Quran with Burmese translation - Surah Al-hujurat ayat 11 - الحُجُرَات - Page - Juz 26
﴿يَٰٓأَيُّهَا ٱلَّذِينَ ءَامَنُواْ لَا يَسۡخَرۡ قَوۡمٞ مِّن قَوۡمٍ عَسَىٰٓ أَن يَكُونُواْ خَيۡرٗا مِّنۡهُمۡ وَلَا نِسَآءٞ مِّن نِّسَآءٍ عَسَىٰٓ أَن يَكُنَّ خَيۡرٗا مِّنۡهُنَّۖ وَلَا تَلۡمِزُوٓاْ أَنفُسَكُمۡ وَلَا تَنَابَزُواْ بِٱلۡأَلۡقَٰبِۖ بِئۡسَ ٱلِٱسۡمُ ٱلۡفُسُوقُ بَعۡدَ ٱلۡإِيمَٰنِۚ وَمَن لَّمۡ يَتُبۡ فَأُوْلَٰٓئِكَ هُمُ ٱلظَّٰلِمُونَ ﴾
[الحُجُرَات: 11]
﴿ياأيها الذين آمنوا لا يسخر قوم من قوم عسى أن يكونوا خيرا﴾ [الحُجُرَات: 11]
| Ba Sein ၁၁။ အေ-ယုံကြည်သူအပေါင်းတို့၊ လူတစ်စုက အခြားလူတစ်စုကို မပျက်ချော်မပြောလှောင်စေကြလင့်၊ အပြောင်ခံရ သူတို့က မြင့်မြတ်ကောင်းမြင့်မြတ်ပေလိမ့်မည်၊ မိန်းမတို့လည်း ယောက်ျားနည်းတူအချင်းချင်း တစ်ဦးကို တစ်ဦးပျက်ချော်ခြင်းမပြုကြစေလင့်၊ ပြောင်လှောင်ခံရသူမိန်းမတို့သည် ပျက်ချော်သူမိန်းမတို့ထက် သာလွန် မြင့်မြတ်ကောင်းမြင့်မြတ်ပေလိမ့်မည်၊ ယုံကြည်သူတို့သည် အချင်းချင်းတစ်ဦးက တစ်ဦးကို အသရေမဖျက် ကြသင့်၊ ယုတ်ညံ့သောအမည်နာမခေါ်ခြင်းအားဖြင့် အမည်နာမသည် အလွန်ဆိုးသွမ်းသောအရာဖြစ်၏၊ သို့ ဖြစ်၍ အကြင်သူသည် မိမိမှားယွင်းမှုများကို သံဝေဂမရလျှင် ထိုသူသည် ဒုစရိုက်ကောင်ဖြစ်၏။ |
| Ghazi Mohammad Hashim အို-’မုအ်မင်န်’ သက်ဝင်ယုံကြည်သူအပေါင်းတို့၊ ယောက်ျားများသည် ယောက်ျားအား သရော်သမှုမပြုရ။(အကြောင်းသော်ကား) ထို(သရော်သမှု ပြုခြင်းခံကြရသော)ယောက်ျားများသည် ထို(သရော် သောယောက်ျား)တို့ထက်ပို၍ ကောင်းမြတ်သူများ ဖြစ်တန်ကြရာကုန်၏။ ထိုနည်းတူစွာ မိန်းမများသည်လည်း မိန်းမများအား သရော်သမှုမပြုကြရ။ထို (သရော်သမှုပြုခြင်းကိုခံကြရသော)မိန်းမများသည် ထို(သရော်ကြသောမိန်းမ)များထက်ပို၍ ကောင်းမြတ်သူများ ဖြစ်တန်ကြရာကုန်၏။ ၎င်းပြင် အသင်တို့သည် မိမိတို့အချင်းချင်း တစ်ဦးကိုတစ်ဦး ငြူစူစောင်းမြောင်း ကဲ့ရဲ့ပြစ်တင်ခြင်းလည်း မပြုကြကုန်လင့်။ ထိုမှတစ်ပါး အသင်တို့သည် မိမိတို့အချင်းချင်း တစ်ဦးကိုတစ်ဦး သရော်သမှုပြုကြသော အမည်နာမများဖြင့်လည်း မှည့်ခေါ်ခြင်း မပြုကုန်လင့်။ ‘အီမာန်’သက်ဝင်ယုံကြည်ပြီးနောက် ပြစ်မှုတည်းဟူသော အမည်နာမသည် လွန်စွာဆိုးရွားလှ၏။ သို့ပါလျက် မည်သူမဆို ဝန်ချတောင်းပန်ခြင်း မပြုခဲ့သော် ယင်းကဲ့သို့ သူတို့သည်သာလျှင် မတရားသောသူများ ဖြစ်ကြပေသတည်း။ |
| Hashim Tin Myint အို-အီမာန်ယုံကြည်သူအပေါင်းတို့၊ အမျိုးသားများသည် (အခြား)အမျိုးသားများကို မပြောင်လှောင်ရပေ။ ထို(အပြောင်ခံရသည့်)အမျိုးသားများသည် ထို(ပြောင်လှောင်သည့်)အမျိုးသားများထက် ကောင်းမြတ်သူများဖြစ်ကောင်းဖြစ်နိုင်သည်။ ထို့ပြင် အမျိုးသမီးများသည်လည်း (အခြား)အမျိုးသမီးများကို မပြောင်လှောင်ရပေ။ ထို(အပြောင်ခံရသည့်)အမျိုးသမီးများသည် ထို(ပြောင်လှောင်သည့်)အမျိုးသမီးများထက် ကောင်းမြတ်သူမများ ဖြစ်ကောင်းဖြစ်နိုင်သည်။ ထို့ပြင် အသင်တို့သည် အသင်တို့အချင်းချင်း တစ်ဦးကိုတစ်ဦး စောင်းချိတ်ကဲ့ရဲ့ခြင်းလည်းမပြုကြနှင့်။ ထို့ပြင် အသင်တို့သည် တစ်ဦးကိုတစ်ဦး အမည်ပျက်များနှင့်လည်း မခေါ်ကြနှင့်။ ###၇ အီမာန်ယုံကြည်ပြီးနောက် (ယခင်ကကျူးလွန်ခဲ့သည့်)ပြစ်မှု၏ အမည်နှင့် ခေါ်ဝေါ်ခြင်းသည် အဘယ်မျှဆိုးရွားလိုက်သနည်း။ ###၈ ထို့နောက် မည်သူမဆို ဝန်ချတောင်းပန်ခြင်းမပြုခဲ့လျှင် ထိုသူများပင်မတရားသူများဖြစ်ကြသည်။ |