Quran with Burmese translation - Surah Al-Baqarah ayat 35 - البَقَرَة - Page - Juz 1
﴿وَقُلۡنَا يَٰٓـَٔادَمُ ٱسۡكُنۡ أَنتَ وَزَوۡجُكَ ٱلۡجَنَّةَ وَكُلَا مِنۡهَا رَغَدًا حَيۡثُ شِئۡتُمَا وَلَا تَقۡرَبَا هَٰذِهِ ٱلشَّجَرَةَ فَتَكُونَا مِنَ ٱلظَّٰلِمِينَ ﴾
[البَقَرَة: 35]
﴿وقلنا ياآدم اسكن أنت وزوجك الجنة وكلا منها رغدا حيث شئتما ولا﴾ [البَقَرَة: 35]
| Ba Sein ၃၅။ ငါက အေ အာဒမ် သင်တို့ ဇနီးမောင်နှံသည် သုခဥယျာဉ်တော်တွင် နေကြလော့။ သင်တို့သည် ဥယျာဉ်အသီးအနှံများကို အလိုဆန္ဒအတိုင်း လွတ်လပ်စွာစားကြလော့။ သို့သော် သင်တို့သည် ဒုစရိုက်မှုကျူးလွန်သူများ မဖြစ်စေခြင်းငှာ ဤအပင်နားသို့ မချဉ်းကပ်ကြလင့်ဟု မိန့်တော်မူ၏။ |
| Ghazi Mohammad Hashim ထို့နောက် ငါ(အလ္လာဟ်အရှင်မြတ်)သည်(အာဒမ်အား) ဤသို့မိန့်ကြားတော်မူ၏။ အို-အာဒမ်၊ အသင်သည် မိမိ ၏ကြင်ယာ(ဟောင်ဝါ)နှင့်တကွ ဂျန္နတ် အမတသုခဘုံ၌ နေထိုင်၍ အသင်တို့ဇနီးမောင်နှံနှစ်ဦးသည် ထိုသုခဘုံတွင် အလိုရှိရာနေရာမှ အာသာဆန္ဒရှိသမျှကို (လွတ်လပ်စွာယူငင်ပြီး)ဖော သီဝပြောစွာ စားသုံးကြကုန်၊ သို့ရာတွင်အသင်တို့သည် ဤအပင်၏အနီးသို့ မချဉ်းကပ်ကြနှင့်၊ (အကယ်၍ထိုအပင်၏အနီးသို့ချဉ်းကပ်၍ ထိုအပင်၏အသီးအနှံကို စားသုံးမိကြလျှင်) အသင်တို့သည် ပြစ်မှု ကျူးလွန်သူများတွင် အပါအဝင်ဖြစ်ကြကုန်လတ္တံ့။ |
| Hashim Tin Myint ၎င်းပြင် ငါအရှင်မြတ်က မိန့်ကြားတော်မူခဲ့သည်၊ အို-အာဒမ်၊ အသင်နှင့်အသင်၏ဇနီးကြင်ရာတို့သည် ဂျန္နသ်သုခဘုံတွင် နေထိုင်ပြီး အသင်တို့နှစ်ဦးသည် ထိုသုခဘုံတွင် အသင်နှစ်ဦးအလိုရှိသည့်နေရာမှ စိတ်ဆန္ဒရှိသမျှ ဖောသီစွာ စာသုံးကြပါ။ ထို့ပြင် အသင်တို့နှစ်ဦးသည် ဤအပင်၏အနီးကို မကပ်ကြနှင့်။* ထိုသို့မဟုတ်ဘဲ(ကပ်ခဲ့လျှင်) အသင်တို့နှစ်ဦးသည် အပြစ်ကျူးလွန်သူများထဲ၌ ပါဝင်သွားလိမ့်မည်။ |