Quran with Burmese translation - Surah An-Nahl ayat 101 - النَّحل - Page - Juz 14
﴿وَإِذَا بَدَّلۡنَآ ءَايَةٗ مَّكَانَ ءَايَةٖ وَٱللَّهُ أَعۡلَمُ بِمَا يُنَزِّلُ قَالُوٓاْ إِنَّمَآ أَنتَ مُفۡتَرِۭۚ بَلۡ أَكۡثَرُهُمۡ لَا يَعۡلَمُونَ ﴾
[النَّحل: 101]
﴿وإذا بدلنا آية مكان آية والله أعلم بما ينـزل قالوا إنما أنت﴾ [النَّحل: 101]
| Ba Sein ၁ဝ၁။ အလ္လာဟ်အရှင်မြတ်သည် မိမိချပေးတော်မူသောကျမ်းတော်ကို ကောင်းစွာသိတော်မူ၏။ ငါအရှင်မြတ်သည် ကျမ်းတော်တစောင်ကို အခြားကျမ်းတော်တစောင်နှင့် အစားထိုးတော်မူသောအခါ အယူမှားသူတို့သည် သင့်အား မဟုတ်မမှန်လုပ်ဇာတ်ခင်းနေသည်ဟု စွပ်စွဲကြ၏။ သူတို့အနက် များစွာသောသူတို့သည် မသိမမြင်ကြချေ။ |
| Ghazi Mohammad Hashim ၎င်းပြင် ငါအရှင်မြတ်သည် အာယတ်တော်တစ်ပုဒ်ကို အာယတ်တော်တစ်ပုဒ်၏ နေရာတွင် ပြောင်းလဲတော်မူသောအခါ အမှန်စင်စစ် အလ္လာဟ်အရှင်မြတ်သည် မိမိချပေးတော်မူသော အမိန့်ပညတ်တော်ကို အသိတော်မူဆုံးပင်ချပေးတော်မူသော အမိန့်ပညတ်တော်ကို အသိတော်မူဆုံးပင်ဖြစ်တော်မူ၏။ ယင်း (ကာဖိရ်သွေဖည်ငြင်းပယ်သော)သူတို့ကအသင်သည် ကြံဖန်လီဆယ်သူမျှသာဖြစ်သည်ဟု ပြောဆိုကြကုန်၏။ ထိုသို့အလျှင်းမဟုတ်၊ စင်စစ်မှာကား ၎င်းတို့အနက်အများဆုံးသောသူတို့သည် မသိနားမလည်ကြပေ။ |
| Hashim Tin Myint ထို့ပြင် ငါအရှင်မြတ်သည် အာယသ်တော်တစ်ပိုဒ်ကို အခြားအာယသ်တော်တစ်ပိုဒ်၏နေရာတွင် ပြောင်းလဲတော်မူသောအခါ* အလ္လာဟ်အရှင်မြတ်သည် အရှင်မြတ်ချပေးတော်မူသောအမိန့်များကို အသိဆုံးဖြစ်တော်မူသည်။ သူတို့က အသင်သည် လုပ်ကြံဖန်တီးသူပင်ဖြစ်သည်ဟု ပြောဆိုကြသည်။ ထိုသို့မဟုတ်ပေ၊ အမှန်မှာ သူတို့ထဲမှ အမြောက်အမြားသည် မသိနားမလည်ကြပေ။ |