Quran with Burmese translation - Surah Al-Mujadilah ayat 7 - المُجَادلة - Page - Juz 28
﴿أَلَمۡ تَرَ أَنَّ ٱللَّهَ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۖ مَا يَكُونُ مِن نَّجۡوَىٰ ثَلَٰثَةٍ إِلَّا هُوَ رَابِعُهُمۡ وَلَا خَمۡسَةٍ إِلَّا هُوَ سَادِسُهُمۡ وَلَآ أَدۡنَىٰ مِن ذَٰلِكَ وَلَآ أَكۡثَرَ إِلَّا هُوَ مَعَهُمۡ أَيۡنَ مَا كَانُواْۖ ثُمَّ يُنَبِّئُهُم بِمَا عَمِلُواْ يَوۡمَ ٱلۡقِيَٰمَةِۚ إِنَّ ٱللَّهَ بِكُلِّ شَيۡءٍ عَلِيمٌ ﴾
[المُجَادلة: 7]
﴿ألم تر أن الله يعلم ما في السموات وما في الأرض ما﴾ [المُجَادلة: 7]
| Ba Sein ၇။ အို-တမန်တော်၊ မိုးကောင်းကင်နှင့် ကမ္ဘာမြေပြင်ပေါ်ဝယ် ရှိရှိသမျှအပေါင်းတို့ကို အလ္လာဟ်အရှင်မြတ်သည် အကြွင်းမဲ့သိတော်မူသည်ကို သင်မသိမမြင်သလော၊ လူသားတို့သည် မည်သည့်နေရာမှာမဆို အရှင်မြတ်အား အသိမပေးပဲလျက် တိတ်ဆိတ်လျှို့ဝှက်စွာတိုင်ပင်နှီးနှောခြင်းမပြုလုပ်နိုင်ချေ၊ ဤသို့တိုင်ပင်သူသုံးဦးဖြစ်လျှင် အရှင်မြတ်သည် စတုတ္ထလူအဖြစ်ဖြင့် ပါဝင်နေတော်မူ၏၊ ငါးဦးဖြစ်လျှင် ဆဌမဖြစ်တော်မူ၏၊ များသည်နည်းသည် မဟုတ် အရှင်မြတ်သည် သူတို့နှင့်အတူတကွရှိတော်မူ၏၊ ထို့နောက်တရားစီရင်တော်မူသောနေ့တော်ကြီး၌ အလ္လာဟ်အရှင်မြတ်သည် သူတို့အား ၎င်းတို့ပြုကျင့်သမျှတို့ကို ပြသတော်မူလိမ့်မည်၊ အကြောင်းမူကား အလ္လာဟ် အရှင်မြတ်သည် ခပ်သိမ်းကုန်သောအရာတို့ကို အကြွင်းမဲ့သိတော်မူ၏။ |
| Ghazi Mohammad Hashim (အို-နဗီတမန်တော်၊) ဧကန်မလွဲ အလ္လာဟ်အရှင်မြတ်သည် မိုးကောင်းကင်များ၌ရှိသည်တို့ကို လည်းကောင်း၊ ပထဝီမြေ၌ရှိသည်တို့ကို လည်းကောင်း၊ သိရှိတော်မူကြောင်း အသင်သည် စဉ်းစားဆင်ခြင် သိမြင်ခဲ့ပြီး မဟုတ်ပါလော။ (လူ)သုံးဦး လျှို့ဝှက်တိုင်ပင်ကြသည် မဟုတ်ပေ။ သို့ရာတွင် ထိုအရှင်မြတ် သည် ၎င်းတို့အနက် စတုတ္ထ ဖြစ်တော်မူ၏။ ထိုနည်းတူစွာ(လူ)ငါးဦး(လျှို့ဝှက်တိုင်ပင်ကြသည်) မဟုတ်ပေ။ သို့ရာတွင် ထိုအရှင်မြတ်သည် ၎င်းတို့အနက် ဆဋ္ဌမ ဖြစ်တော်မူ၏။ ထို့ပြင် ထို(သုံးဦး)ထက်လျော့၍လည်းကောင်း၊(ငါးဦး)ထက်ပို၍ လည်းကောင်း၊ (လျှို့ဝှက်တိုင်ပင်ကြသည်)မဟုတ်ပေ။ သို့ရာတွင် ထိုအရှင်မြတ်သည် ၎င်းတို့ မည်သည့်နေရာ၌ ရှိနေကြသည်ဖြစ်စေ ၎င်းတို့နှင့်အတူ ရှိနေတော်မူ၏။ထို့နောက် ထိုအရှင်မြတ်သည် "ကိယာမသ်" ရှင်ပြန်ထမည့်နေ့တွင် ၎င်းတို့အား ၎င်းတို့ ကျင့်မူခဲ့သည်တို့ကို သိစေတော်မူပေမည်။ စင်စစ်ဧကန် အလ္လာဟ်အရှင်မြတ်သည် အရာခပ်သိမ်းတို့ကို အကြွင်းမဲ့သိတော်မူသော အရှင်မြတ်ပင် ဖြစ်တော်မူပေသတည်း။ |
| Hashim Tin Myint အမှန်စင်စစ် အလ္လာဟ်အရှင်မြတ်သည် မိုးကောင်းကင်များတွင် ရှိသမျှနှင့် မြေပထဝီတွင် ရှိသမျှကို သိရှိတော်မူကြောင်း အသင်(တမန်တော်)သည် မစဉ်းစား မကြည့်မြင်ခဲ့ သလော။ လူသုံးဦး လျှုို့ဝှက်ဆွေးနွေးလျှင် အရှင်မြတ်သည် စတုတ္ထအဖြစ်(ရှိနေ)တော်မူသည်။ ထို့ပြင် လူငါးဦးဆိုလျှင်အရှင်မြတ်သည် ဆဋ္ဌမအဖြစ်(ရှိနေ)တော်မူသည်။ ထို့ပြင် ထိုထက်လျော့သည်ဖြစ်စေ၊ ပိုသည်ဖြစ်စေ၊ သူတို့သည် မည်သည့်နေရာ၌ပင် ရှိနေသည်ဖြစ်စေ၊ အရှင်မြတ်သည် သူတို့ နှင့်အတူ ရှိနေတော်မူသည်။ ###၅ ထို့နောက် အရှင်မြတ်သည် ကိယာမသ်ရှင်ပြန်ထမည့်နေ့တွင် သူတို့ပြုလုပ်ခဲ့သည်များကို သူတို့အား အသိပေးတော်မူမည်။ အမှန်စင်စစ် အလ္လာဟ်အရှင်မြတ်သည် အရာအားလုံးကို အကြွင်းမဲ့သိတော်မူသောအရှင်ဖြစ်တော်မူသည်။ |