Quran with Burmese translation - Surah Al-An‘am ayat 99 - الأنعَام - Page - Juz 7
﴿وَهُوَ ٱلَّذِيٓ أَنزَلَ مِنَ ٱلسَّمَآءِ مَآءٗ فَأَخۡرَجۡنَا بِهِۦ نَبَاتَ كُلِّ شَيۡءٖ فَأَخۡرَجۡنَا مِنۡهُ خَضِرٗا نُّخۡرِجُ مِنۡهُ حَبّٗا مُّتَرَاكِبٗا وَمِنَ ٱلنَّخۡلِ مِن طَلۡعِهَا قِنۡوَانٞ دَانِيَةٞ وَجَنَّٰتٖ مِّنۡ أَعۡنَابٖ وَٱلزَّيۡتُونَ وَٱلرُّمَّانَ مُشۡتَبِهٗا وَغَيۡرَ مُتَشَٰبِهٍۗ ٱنظُرُوٓاْ إِلَىٰ ثَمَرِهِۦٓ إِذَآ أَثۡمَرَ وَيَنۡعِهِۦٓۚ إِنَّ فِي ذَٰلِكُمۡ لَأٓيَٰتٖ لِّقَوۡمٖ يُؤۡمِنُونَ ﴾
[الأنعَام: 99]
﴿وهو الذي أنـزل من السماء ماء فأخرجنا به نبات كل شيء فأخرجنا﴾ [الأنعَام: 99]
| Ba Sein ၉၉။ အသျှင်မြတ်သည် မိုးကောင်းကင်မှ မိုးရွာသွန်းစေတော်မူ၏။ ထိုမိုးရေဖြင့် သစ်ပင်၊ မြက်ပင်အမျိုးမျိုး ကို ပေါက်ရောက်စေတော်မူ၏။ အချို့အပင်များမှ စိမ်းလန်းစိုပြေသော ကောက်ပဲသီးနှံများကို ပွင့်စေတော်မူ၏။ ထိုအသီးအနှံများမှ ရိတ်သိမ်းချိန်တွင် ပုံထားရသော ဂျုံစပါးများကို ထွက်စေတော် မူ၏။ စွန်ပလွန်ပင်၏အခိုင်များမှ စွန်ပလွန်သီးများကို မြေနှင့်နီးအောင်တွဲလဲကျသီးစေတော်မူ၏။ ထို့ပြင် စပျစ်၊ သံလွင်၊ သလဲ၊ ဥယျာဉ်စသည်တို့ကိုလည်း ဖန်ဆင်းတော်မူ၏။ သူတို့သည် အမျိုးတူ သော်လည်း အနှစ်အရသာအမျိုးမျိုးအဖုံဖုံရှိကြ၏။ |
| Ghazi Mohammad Hashim ၎င်းပြင် ထိုအရှင်မြတ်သည် အကြင်အရှင် မြတ်ပင်တည်း။ ထိုအရှင်မြတ်သည် မိုးကောင်ကင်မှ (မိုး)ရေကိုရွာသွန်းချတော်မူခဲ့လေသည်။ ထို့နောက် ငါအရှင်မြတ်သည်ထိုရေဖြင့် ကောက်ပဲသီးနှံအညှောင့်အတက် မျိုးစုံတို့ကို ထွက်စေတော်မူခဲ့လေသည်။ ၎င်းနောက် ငါအရှင်မြတ်သည် ထိုအညှောင့်အတက်မှ စိမ်းစိုသော အကိုင်းအလက်ကို ထွက်စေတော်မူ၏။ ငါအရှင်မြတ်သည် ထိုအကိုင်းအလက်မှ အထပ်ထပ်ပြွတ်လျက်ရှိသော အစေ့၊ အဆန်တို့ကို ထွက်စေတော်မူ၏။ထို့ပြင် စွန်ပလွံပင်များမှ(ဝါ)၎င်း၏အဖူး ဝတ်ဆံများမှ တွဲလဲကျနေသောအခိုင်များ (ထွက်လေ၏။) ထိုမှတစ်ပါး (ငါအရှင်မြတ်သည်) စပျစ်ခြံများကိုလည်းကောင်း၊ သံလွင်သီး၊ သလဲသီးများကိုလည်းကောင်း၊ (ဖန်ဆင်းတော်မူခဲ့လေသည်။) အချို့မှာအချင်းချင်းတူ၏။ အချို့မှာမတူချေ။ အသင်တို့သည်ထိုအသီးများသီးချိန်၌လည်းကောင်း၊ မှည့်ခြင်းများကို ကြည့်ရှုကြလေကုန်။ ဧကန်စင်စစ် ဤသည်တို့၌ သက်ဝင်ယုံကြည်(လို)သောသူတို့အဖို့ သက်သေသာဓကများ ရှိကြကုန်သတည်း။ |
| Hashim Tin Myint ထို့ပြင် အရှင်မြတ်သည် မိုးကောင်းကင်မှ မိုးရေကို ရွာသွန်းချပေးတော်မူခဲ့သည်။ ထို့နောက် ငါအရှင်မြတ်သည် ထိုမိုးရေနှင့် ကောက်ပဲသီးနှံ အညှောင့်မျိုးစုံကို ထွက်ပေါ်စေတော်မူခဲ့သည်။ ထို့နောက် ငါအရှင်မြတ်သည် ထိုအညှောင့်မှ စိမ်းစိုသောအကိုင်းအခက်ကို ထွက်စေတော်မူသည်။ ငါအရှင်မြတ်သည် ထိုအကိုင်းအခက်မှ ပြွတ်သိပ်နေသော စေ့အဆန်များကို ထွက်စေတော်မူသည်။ ထို့ပြင် စွန်ပလွန်ပင်၏အဖူးဝတ်ဆံများမှ တွဲလောင်းကျနေသော အခိုင်များ(ထွက်သည်)။ ၎င်းပြင် (ငါအရှင်မြတ်သည်) စပျစ်ခြံများ၊ သံလွင်သီး၊ သလဲသီးများကိုလည်း (ဖန်ဆင်းတော်မူခဲ့သည်)။ အချို့မှာ အချင်းချင်းတူကြပြီး အချို့မှာမူ (ပုံစံတူသော်လည်း အရသာ)မတူကြပေ။* အသင်တို့သည် ထိုအသီးများ သီးသောအခါနှင့် မှည့်သောအခါတွင် ထိုအသီးများအား ကြည့်ကြပါ။ အမှန်စင်စစ် ၎င်းတို့ထဲ၌ ယုံကြည်သောသူများအတွက် သက်သေသာဓကများ ရှိသည်။ |