Quran with Burmese translation - Surah Al-hajj ayat 73 - الحج - Page - Juz 17
﴿يَٰٓأَيُّهَا ٱلنَّاسُ ضُرِبَ مَثَلٞ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابٗا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـٔٗا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ ﴾
[الحج: 73]
﴿ياأيها الناس ضرب مثل فاستمعوا له إن الذين تدعون من دون الله﴾ [الحج: 73]
| Ba Sein ၇၃။ အို--လူသားအပေါင်းတို့၊ ဥပမာတစ်ခုဆောင်အ့ံ၊ ထိုဥပမာကို ကောင်းစွာနာခံကြလော့၊ မှတ်သားကြလော့၊ အလ္လာဟ်အရှင်မြတ်မှတပါး သင်တို့ကိုးကွယ်သောဘုရားတို့သည် သူတို့အားလုံးပူးပေါင်းဆောင်ရွက်သော်လည်း ယင်ကောင်တစ်ကောက်ကိုမျှ မဖန်ဆင်းနိုင်ကြချေ၊ အကယ်၍ထိုယင်ကောင်သည် သူတို့ထံမှ တစ်စုံတစ်ခုကို ချီယူသွားလျှင် သူတို့သည် ထိုအရာကို ထိုယင်ကောင်ကလေးထံမှ ပြန်မယူနိုင်ကြချေ၊ ကိုးကွယ်သူနှင့် ကိုးကွယ်ခံရသူနှစ်ဦးစလုံးပင် အင်အားချိနဲ့သူများဖြစ်ကြ၏။ |
| Ghazi Mohammad Hashim အို-လူခပ်သိမ်းတို့၊ ဥပမာ ပုံဆောင်ချက်တစ်ခုကို ခိုင်းနှိုင်းမည်ဖြစ်ရာ အသင်တို့သည် ယင်းဥပမာ ပုံဆောင်ချက်ကို(ကောင်းစွာ) နားထောင်ကြလေကုန်။ မုချဧကန် အလ္လာဟ်အရှင်မြတ်အား စွန့်၍ အသင်တို့ ဟစ်ခေါ်(တသ ဆည်းကပ် ကိုးကွယ် လျက်ရှိ)ကြသော အရာများမှာ ၎င်းတို့အားလုံး(တစ်စည်းတစ်လုံးတည်း) စုရုံး(ကြိုးပမ်းအား ထုတ်ကြသည့်တိုင်အောင် ယင်ကောင်တစ်ကောင်ကိုမျှပင် အလျှင်း ဖန်ဆင်းနိုင်ကြမည် မဟုတ်ပေ။ ထိုမှတစ်ပါး အကယ်၍ ထိုယင်ကောင်သည် ၎င်းတို့ထံမှ တစ်စုံတစ်ရာကို လုယူပါလျှင်(သုတ်ယူသွားပါလျှင်) ၎င်းတို့သည် ယင်းအရာကိုပင် ထိုယင်ကောင်၏ထံမှ ပြန်လုယူနိုင်ကြမည် မဟုတ်ချေ။ ရှာဖွေဆည်းပူး (ကိုးကွယ်ဆည်းကပ်)သောသူနှင့် ရှာဖွေဆည်းပူး (ကိုးကွယ်ဆည်းကပ်)ခြင်း ခံရသောသူတို့သည် အားနည်းချိနဲ့ကြ ပေတကား။ |
| Hashim Tin Myint အိုလူသားအပေါင်းတို့၊ ပမာတစ်ခု ခိုင်းနှိုင်းပြမည်ဖြစ်သည့်အတွက် အသင်တို့သည် ထိုအရာကို သေချာစွာ နားထောင်ကြပါ။ အမှန်စင်စစ် အလ္လာဟ်အရှင်မြတ်အား စွန့်၍ အသင်တို့ ဟစ်ခေါ်(ကိုးကွယ်)ကြသည့်အရာများသည် သူတို့အားလုံးစုပေါင်း၍ (ကြိုးပမ်း)ကြလျှင်လည်း ယင်ကောင်တစ်ကောင်ကိုပင် လုံးဝ ဖန်ဆင်းနိုင်ကြမည် မဟုတ်ပေ။ ထို့ပြင် အကယ်၍ ထိုယင်ကောင်သည် သူတို့ထံမှ တစ်စုံတစ်ခု လုယူ(သုတ်ချီသွား)လျှင် သူတို့သည် ထိုအရာကိုပင် ထိုယင်ကောင်ထံမှ ပြန်လုယူနိုင်ကြမည် မဟုတ်ပေ။ လိုလားဟစ်ခေါ်(ကိုးကွယ်)သူရော၊ လိုလားဟစ်ခေါ်(ကိုးကွယ်)ခံရသူပါ အားအင်ချည့်နဲ့ကြသည်။ |