Quran with Burmese translation - Surah Ghafir ayat 64 - غَافِر - Page - Juz 24
﴿ٱللَّهُ ٱلَّذِي جَعَلَ لَكُمُ ٱلۡأَرۡضَ قَرَارٗا وَٱلسَّمَآءَ بِنَآءٗ وَصَوَّرَكُمۡ فَأَحۡسَنَ صُوَرَكُمۡ وَرَزَقَكُم مِّنَ ٱلطَّيِّبَٰتِۚ ذَٰلِكُمُ ٱللَّهُ رَبُّكُمۡۖ فَتَبَارَكَ ٱللَّهُ رَبُّ ٱلۡعَٰلَمِينَ ﴾
[غَافِر: 64]
﴿الله الذي جعل لكم الأرض قرارا والسماء بناء وصوركم فأحسن صوركم ورزقكم﴾ [غَافِر: 64]
| Ba Sein ၆၄။ အလ္လာဟ်အရှင်မြတ်သည် သင်တို့နေထိုင်ဖို့ရာ ကမ္ဘာမြေကြီးကို ဖန်ဆင်းတော်မူ၏၊ အထက်မိုးကောင်းကင် ကိုလည်း မျက်နှာကြက်အတွက် ဖန်ဆင်းတော်မူ၏၊ သင်တို့၏ ပုံသဏ္ဍာန်အဆင်းအင်္ဂါတို့ကိုလည်း ဖန်ဆင်း တော်မူ၏၊ ထိုပုံသဏ္ဍာန်အဆင်းအင်္ဂါတို့ကို ညီညွတ်ပြေပြစ်အောင် စီရင်တော်မူ၏၊ သင်တို့စားဖို့ရာ သန့်ရှင်း ကောင်းမွန်သောဘောဇဉ်ခဲဖွယ်များကို ချပေးသနားတော်မူ၏၊ သင်တို့၏ အသက်သခင်ကျေးဇူးရှင်၊ အလ္လာဟ် အရှင်မြတ်သည် ယင်းကဲ့သို့ဖြစ်တော်မူ၏၊ အနန္တစကြဝဠာအပေါင်းတို့၏ အရှင်သခင်သည် ကောင်းကြီးမင်္ဂလာ အဖြာဖြာနှင့် ပြည့်စုံတော်မူ၏။ |
| Ghazi Mohammad Hashim အလ္လာဟ်အရှင်မြတ်သည်ပင် အကြင်အရှင်မြတ် ဖြစ်တော်မူ၏။ ထိုအရှင်မြတ်သည် အသင်တို့အဖို့ ပထဝီမြေကို မှီတင်းနေထိုင်ရာအဖြစ်လည်းကောင်း၊ မိုးကောင်းကင်ကို အမိုးအဖြစ်လည်းကောင်း၊ ပြုလုပ်၍ ပေးတော်မူခဲ့၏။ ထို့ပြင်ထိုအရှင်မြတ်သည် အသင်တို့၏ ပုံပန်းသဏ္ဍာန်ကို ပြုလုပ်တော်မူခဲ့ရာ အသင်တို့၏ ပုံပန်းသဏ္ဍာန်ကို ကောင်းမွန်လှပစွာ ပြုလုပ်တော်မူခဲ့၏။ ထိုမှတစ်ပါး အသင်တို့အား စင်ကြယ်ကောင်းမွန်သောအရာများကို ကျွေးမွေးတော်မူခဲ့၏။ ထိုအရှင်မြတ်သည်ပင် အသင်တို့အား ဖန်ဆင်းမွေးမြူတော်မူသော အလ္လာဟ်အရှင်မြတ် ဖြစ်တော်မူ၏။ စင်စစ်သော်ကား စကြာဝဠာခပ်သိမ်းတို့ကို ဖန်ဆင်းမွေးမြူတော်မူသော အလ္လာဟ်အရှင်မြတ်သည် မင်္ဂလာအပေါင်းတို့နှင့် ပြည့်စုံလှတော်မူ၏။ |
| Hashim Tin Myint ထိုအလ္လာဟ်အရှင်မြတ်ပင် အသင်တို့အတွက် မြေပထဝီကို မှီခိုနေထိုင်ရာအဖြစ်နှင့်၊ မိုးကောင်းကင်ကို အမိုးအဖြစ် ပြုလုပ်ပေးတော်မူခဲ့သည်။ ထို့ပြင် အရှင်မြတ်သည် အသင်တို့၏ ပုံပန်းသဏ္ဍာန်ကို ပြုလုပ်တော်မူခဲ့သည်။ ထို့နောက် အသင်တို့၏ ပုံပန်းသဏ္ဍာန်ကို ကောင်းမွန်လှပစွာ ပြုလုပ်တော်မူခဲ့သည်။ ထို့ပြင် အသင်တို့အား စင်ကြယ်ကောင်းမွန်သောအရာများကို ကျွေးမွေးတော်မူခဲ့သည်။* ထိုအလ္လာဟ်အရှင်မြတ်သည်ပင် အသင်တို့အား ဖန်ဆင်းမွေးမြူတော်မူသောအရှင်မြတ် ဖြစ်တော်မူသည်။ ထို့ပြင် စကြဝဠာအားလုံးအား ဖန်ဆင်းမွေးမြူတော်မူသော အလ္လာဟ်အရှင်မြတ်သည် မဂင်္လာအပေါင်းနှင့် ပြည့်စုံတော်မူသည်။ |