Quran with Burmese translation - Surah Al-Mujadilah ayat 11 - المُجَادلة - Page - Juz 28
﴿يَٰٓأَيُّهَا ٱلَّذِينَ ءَامَنُوٓاْ إِذَا قِيلَ لَكُمۡ تَفَسَّحُواْ فِي ٱلۡمَجَٰلِسِ فَٱفۡسَحُواْ يَفۡسَحِ ٱللَّهُ لَكُمۡۖ وَإِذَا قِيلَ ٱنشُزُواْ فَٱنشُزُواْ يَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتٖۚ وَٱللَّهُ بِمَا تَعۡمَلُونَ خَبِيرٞ ﴾
[المُجَادلة: 11]
﴿ياأيها الذين آمنوا إذا قيل لكم تفسحوا في المجالس فافسحوا يفسح الله﴾ [المُجَادلة: 11]
| Ba Sein ၁၁။ အို-ယုံကြည်သူအပေါင်းတို့၊ သင်တို့အား အစည်းအဝေးပွဲများတွင် ပရိသတ်ထူထပ်များပြားသဖြင့် နေရာချဲ့ပေး ရန် ခိုင်းသောအခါ ခိုင်းသည်နှင့်တပြိုင်နက် လူရှဲပြီး နေရာရှင်းလင်းပေးကြလော့၊ အလ္လာဟ်အရှင်မြတ်သည် သင်တို့အတွက် နေရာကို ကျယ်ဝန်းပြန့်ပြူးစေတော်မူလိမ့်မည်၊ တဖန်သင်တို့အား ရှေ့သို့ တိုးလာရန် ပြောသော အခါ လျင်မြန်စွာတိုးလာကြလော့၊ သင်တို့အနက် ယုံကြည်သူတို့နှင့် ပညာအလင်းရောင်ရရှိသူတို့သည် အလ္လာဟ် အရှင်မြတ်သည် မြင့်စွင့်သောအဆင့်အတန်းသို့ မြှင့်တင်တော်မူလိမ့်မည်၊ အကြောင်းမူကား အရှင်မြတ်သည် သင်တို့ပြုကျင့်သမျှအလုံးစုံကို အကြွင်းမဲ့သိတော်မူ၏။ |
| Ghazi Mohammad Hashim အို-မုအ်မင်န် သက်ဝင်ယုံကြည်သူအပေါင်းတို့၊ အသင်တို့သည် "နေရာချဲ့ပေးကြလေကုန်" ဟု ပြောဆိုခြင်းကို ခံကြရလေသောအခါ နေရာချဲ၍ ပေးကြလေကုန်။ အလ္လာဟ်အရှင်မြတ်သည် အသင်တို့အဖို့ နေရာချဲ့ပေးတော်မူမည်။ ထိုနည်းတူစွာ အသင်တို့သည် "မတ်တတ်ထကြလေကုန်" ဟု ပြောဆိုခြင်းကို ခံကြရလေသောအခါ မတ်တတ်ထကြလေကုန်။ အရှင်မြတ်သည် အသင်တို့အနက် မုအ်မင်န် သက်ဝင်ယုံကြည်သူတို့အား လည်းကောင်း၊ အသိပညာ ချီးမြှင့်ပေးသနားတော်မူခြင်း ခံခဲ့ကြရသောသူတို့အား လည်းကောင်း၊ အဆင့်အတန်းများစွာ မြှင့်တင်ပေးတော်မူပေမည်။ စင်စစ်သော်ကား အလ္လာဟ်အရှင်မြတ်သည် အသင်တို့ ကျင့်မူသမျှတို့ကို အကြွင်းမဲ့ ကြားသိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint အို- အီမာန် ယုံကြည်သူအပေါင်းတို့၊ အသင်တို့သည် ထိုင်ဝိုင်းများတွင်(ထိုင်နေသောအခါ)“နေရာချဲ့ပေးကြပါ”ဟု ပြောဆိုခြင်းခံကြရသည့်အခါ နေရာချဲ့ပေးလိုက်ကြပါ။ အလ္လာဟ်အရှင်မြတ်သည် အသင်တို့အတွက် နေရာချဲ့ပေးတော်မူမည်။ ထို့ပြင် အသင်တို့သည် “မတ်တတ်ထကြပါ”ဟု ပြောဆိုခြင်းခံကြရသည့်အခါ မတ်တတ်ထလိုက်ကြပါ။ အရှင်မြတ်သည် အသင်တို့ထဲမှ အီမာန်ယုံကြည်သူများနှင့် အသိပညာပေးသနားတော်မူခြင်းခံရသည့်သူများကို အဆင့်အတန်းများစွာ မြှင့်တင်ပေးတော်မူမည်။ ###၇ ထို့ပြင် အလ္လာဟ်အရှင်မြတ်သည် အသင်တို့ပြုလုပ်သည်များကို အကြွင်းမဲ့ကြားသိတော်မူသောအရှင်ဖြစ်တော်မူသည်။ |