Quran with Burmese translation - Surah An-Nahl ayat 116 - النَّحل - Page - Juz 14
﴿وَلَا تَقُولُواْ لِمَا تَصِفُ أَلۡسِنَتُكُمُ ٱلۡكَذِبَ هَٰذَا حَلَٰلٞ وَهَٰذَا حَرَامٞ لِّتَفۡتَرُواْ عَلَى ٱللَّهِ ٱلۡكَذِبَۚ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ ﴾
[النَّحل: 116]
﴿ولا تقولوا لما تصف ألسنتكم الكذب هذا حلال وهذا حرام لتفتروا على﴾ [النَّحل: 116]
| Ba Sein ၁၁၆။ လူသားအပေါင်းတို့၊ သင်တို့သည် အလ္လာဟ်အရှင်မြတ်အား မတော်မတရားလုပ်ကြံစွပ်စွဲအ့ံသောငှာ ဤအရာကား တရားဝင်၏။ ဤအရာကား တရားမဝင်ဟု ပညတ်တော်နှင့်ဆန့်ကျင်စွာမပြောမဆိုကြလင့်။ မှတ်သားကြလော့။ အလ္လာဟ်အရှင်မြတ်ကို မဟုတ်မမှန်လုပ်ကြံစွပ်စွဲသောသူတို့သည် အောင်မြင်ကြမည်မဟုတ်ချေ။ |
| Ghazi Mohammad Hashim ထိုမှတစ်ပါး အသင်တို့သည် မိမိတု့ိ၏နှုတ်လျှာများက မုသားကိုပြောဆိုပြဋ္ဌာန်းခဲ့သောကြောင့် ဤကားဟလာလ်ခွင့်ပြုထားသောအရာဖြစ်သည်။ ဤကား ဟရာမ်တားမြစ်ထားသောအရာ ဖြစ်သည်ဟူ၍ မပြောဆိုကြကုန်လင့်။ ထိုသို့ပြောဆိုလျှင် အသင်တို့သည် အလ္လာဟ်အရှင်မြတ် အပေါ်၌ မုသားကိုလီဆယ်စွပ်စွဲကြသည်သာ ဖြစ်ပေမည်။ ဧကန်စင်စစ် အလ္လာဟ်အရှင်မြတ်အပေါ်၌ မုသားကို လီဆယ်စွပ်စွဲကြသောသူတို့သည် အောင်မြင်ကြမည် မဟုတ်ပေ။ |
| Hashim Tin Myint ထို့ပြင် အသင်တို့သည် အလ္လာဟ်အရှင်မြတ်အပေါ်တွင် လုပ်ကြံစွပ်စွဲကြရန်အတွက် အသင်တို့၏နှုတ်လျှာများက မုသားလုပ်ကြံဖန်တီးခဲ့သော “ဤသည် ဟလာလ် ခွင့်ပြုထားသောအရာဖြစ်သည်၊ ၎င်းနောက် ဤသည် ဟရာမ် တားမြစ်ထားသောအရာဖြစ်သည်“ဟူသည့် (စကားများကို)မပြောဆိုကြနှင့်။ အမှန်စင်စစ် အလ္လာဟ်အရှင်မြတ်အပေါ်တွင် လုပ်ကြံစွပ်စွဲကြသောသူများသည် အောင်မြင်မည်မဟုတ်ပေ။ |