Quran with Burmese translation - Surah Al-An‘am ayat 40 - الأنعَام - Page - Juz 7
﴿قُلۡ أَرَءَيۡتَكُمۡ إِنۡ أَتَىٰكُمۡ عَذَابُ ٱللَّهِ أَوۡ أَتَتۡكُمُ ٱلسَّاعَةُ أَغَيۡرَ ٱللَّهِ تَدۡعُونَ إِن كُنتُمۡ صَٰدِقِينَ ﴾
[الأنعَام: 40]
﴿قل أرأيتكم إن أتاكم عذاب الله أو أتتكم الساعة أغير الله تدعون﴾ [الأنعَام: 40]
| Ba Sein ၄ဝ။ ဟောကြားလော့။ ဟယ်-အချင်းတို့ အလ္လာဟ်အသျှင်မြတ်၏ အပြစ်ဒဏ်တော်သည် သင်တို့အပေါ်သို့ ဆိုက်ရောက်လာသောအခါသော်လည်းကောင်း၊ အချိန်တော်ကြီးသည် သင်တို့အပေါ်သို့ ကျရောက်လာသောသော်လည်းကောင်း၊ သင်တို့သည် အလ္လာဟ်အသျှင်မြတ်မှတစ်ပါး တစ်စုံတစ်ရာကို ဝတ်ပြုဆုတောင်းကြမည်ဟု သင်တို့ ထင်ကြသလော။ ထိုအခါ သင်တို့သည် အလ္လာဟ်အသျှင်မြတ်မှတစ်ပါး အခြားသူများထံ အကူအညီတောငးကြမည်လော။ သင်တို့သည် အမှန်ကိုဆိုသူများဖြစ်ကြလျှင် အဖြေပေးကြလော့။ |
| Ghazi Mohammad Hashim (အို-နဗီတမန်တော်) အသင်သည်(ထိုသူတို့ အားဤသို့) ပြောဆိုပါလေ။ အသင်တို့ ပြောပြကြ ကုန်၊ အကယ်၍အလ္လာဟ်အရှင်မြတ်၏ ပြစ်ဒဏ်သည် အသင်တို့၏အပေါ်၌ကျရောက်လာခဲ့သည်ရှိသော်၊ သို့တည်းမဟုတ် ကိယာမတ်(ရှင်ပြန်ထမည့်နေ့)သည် အသင်တို့ထံ ဆိုက်ရောက်လာခဲ့သည်ရှိသော် (ထိုကဲ့သို့သော အချိန်ကာလမျိုး၌လည်း) အသင်တို့သည် အလ္လာဟ်အရှင်မြတ်မှတစ်ပါး (မိမိတို့ ကိုယ်တိုင် ဘုရားအဖြစ် ပြုလုပ် ကိုးကွယ်ကြကုန် သော) အခြားအရာများကိုပင်ဟစ်ခေါ်ကြမည်လော။ အသင်တို့ မှန်ကန်သောသူများဖြစ်ကြပါလျှင် (ထိုသို့သောအချိန်မျိုးတွင်လည်း အလ္လာဟ်ရှင်မြတ် အားစွန့်လွှတ်၍ မိမိတို့၏ ကိုးကွယ်ရာများကိုသာ ဟစ်ခေါ်သင့်ပေသည်)။ |
| Hashim Tin Myint (အို- တမန်တော်)အသင် ပြောလိုက်ပါ- အကယ်၍ အလ္လာဟ်အရှင်မြတ်၏ အပြစ်ဒဏ်သည် အသင်တို့အပေါ်၌ ကျရောက်လာခဲ့လျှင်၊ သို့မဟုတ် ကိယာမသ် ရှင်ပြန်ထမည့်နေ့သည် အသင်တို့ထံသို့ ရောက်လာခဲ့လျှင် အသင်တို့သည် အလ္လာဟ်အရှင်မြတ်မှလွဲ၍ (အခြားအရာများကို) ဟစ်ခေါ်ကြဦးမည်လော၊ အကယ်၍ အသင်တို့သည် မှန်ကန်သူများဖြစ်ခဲ့ကြလျှင် အသင်တို့သည် (ငါ့အား)ပြောပြကြပါ။ |