Quran with Burmese translation - Surah Fussilat ayat 50 - فُصِّلَت - Page - Juz 25
﴿وَلَئِنۡ أَذَقۡنَٰهُ رَحۡمَةٗ مِّنَّا مِنۢ بَعۡدِ ضَرَّآءَ مَسَّتۡهُ لَيَقُولَنَّ هَٰذَا لِي وَمَآ أَظُنُّ ٱلسَّاعَةَ قَآئِمَةٗ وَلَئِن رُّجِعۡتُ إِلَىٰ رَبِّيٓ إِنَّ لِي عِندَهُۥ لَلۡحُسۡنَىٰۚ فَلَنُنَبِّئَنَّ ٱلَّذِينَ كَفَرُواْ بِمَا عَمِلُواْ وَلَنُذِيقَنَّهُم مِّنۡ عَذَابٍ غَلِيظٖ ﴾
[فُصِّلَت: 50]
﴿ولئن أذقناه رحمة منا من بعد ضراء مسته ليقولن هذا لي وما﴾ [فُصِّلَت: 50]
| Ba Sein ၅ဝ။ ငါသည် လူသားအား ဘေးဒုက္ခထိပြီးနောက် ကောင်းကြီးမင်္ဂလာတော်ကို မြည်းစေတော်မူသောအခါ သူသည် မုချဧကန်ဤသို့ဆိုလတ့ံ၊ ဤအရာသည် ငါ့အစွမ်းကြောင့်ဖြစ်၏၊ အချိန်တော်ကြီးမရှိဟု ငါထင်သည်၊ သို့သော် အကယ်၍ ငါ၏ အရှင်သခင်အထံတော်သို့ ငါ့အား ပြန်ပို့လျှင်လည်း ငါ့မှာ အရှင်မြတ်ရှေ့တော်ဝယ် သာ၍ ချမ်းသာမည်တည်း၊ သို့သော်ငါအရှင်မြတ်သည် မယုံကြည်သူတို့အား သူတို့ပြုကျင့်သမျှအလုံးစုံကို မိန့်တော် မူလတ့ံ၊ ပြင်းပြသောအပြစ်ဒဏ်ကို မြည်းစေတော်မူလတ့ံ။ |
| Ghazi Mohammad Hashim သို့တစေလည်း ၎င်း၌သက်ရောက်ခဲ့သော ဘေးဒုက္ခတစ်စုံတစ်ရာ၏နောက်တွင် ငါအရှင်မြတ် သည် ၎င်းအားမိမိကရုဏာတော်(၏အရသာ)ကို မြည်းစမ်းစေတော်မူခဲ့ပါလျှင်ဧကန်အမှန် ၎င်းသည် (ဤသို့)ပြောဆိုလေတော့၏။ ဤသည်ကျွန်ုပ်နှင့် ထိုက်သောကိစ္စပင်ဖြစ်သည်။ ၎င်းပြင် ကိယာမတ်ရှင်ပြန်ထမည့်အချိန်ကာလ ဆိုက်ရောက်မည်ဟု ကျွန်ုပ် မယူဆပေ။ သို့တစေလည်း ကျွန်ုပ်သည် အကယ်၍ ကျွန်ုပ်အား ဖန်ဆင်းမွေးမြူတော်မူသော အရှင်မြတ်အထံတော်သို့ ပြန်သွားခဲ့ရသည့်တိုင်အောင် ဧကန်မလွဲ ကျွန်ုပ်အဖို့ ထိုအရှင်မြတ်အထံတော်တွင် သာ၍ ကောင်း သော အကျိုးကျေးဇူးသည် အမှန်ပင်ရှိချေမည်၊ သို့ဖြစ်ပေရာ ဧကန်မလွဲ ငါအရှင်မြတ်သည် ကာဖိရ်သွေဖည်ငြင်းပယ်သောသူတို့အား ၎င်းတို့ကျင့်မူခဲ့သမျှတို့ကိုသိစေတော်မူပေသည်။ ထိုမှတစ်ပါး ဧကန်မုချ ငါအရှင်မြတ်သည် ၎င်းတို့အား ပြင်းထန် သောပြစ်ဒဏ်၏ရသာကို မြည်းစမ်းစေတော်မူပေမည်။ |
| Hashim Tin Myint ထို့ပြင် အကယ်၍ သူ၏အပေါ်ကျရောက်ခဲ့သော ဒုက္ခနောက်တွင် ငါအရှင်မြတ်သည် သူ့အား ငါအရှင်မြတ်ထံတော်မှ ကရုဏာကို မြည်းစမ်းစေတော်မူခဲ့လျှင် အမှန်စင်စစ်သူသည် (ဤသို့)ပြောတော့သည်- “ဤသည် ကျွန်ုပ်အတွက်ပင်ဖြစ်သည်။ ထို့ပြင် ကိယာမသ်နေ့သည် ရောက်လာမည်ဟု ကျွန်ုပ်မယူဆပေ။ ထို့ပြင် အကယ်၍ ကျွန်ုပ်သည် ကျွန်ုပ်အား ဖန်ဆင်းမွေးမြူတော်မူသောအရှင်မြတ်ထံတော်သို့ ပြန်သွားခဲ့ရလျှင်လည်း အမှန်စင်စစ် ကျွန်ုပ်အတွက် အရှင်မြတ်ထံတော်တွင် ပိုကောင်းသော အကျိုးများ အမှန်ပင်ရှိဦးမည်ဖြစ်သည်။” သို့ဖြစ်ရာ အမှန်စင်စစ် ငါအရှင်မြတ်သည် ကာဖိရ်များအား သူတို့ ပြုလုပ်ခဲ့သမျှကို အသိပေးတော်မူမည်။ ထို့ပြင် အမှန်စင်စစ် ငါအရှင်မြတ်သည် သူတို့အား ပြင်းထန်သောပြစ်ဒဏ်၏ အရသာကို မြည်းစမ်းစေတော်မူမည်။ |