Quran with Burmese translation - Surah Al-An‘am ayat 141 - الأنعَام - Page - Juz 8
﴿۞ وَهُوَ ٱلَّذِيٓ أَنشَأَ جَنَّٰتٖ مَّعۡرُوشَٰتٖ وَغَيۡرَ مَعۡرُوشَٰتٖ وَٱلنَّخۡلَ وَٱلزَّرۡعَ مُخۡتَلِفًا أُكُلُهُۥ وَٱلزَّيۡتُونَ وَٱلرُّمَّانَ مُتَشَٰبِهٗا وَغَيۡرَ مُتَشَٰبِهٖۚ كُلُواْ مِن ثَمَرِهِۦٓ إِذَآ أَثۡمَرَ وَءَاتُواْ حَقَّهُۥ يَوۡمَ حَصَادِهِۦۖ وَلَا تُسۡرِفُوٓاْۚ إِنَّهُۥ لَا يُحِبُّ ٱلۡمُسۡرِفِينَ ﴾
[الأنعَام: 141]
﴿وهو الذي أنشأ جنات معروشات وغير معروشات والنخل والزرع مختلفا أكله والزيتون﴾ [الأنعَام: 141]
| Ba Sein ၁၄၁။ အသျှင်မြတ်သည် ဥယျာဉ်ပန်းမာလိအမျိုးမျိုးကို ဖန်ဆင်းတော်မူ၏။ ထိုဥယျာဉ်များ၌ စင်ထောင်းပေး ရသော နွယ်ပင်များ စင်ထောင်ပေးရန်မလိုသောအပင်များ၊ စွန်ပလွန်ပင်များ၊ အနံ့အရသာ အမျိုးမျိုးရှိသော ကောက်ပဲသီးနှံများ၊ အမျိုးတူ၊ အမျိုးမတူသော သံလွင်ပင်၊ သလဲပင်များ ပေါက်ရောက်လျက်ရှိကြ၏။ သင်တို့သည် ထိုသီးပင်များသီးသောအခါ အသီးများကို မှီဝဲသုံးစွဲကြ လော့။ အသီး အနှံ ရိတ်သိမ်းသောနေ့၌ ထိုအသီးအနှံများမှ ပညတ်တော်အတိုင်း လှူဒါန်းကြလော့။ မဖြုန်းတီးကြလင့်။ မှတ်သားကြလော့။ အလ္လာဟ်အသျှင်မြတ်သည် ဖြုန်းတီးသူတို့ကို နှစ်သက်တော် မမူပေ။ |
| Ghazi Mohammad Hashim ထို(အလ္လာဟ်)အရှင်မြတ်သည်ပင်လျှင် (စင်ပေါ်သို့) နွယ်တက်သောဥယျာဉ်များကိုလည်းကောင်း၊ နွယ်မတက်သောဥယျာဉ်များကိုလည်းကောင်း၊ နွယ်ပင်ဥယျာဉ်၊ပင်ထောင်ဥယျာဉ်၊ အရသာ အမျိုးမျိုးနှင့်ပြည့်စုံသော စွန်ပလွံပင်များကိုလည်းကောင်း၊ ကောက်ပဲသီးနှံများကိုလည်းကောင်း၊ဆင်တူရိုးမှားဖြစ်သော သံလွင်ပင်များကိုလည်းကောင်း၊ သလဲသီးများကိုလည်းကောင်း၊ ပေါက်ရောက် ဖြစ်ပွား စေတော်မူခဲ့လေသည်။ အသင်တို့သည် ယင်းအပင်များ၏ အသီးအနှံများကို သီးပွင့်သောအခါ စားသုံးကြလေကုန်။ ထို့ပြင်တဝ အသင်တို့သည် ၎င်းအသီးအနှံများ ဆွတ်ခူးရိတ်သိမ်းသောနေ့တွင်၊၎င်း(အသီး အနှံများနှင့်စပ်လျဉ်း၍ တရားတော်က ပြဋ္ဌာန်းထားသော) တာဝန်ကို ပေးဆပ်ကြလေကုန်။ သို့ရာတွင် အသင်တို့သည် မဖြုန်းတီးကြကုန်လင့်။ အမှန်ဧကန် ထိုအရှင်မြတ်သည် ဖြုန်းတီးသော သူတို့အား နှစ်သက်တော်မမူချေ။ |
| Hashim Tin Myint ထို့ပြင် အရှင်မြတ်သည် အမှီပြု၍ နွယ်တက်သောဥယျာဉ်များ၊ အမှီမပြုရဘဲ ထောင်တက်သောဥယျာဉ်များ၊ အရသာအမျိုးမျိုးရှိသော စွန်ပလွန်ပင်များ၊ ကောက်ပဲသီးနှံများ၊ ဆင်တူယိုးမှားဖြစ်သော သံလွင်(ပင်)များ၊ သလဲသီး(ပင်)များနှင့် ဆင်တူမှုမရှိသော သစ်သီး(ပင်)များကို ပေါက်ရောက်ဖြစ်ထွန်းစေတော်မူခဲ့သည်။ အသင်တို့သည် ထိုအပင်များ၏အသီးအနှံများ သီးပွင့်သောအခါ စားသုံးကြပါ။ ၎င်းပြင် အသင်တို့သည် ထိုအသီးအနှံများ ဆွတ်ခူးရိတ်သိမ်းသောနေ့၌ (ပြဋ္ဌာန်းထားသော)တာဝန်*ကို ပေးဆပ်ကြပါ။ ၎င်းပြင် အသင်တို့သည် မဖြုန်းတီးကြနှင့်။ အမှန်စင်စစ် အရှင်မြတ်သည် ဖြုန်းတီးသောသူများကို နှစ်သက်တော်မမူပေ။ |