Quran with Burmese translation - Surah Yunus ayat 18 - يُونس - Page - Juz 11
﴿وَيَعۡبُدُونَ مِن دُونِ ٱللَّهِ مَا لَا يَضُرُّهُمۡ وَلَا يَنفَعُهُمۡ وَيَقُولُونَ هَٰٓؤُلَآءِ شُفَعَٰٓؤُنَا عِندَ ٱللَّهِۚ قُلۡ أَتُنَبِّـُٔونَ ٱللَّهَ بِمَا لَا يَعۡلَمُ فِي ٱلسَّمَٰوَٰتِ وَلَا فِي ٱلۡأَرۡضِۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ ﴾
[يُونس: 18]
﴿ويعبدون من دون الله ما لا يضرهم ولا ينفعهم ويقولون هؤلاء شفعاؤنا﴾ [يُونس: 18]
| Ba Sein ၁၈။ သူတို့သည် အလ္လာဟ်အရှင်မြတ်နှင့်တွဲဖက်၍ ကောင်းကျိုးဆိုးကျိုးကို မပေးနိုင်သောအရာဝထ္ထုတို့ကို ကိုးကွယ် ကြ၏။ သူတို့က ဤဘုရားတုများသည် အကျွနု်ပ်တို့ကို အလ္လာဟ်အရှင်မြတ်၏ ရှေ့တော်ဝယ် တောင်းပန် ကယ်နှုတ်သူများဖြစ်ကြ၏။ ဟောကြားလော့၊ သင်တို့သည် အလ္လာဟ်အရှင်အား မိုးကောင်းကင်နှင့် ကမ္ဘာမြေပေါ် ဝယ် အလ္လာဟ်အရှင်မြတ်သိတော်မမူသောအရာတစ်ခုခုကို တင်လျှောက်ကြမည်လော၊ အရှင်မြတ်သည် ချီးမွမ်း ခြင်းတည်ရာဖြစ်တော်မူ၏။ သင်တို့ပူးတွဲသောဘုရားများထက် သာလွန်မြင့်မြတ်တော်မူ၏။ |
| Ghazi Mohammad Hashim စင်စစ်သော်ကား ၎င်း တို့သည် အလ္လာဟ်အရှင်မြတ်အားစွန့်ပယ်၍ အကြင်အရာများကို ကိုးကွယ်ဆည်းကပ်ကြလေသည်။ ထိုအရာများသည် ၎င်း တို့အား အကျိုးယုတ်စေနိုင်ကြသည်လည်း မဟုတ်ပေ။ ထို့ပြင် ထိုအရာများသည်၎င်း တို့အား အကျိုး ဖြစ်ထွန်းစေနိုင်ကြသည်လည်း မဟုတ်ပေ။ထိုမှတပါး ၎င်း တို့က ဤသည်တို့ကား ကျွန်ုပ်တို့အား အလ္လာဟ်အရှင်မြတ်အထံတော်၌ ကြားဝင် အသနားခံပေးမည့်အရာများပင်ဖြစ်ကြသည်ဟု ပြောဆိုကြကုန်၏။ (အို-နဗီတမန်တော်)အသင်သည် (၎င်း တို့အား ဤသို့)ပြောြားပါလေ။ (အချင်းတို့)အသင်တို့သည် အလ္လာဟ်အရှင်မြတ်အား မိုးကောင်းကင်များ၌လည်းကောင်း၊ ပထဝီမြေ၌လည်းကောင်း၊ထိုအရှင်မြတ်သိတော်မမူသောအရာနှင့်စပ်လျဉ်း၍ သတင်းပေးကြသလော။ ထိုအရှင်မြတ်သည် သန့်ရှင်းစင်ကြယ်တော်မူသည့်အပြင် ထိုအရှင်မြတ်သည် ၎င်း တို့တွဲဖက်နှိုင်းယှဉ် ကိုးကွယ်ကြကုန်သောအရာများထက် မြင့်မြတ်လှတော်မူ၏။ |
| Hashim Tin Myint ထို့ပြင် သူတို့သည် အလ္လာဟ်အရှင်မြတ်အား စွန့်ပြီး အကြင်အရာများကို ကိုးကွယ်ကြသည်။ ထိုအရာများသည် သူတို့အား နစ်နာစေရန်လည်း မပြုလုပ်နိုင်ပေ၊ ၎င်းပြင် သူတို့အား အကျိုးဖြစ်ထွန်းစေရန်လည်း မပြုလုပ်နိုင်ပေ။ ၎င်းနောက် သူတို့က ပြောဆိုကြသည်- “ဤအရာများသည် ကျွန်ုပ်တို့အား အလ္လာဟ်အရှင်မြတ်ထံတော်၌ ကြားဝင်အသနားခံပေးမည့်အရာများပင်ဖြစ်ကြသည်။“ (အို- တမန်တော်)အသင်ပြောလိုက်ပါ- “အသင်တို့သည် အလ္လာဟ်အရှင်မြတ်အား မိုးကောင်းကင်များနှင့် မြေပထဝီတွင် အရှင်မြတ်မသိသောအရာများ*နှင့်ပတ်သက်၍ သတင်းပေးနေကြသလော။ အရှင်မြတ်သည် သန့်ရှင်းစင်ကြယ်တော်မူသည့်အပြင် အရှင်မြတ်သည် သူတို့တွဲဖက်ကိုးကွယ်သောအရာများထက် အလွန်မြင့်မားလှတော်မူသည်။ |