Quran with Burmese translation - Surah Al-hashr ayat 2 - الحَشر - Page - Juz 28
﴿هُوَ ٱلَّذِيٓ أَخۡرَجَ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ مِن دِيَٰرِهِمۡ لِأَوَّلِ ٱلۡحَشۡرِۚ مَا ظَنَنتُمۡ أَن يَخۡرُجُواْۖ وَظَنُّوٓاْ أَنَّهُم مَّانِعَتُهُمۡ حُصُونُهُم مِّنَ ٱللَّهِ فَأَتَىٰهُمُ ٱللَّهُ مِنۡ حَيۡثُ لَمۡ يَحۡتَسِبُواْۖ وَقَذَفَ فِي قُلُوبِهِمُ ٱلرُّعۡبَۚ يُخۡرِبُونَ بُيُوتَهُم بِأَيۡدِيهِمۡ وَأَيۡدِي ٱلۡمُؤۡمِنِينَ فَٱعۡتَبِرُواْ يَٰٓأُوْلِي ٱلۡأَبۡصَٰرِ ﴾
[الحَشر: 2]
﴿هو الذي أخرج الذين كفروا من أهل الكتاب من ديارهم لأول الحشر﴾ [الحَشر: 2]
| Ba Sein ၂။ အလ္လာဟ်အရှင်မြတ်သည် ရှေးကျမ်းတော်ရရှိသူများအနက် မိစ္ဆာဒိဋ္ဌိတို့အား ပထမအကြိမ်သူတို့၏ အိုးအိမ်ဒေသမှ နှင်ထုတ်တော်မူ၏၊ အို-ယုံကြည်သူအပေါင်းတို့၊ ထိုသူယုတ်မာတို့ကို ယင်းကဲ့သို့ထွက်သွားလိမ့်မည်ဟု သင်တို့ စိတ်တွင် အနည်းငယ်မျှ မထင်ချေ၊ ထိုသူမိုက်တို့သည် မိမိတို့၏ ခိုင်ခန့်မြဲမြံသောမြို့ရိုးခံတပ်များက မိမိတို့ကို အလ္လာဟ်အရှင်မြတ်မှ ကာကွယ်လိမ့်မည်ဟု ယုံကြည်ကြ၏၊ သို့သော်အရှင်မြတ်သည် သူတို့မမျှော်လင့်သော နေရာမှ သူတို့ထံသို့ ရောက်လာတော်မူ၍ သူတို့၏စိတ်နှလုံးကို တုန်လှုပ်ချောက်ခြားစေတော်မူ၏၊ ထို့ကြောင့် သူတို့သည် မိမိတို့လက်ဖြင့်သော်လည်းကောင်း၊ ယုံကြည်သူတို့၏ လက်ဖြင့်သော်လည်းကောင်း၊ မိမိတို့အိုးအိမ် များကို အကုန်အစင်ဖျက်ဆီးလိုက်ကြ၏၊ အို-မျက်စိရှိသူအပေါင်းတို့၊ ဤအဖြစ်အပျက်မှ သင်ခန်းစာယူကြလော့။ |
| Ghazi Mohammad Hashim ထိုအရှင်မြတ်သည်ပင် ရှေးကျမ်းဂန်ရရှိသူတို့အနက် သွေဖည်ငြင်းပယ်ခဲ့ကြသော သူတို့အား ပထမအကြိမ် စုရုံးကြစဉ်အခါ၌ပင် ၎င်းတို့၏နေအိမ်များမှ နှင်ထုတ်တော်မူခဲ့သောအရှင် ဖြစ်တော်မူ၏။ အသင်တို့သည် ၎င်းတို့ ထွက်သွားကြလိမ့်မည်ဟူ၍ပင် ထင်မြင်ခဲ့ကြသည် မဟုတ်ပေ။ ၎င်းတို့ကိုယ်တိုင်ကလည်း မိမိတို့အား မိမိတို့၏ခံတပ်များသည် အလ္လာဟ်အရှင် မြတ်(၏ပြစ်ဒဏ်)မှ ကွယ်ကာ စောင့်ရှောက်ကြလိမ့် မည်ဟူ၍ပင် ထင်မြင်နေခဲ့ကြကုန်၏။ သို့တစေလည်း အလ္လာဟ်အရှင်မြတ်(၏ ပြစ်ဒဏ်)သည် ၎င်းတို့ထံ ၎င်းတို့ မထင်မြင် မယူဆခဲ့ကြသောနေရာမှ ရောက်ရှိ၍လာခဲ့၏။ထိုမှတစ်ပါး ထိုအရှင်မြတ်သည် ၎င်းတို့၏ စိတ်နှလုံးများတွင် ကြောက်ရွံ့စိုးရိမ်မှုကို သက်ရောက်စေတော်မူခဲ့ရာ ထိုသူတို့မှာ မိမိတို့၏နေအိမ်များကို မိမိတို့၏လက်များဖြင့် လည်းကောင်း၊ မုအ်မင်န်သက်ဝင် ယုံကြည်သူတို့၏ လက်များဖြင့်လည်း ကောင်း၊ ဖျက်ဆီးလျက် ရှိခဲ့ကြကုန်၏။ သို့ဖြစ်ပေရာ အို-ဉာဏ်(ပညာ)မျက်စိရှင်အပေါင်းတို့၊ အသင်တို့သည် သင်ခန်းစာယူကြလေကုန်။ |
| Hashim Tin Myint အရှင်မြတ်သည် ယခင်က ကျမ်းရသူများထဲမှ ငြင်းပယ်ခဲ့ကြသည့်သူများကို ပထမအကြိမ် စုရုံးကြသည့်အခါ၌ပင် သူတို့၏ နေအိမ်များမှ နှင်ထုတ်တော်မူခဲ့သည့်အရှင် ဖြစ်တော်မူသည်။ ###၁ အသင်တို့သည် သူတို့ထွက်သွားကြလိမ့်မည်ဟုပင် မထင်ခဲ့ကြပေ။ သူတို့ကိုယ်တိုင်လည်းအမှန်စင်စစ် သူတို့အနေနှင့် သူတို့၏ ခံတပ်များသည် အလ္လာဟ်အရှင်မြတ်(၏ ပြစ်ဒဏ်)မှ ကာကွယ်လိမ့်မည်ဟု ထင်မှတ်နေခဲ့ကြသည်။ ထို့နောက် အလ္လာဟ် အရှင်မြတ်(၏ ပြစ်ဒဏ်)သည် သူတို့ထံသို့ သူတို့ မထင်သည့်ဘက်မှ ရောက်လာခဲ့သည်။ ထို့ပြင် အရှင်မြတ်သည် သူတို့၏ စိတ်နှလုံးများတွင် ကြောက်ရွံ့မှုကို ထည့်ပေးတော်မူခဲ့သည့်အတွက် သူတို့သည် သူတို့၏နေအိမ်များကို သူတို့၏လက် များဖြင့်သာမက မုအ်မင်န်များ၏ လက်များဖြင့်လည်း ဖျက်ဆီးနေကြသည်။ သို့ဖြစ်ရာ အို-ဉာဏ်ရှင်အပေါင်းတို့၊ အသင်တို့သည် သင်ခန်းစာယူကြပါ။ |