ္ဆာဒိဌိဖြစ်သည်ဟု မဆိုကြလင့်။ အလ္လာဟ်အသျှင်မြတ်အထံတော်၌ စစ်သုံ့ပစ္စည်းအမြောက်အများရှိ၏။ သင်တို့သည် အထက်ကျော်ကာရီက မယုံကြည်ကြပေ။ သို့သော် ထိုသို့မယုံကြည်ပြီးမှ အလ္လာဟ်အသျှင်မြတ်၏ ကောင်းကြီးမင်္ဂလာသည် သင်တို့အပေါ်သို့ ကျရောက် လာပြီ။ ထို့ကြောင့် ကောင်းစွာစီစစ်ကြလော့။ အလ္လာဟ်အသျှင်မြတ်သည် သင်တို့ပြုသမျှ သတင်း ရတော်မူသောအသျှင်ဖြစ်တော်မူ၏။ |
| Ghazi Mohammad Hashim အို-‘မုအ်မင်န်’ အပေါင်းတို့၊ အသင်တို့သည် အလ္လာဟ်အရှင်မြတ်၏လမ်းတော်၌ (စစ်မက် ပြိုင်ဆိုင်တိုက်ခိုက်ခြင်းငှာ) ခရီးထွက်ကြသောအခါ (ရန်သူနှင့်မိတ်ဆွေကို ခွဲခြား၍သိသာရန်) စီစစ် ရှာဖွေစုံစမ်းကြလေကုန်။ ၎င်းပြင် အသင်တို့သည် မိမိတို့အား‘စလာမ်’ (မေတ္တာ) ပို့သ (ကာ မိမိကိုယ်ကို မွတ်စ်လင်မ်ဖြစ်ကြောင်း ထင်ရှားစေ) သောသူကို အသင်သည် ‘မုအ်မင်န်’ မဟုတ်ဟု မပြောကြကုန်လင့်။ အသင်တို့သည် လောကီဥစ္စာ ပစ္စည်းစည်းစိမ်များကို ရှာဖွေကြ၏။ သို့ဖြစ်လျှင် အလ္လာဟ်အရှင်မြတ်အထံတော်၌ (တရားသဖြင့် သုံးစွဲနိုင်သော) လက်ရပစ္စည်းများသည် ပေါများစွာ ရှိကုန်၏။ အသင်တို့သည်လည်း ယခင်မူလက ထိုကဲ့သို့ ပင် (မိမိတို့ မွတ်စ်လင်မ်ဖြစ်ကြောင်းနှင့်ပတ်သက်၍ နှုတ်ဖြင့် ကလိမဟ်ရွတ်ဖက်ခြင်းကိုပင် အမှီသဟဲပြုကြရသူများ) ဖြစ်ခဲ့ကြ၏။ ထို့နောက် အလ္လာဟ် အရှင်မြတ်သည် အသင်တို့အပေါ်၌ ကျေးဇူးပြုတော်မူခဲ့လေသည်။ သို့ဖြစ်ပေရာ အသင်တို့သည် စီစစ်ရှာဖွေ စုံစမ်းကြလေကုန်။ ဧကန်စင်စစ် အလ္လာဟ်အရှင်မြတ်သည် အသင်တို့ ပြုမူကြကုန်သော အမှုကိစ္စတို့ကို အကြွင်းမဲ့ကြားသိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint အို- အီမာန်ယုံကြည်သူအပေါင်းတို့၊ အသင်တို့သည် အလ္လာဟ်အရှင်မြတ်၏လမ်းတော်တွင် (စစ်တိုက်ရန်) ခရီးထွက်ကြသောအခါ (ရန်သူနှင့်မိတ်ဆွေ ခွဲခြားနိုင်ရန်) စုံစမ်းစစ်ဆေးကြပါ။ ၎င်းပြင် အသင်တို့သည် အသင်တို့ကို စလာမ်(မေတ္တာ)ပို့သသောသူအား အသင်သည် မုအ်မင်န်မဟုတ်ဟူ၍ မပြောကြနှင့်။ အသင်တို့သည် လောကီပစ္စည်းဥစ္စာများကို ရှာဖွေကြသည်။ သို့ဖြစ်လျှင် အလ္လာဟ်အရှင်မြတ်ထံတွင် လက်ရပစ္စည်းများသည် အမြောက်အမြားရှိသည်။ အသင်တို့လည်း ယခင်က ထိုကဲ့သို့ပင် (စလာမ်ပေးရုံ၊ ကလိမဟ်ဖတ်ရုံမျှသာ) ဖြစ်ခဲ့ကြသည်။ ထို့နောက် အလ္လာဟ်အရှင်မြတ်သည် အသင်တို့အပေါ်တွင် ကျေးဇူးပြုတော်မူခဲ့သည်။ သို့ဖြစ်ရာ အသင်တို့သည် လေ့လာစူးစမ်း စစ်ဆေးကြပါ။ အမှန်စင်စစ် အလ္လာဟ်အရှင်မြတ်သည် အသင်တို့ပြုမူသည်များကို အကြွင်းမဲ့ကြားသိတော်မူသောအရှင် ဖြစ်တော်မူသည်။ |