Quran with Burmese translation - Surah Al-An‘am ayat 158 - الأنعَام - Page - Juz 8
﴿هَلۡ يَنظُرُونَ إِلَّآ أَن تَأۡتِيَهُمُ ٱلۡمَلَٰٓئِكَةُ أَوۡ يَأۡتِيَ رَبُّكَ أَوۡ يَأۡتِيَ بَعۡضُ ءَايَٰتِ رَبِّكَۗ يَوۡمَ يَأۡتِي بَعۡضُ ءَايَٰتِ رَبِّكَ لَا يَنفَعُ نَفۡسًا إِيمَٰنُهَا لَمۡ تَكُنۡ ءَامَنَتۡ مِن قَبۡلُ أَوۡ كَسَبَتۡ فِيٓ إِيمَٰنِهَا خَيۡرٗاۗ قُلِ ٱنتَظِرُوٓاْ إِنَّا مُنتَظِرُونَ ﴾
[الأنعَام: 158]
﴿هل ينظرون إلا أن تأتيهم الملائكة أو يأتي ربك أو يأتي بعض﴾ [الأنعَام: 158]
| Ba Sein ၁၅၈။ ကောင်းကင်တမန်တော်များ သူတို့ထံသို့လာခြင်းကိုသော်လည်းကောင်း၊ သင်၏ကျေးဇူးတော် သခင်ကိုယ်တိုင်တော် ကြွလာတော်မူခြင်းကိုလည်းကောင်း၊ သင်၏ ကျေးဇူးတော်သခင်ထံမှ အံ့ဖွယ် တစ်ပါးပါး ကျရောက်လာခြင်းကိုသော်လည်းကောင်း၊ ဤအရာများ တစ်ပါးပါးထက် မသေးသိမ် သောအရာကို သူတို့ စောင့်ငံ့နေကြသလော။ သင်၏ အသျှင်သခင်အထံတော်မှ အံ့ဖွယ်တစ်ပါးပါး ရောက်လာသောနေ့တော်ကြီး၌ ထိုအံ့ဖွယ်ကို ယုံကြည်ခြင်းသည် ထိုအချိန်ကာလအထိ မယုံကြည် သေးသော ဝိညာဉ်ကို အကျိုးတစ်စုံတစ်ခုမှ မပေးပေ။ ထိုယုံကြည်မှုကြောင့် အကျိုးမရပေ။ ဟောကြားလော့။ ဟယ်-အချင်းတို့ သင်တို့ စောင့်ဆိုင်းနေကြသလော။ မှတ်သားကြလော့။ အကျွနု်ပ်လည်း ဆိုင်းငံ့နေကြ၏။ |
| Ghazi Mohammad Hashim ယင်းသူတို့သည် မိမိတို့ထံ မလာအိကဟ်ကောင်းကင်စေတမန်များ ရောက်ရှိလာသည်ကိုသော်လည်းကောင်း၊ အသင့်အား မွေးမြူတော်မူသော (အလ္လာဟ်) အရှင်မြတ်ကိုယ်တိုင် ကြွရောက်လာတော်မူသည် ကိုသော်လည်းကောင်း၊ အသင့်အားမွေးမြူတော်မူသော (အလ္လာဟ်)အရှင်မြတ်၏အကြီးအကျယ် လက္ခဏာတစ်စုံတစ်ရာ ရောက်ရှိလာသည်ကိုသော်လည်းကောင်း၊ စောင့်ဆိုင်း၍ နေကြသလော။(အမှန်စင်စစ်သော်ကား) အသင့်အား မွေးမြူတော်မူသောအရှင်မြတ်၏(ကြီးကျယ်သော)အချို့လက္ခဏာတော် ရောက်ရှိလာသောနေ့တွင်၊ ရှေးဦးမဆွက အီမာန်ယုံကြည်မှုမရှိခဲ့သောသူကိုသော်လည်းကောင်း၊ မိမိယုံကြည်မှုနှင့်စပ်လျဉ်း၍ တစ်စုံတစ်ရာ ကောင်းမှုပြုခဲ့ခြင်း မရှိသောသူကိုသော်လည်းကောင်း၊ထိုသူ၏ ယုံကြည်မှုသည် အကျိုးကျေးဇူး ဖြစ်ထွန်းစေမည်မဟုတ်ပေ။ (အို-နဗီတမန်တော်) အသင်သည် (၎င်းတို့အား)အသင်တို့သည် စောင့်ဆိုင်း၍နေကြလေကုန်။ ငါတို့သည်(လည်းအသင်တို့နှင့်အတူ) စောင့်ဆိုင်းလျက်ပင် ရှိပါသည် ဟုပြောကြားပါလေ။ |
| Hashim Tin Myint သူတို့သည် သူတို့ထံသို့ ကောင်းကင်တမန်များရောက်လာသည်ကို၊ သို့မဟုတ် အသင်(တမန်တော်)အား ဖန်ဆင်းမွေးမြူတော်မူသောအရှင်ကိုယ်တိုင် ကြွရောက်လာတော်မူသည်ကို၊ သို့မဟုတ် အသင့်အား ဖန်ဆင်းမွေးမြူတော်မူသောအရှင်မြတ်၏ သက်သေလက္ခဏာအချို့ ရောက်ရှိလာသည်ကို စောင့်ဆိုင်းနေကြသလော။ အသင့်အား ဖန်ဆင်းမွေးမြူတော်မူသောအရှင်မြတ်၏ သက်သေလက္ခဏာအချို့ ရောက်ရှိလာသောနေ့တွင် ယခင်ကတည်းက အီမာန်ယုံကြည်မှုမရှိခဲ့သောသူ သို့မဟုတ် သူ၏ယုံကြည်မှုနှင့် ကောင်းမှုတစ်စုံတစ်ရာ မပြုလုပ်ခဲ့သူအား သူ၏အီမာန်ယုံကြည်မှုက အကျိုးဖြစ်ထွန်းစေမည် မဟုတ်ပေ။* (အို- တမန်တော်)အသင် (သူတို့အား)ပြောလိုက်ပါ- “အသင်တို့စောင့်ဆိုင်းနေကြပါ။ ငါတို့လည်း စောင့်ဆိုင်းနေကြသည်။“ |